शुक्रवार, 14 ऑगस्ट 2026
Law Admission 2026-27: विद्यार्थ्यांसाठी मोठी बातमी! ( फोटो सौजन्य- सोशलमीडिया)
● विधी कॉलेजच्या यादीत २३२ महाविद्यालयांची भर, प्रवेशासाठी एकूण ३८१ कॉलेजेस उपलब्ध
● आतापर्यंत ४६ हजार ३६५ विद्यार्थ्यांनी भरले प्राधान्यक्रम
● प्रवेशासाठी एकूण ३१ हजार ६०० जागा उपलब्ध
मुंबई, नीता परब, महाराष्ट्र राज्य सामाईक प्रवेश परीक्षा कक्षातर्फे शैक्षणिक वर्ष २०२६-२७ च्या प्रवेशासाठी उच्च शिक्षणाच्या अंतर्गत असलेल्या ३ व ५ वर्षीय विधी या अभ्यासक्रमाच्या प्रवेश प्रक्रियेच्या वेळेस भारतीय विधिज्ञ परिषदेने केलेल्या सूचनेनुसार शैक्षणिक वर्ष २०२६-२७ साठी विद्यमान विधी महाविद्यालयांना सशर्त मान्यता प्रदान केल्यानंतर नवीन २३२ महाविद्यालयांना प्रवेश प्रक्रियेमध्ये समाविष्ट करण्यात आले आहेत.
यासाठी ३ वर्षीय विधीच्या विद्यार्थ्यांना प्राधान्यक्रम भरण्यासाठी १६ ऑगस्ट व ५ वर्षीय विधीच्या विद्यार्थ्यांना १५ ऑगस्ट पर्यंत वेळ देण्यात आली असून ज्या विद्यार्थ्यांनी प्राधान्यक्रम भरलेला नाही त्यांनी त्वरित भरावा किंवा त्यात सुधारणा करावी असे आवाहन सीईटी कक्षाने केले आहे.
आतापर्यंत ३ व ५ वर्षीय विधी अभ्यासक्रमासाठी ४६ हजार ३६५ विद्यार्थ्यांनी प्राधान्यक्रम भरले आहेत. यामध्ये ३ वर्षीय विधीच्या ३३ हजार २१४ विद्यार्थ्यांनी प्राधान्यक्रम भरले असून ५ वर्षीय विधीच्या १३ हजार १५१ विद्यार्थ्यांनी प्राधान्यक्रम भरले आहेत. याच विद्यार्थ्यामधून पहिल्या फेरीचे जागावाटप होणार आहे. तसेच ज्या विद्यार्थ्यांनी आपला प्राधान्यक्रम अर्ज सादर केला आहे ते विद्यार्थी त्यांचा प्राधान्यक्रम अर्ज अनलॉक करून पुन्हा सादर करू शकतात. Law Admission 2026-27
३ व ५ वर्षीय विधी अभ्यासक्रमाच्या प्रवेश प्रक्रियेसाठी प्राधान्यक्रम भरण्यास ५ ऑगस्टपासून सुरुवात झाली होती, यावेळी राज्यात ३ वर्षीय विधीचे ९३ महाविद्यालये व १० हजार १०५ जागा उपलब्ध होत्या,आतापर्यंत यामध्ये १२६ महाविद्यालयाची वाढ झाली असून एकूण २१९ महाविद्यालये झाले आहेत तर ९९३० नवीन जागा उपलब्ध झाल्या आहेत. व एकूण उपलब्ध जागांची संख्या आजपर्यंत २० हजार ०३५ झाली आहे.
MBBS Admission 2026: MBBS-BDS प्रवेश नोंदणीला मुदतवाढ; अर्ज करण्याची अंतिम तारीख १५ ऑगस्ट
तसेच राज्यात ५ वर्षीय विधीचे ५६ महाविद्यालये व ५९५५ जागा उपलब्ध होत्या, आतापर्यंत यामध्ये १०६ महाविद्यालयाची वाढ झाली आहे. आता एकूण १६२ महाविद्यालये झाले असून ५६१० नवीन जागा उपलब्ध झाल्या आहेत. व एकूण उपलब्ध नवीन जागांची संख्या आतापर्यंत ११ हजार ५६५ झाली आहे.
PRIF: शिक्षणापासून नोकरीपर्यंतची नवी वाट; तरुणांसाठी ‘पीआरआयएफ’चा प्रयत्न
३ व ५ वर्षीय या दोन्ही विधीचे मिळून आतापर्यंत एकूण २३२ महाविद्यालयाची भर पडली असून राज्यात एकूण ३८१ महाविद्यालये प्रवेशासाठी उपलब्ध असून यामध्ये १५ हजार ५४० नवीन जागा उपलब्ध झाल्या आहेत. व प्रवेशासाठी एकूण ३१ हजार ६०० जागा उपलब्ध आहेत.
३ व ५ वर्षीय विधी अभ्यासक्रमाच्या प्रवेशाचे सुधारित वेळापत्रक लवकरच सीईटी कक्षाच्या संकेतस्थळावर जाहीर करण्यात येईल अशी माहिती सीईटी कक्षाने दिली आहे.
