10वी-12वी पास तरुणांसाठी सरकारी नोकरीची सुवर्णसंधी! Army Ordnance Corps मध्ये २,६१५ पदांसाठी भरती सुरू; लगेच करा अर्ज

भारतीय सैन्य दलाच्या Army Ordnance Corps (AOC) मध्ये २,६१५ ग्रुप सी पदांसाठी भरती जाहीर झाली आहे. १०वी, १२वी आणि पदवीधर उमेदवारांसाठी ही सुवर्णसंधी आहे. या पदाची पात्रता जाणून घ्या.

भारतीय सैन्य दलाच्या ‘आर्मी ऑर्डनन्स कॉर्प्स’ (Army Ordnance Corps – AOC) अंतर्गत ग्रुप सी मधील विविध पदांच्या एकूण २,६१५ रिक्त जागा भरण्यासाठी नवीन भरतीची जाहिरात प्रसिद्ध करण्यात आली आहे. या भरती मोहिमेद्वारे ट्रेड्समन मेट, फायरमन, कनिष्ठ कार्यालय सहाय्यक, मल्टी-टास्किंग स्टाफ (MTS) आणि मटेरियल असिस्टंट यांसारखी पदे भरली जाणार आहेत. यात सर्वाधिक पदे ट्रेड्समन मेट (१,७९९ पदे) आणि फायरमन (५०८ पदे) पदांसाठी असून, कनिष्ठ कार्यालय सहाय्यक पदासाठी १०४, एमटीएससाठी १४२ आणि मटेरियल असिस्टंटसाठी ५० जागांचा समावेश आहे.

या भरतीसाठी अर्ज करू इच्छिणाऱ्या उमेदवारांची शैक्षणिक पात्रता पदानुसार वेगवेगळी निश्चित करण्यात आली आहे. ट्रेड्समन मेट, फायरमन आणि एमटीएस पदांसाठी १० वी उत्तीर्ण असणे आवश्यक आहे, तर कनिष्ठ कार्यालय सहाय्यक पदासाठी १२ वी उत्तीर्ण असण्यासह इंग्रजी किंवा हिंदी टायपिंगचे ज्ञान असणे गरजेचे आहे. तसेच मटेरियल असिस्टंट पदासाठी उमेदवाराकडे पदवी किंवा मटेरियल मॅनेजमेंट किंवा अभियांत्रिकीमधील डिप्लोमा असणे आवश्यक आहे.

वयोमर्यादा आणि वेतन श्रेणी

वयोमर्यादेचा विचार करता, बहुतांश पदांसाठी वयोमर्यादा १८ ते २५ वर्षे असून मटेरियल असिस्टंट पदासाठी १८ ते २७ वर्षे आहे. तसेच सरकारी नियमांनुसार SC/ST प्रवर्गातील उमेदवारांना ५ वर्षे आणि OBC उमेदवारांना ३ वर्षांची सवलत देण्यात आली आहे. निवड झालेल्या उमेदवारांना त्यांच्या पदकानुसार दरमहा १८,००० रुपये ते ९२,३०० रुपयांपर्यंत आकर्षक वेतन मिळणार आहे.

GMC Sindhudurg Bharti 2026: सिंधुदुर्ग वैद्यकीय महाविद्यालयात प्राध्यापक पदांसाठी आज थेट मुलाखत; २ लाखांपर्यंत मिळणार पगार!

अधिक माहितीसाठी ‘या’ संकेतस्थळाला भेट द्या

सध्या या भरतीसाठी ऑनलाइन अर्ज प्रक्रिया अद्याप सुरू झालेली नाही आणि अर्ज करण्याची अंतिम तारीख लवकरच अधिकृत वेबसाइटवर जाहीर केली जाईल. इच्छुक आणि पात्र उमेदवार अधिकृत वेबसाइट https://www.aocrecruitment.gov.in/ वर जाऊन ऑनलाइन पद्धतीने आपले अर्ज सादर करू शकतील. अर्ज करण्यापूर्वी उमेदवारांनी अधिकृत जाहिरात काळजीपूर्वक वाचण्याचे आवाहन करण्यात आले आहे.

GATE 2027: गेट परीक्षेची अर्ज प्रक्रिया सुरू; जाणून घ्या पात्रता, अटी आणि परीक्षा पॅटर्न..