DRDO RAC Scientist B भरती 2025: शास्त्रज्ञ पदासाठी संधी; ‘या’ तारखेपर्यंत करता येईल अर्ज

DRDO RAC अंतर्गत Scientist ‘B’ पदासाठी 152 जागांसाठी भरती सुरू असून, अर्ज प्रक्रिया 14 जून ते 27 जून 2025 या कालावधीत rac.gov.in वर उपलब्ध आहे.

फोटो सौजन्य - Social Media

Follow Us:

Follow Us:

संरक्षण संशोधन आणि विकास संस्था (DRDO), एरोनॉटिकल डेव्हलपमेंट एजन्सी (ADA), व अन्य संरक्षण मंत्रालयाशी संबंधित संस्थांमध्ये (WESEE, CME, AFMC यासह) Scientist ‘B’ पदासाठी 152 रिक्त जागांसाठी भरती जाहीर झाली आहे. ही भरती Group ‘A’ Gazetted श्रेणीत येणारी असून ती Defence Research & Development Service (DRDS) अंतर्गत घेतली जाते. भरती प्रक्रियेचे सर्व अर्ज https://rac.gov.in या अधिकृत वेबसाइटवर ऑनलाइन माध्यमातून स्वीकारले जातील. Employment News मध्ये जाहिरात प्रसिद्ध झाल्यानंतर 21 दिवसांत अर्ज प्रक्रिया संपणार आहे. शैक्षणिक अर्हता व पदसंख्या यामध्ये, इलेक्ट्रॉनिक्स व कम्युनिकेशन (40), मेकॅनिकल इंजिनिअरिंग (34), कम्प्युटर सायन्स (33), इलेक्ट्रिकल (7), मेटलर्जिकल/मटेरियल (5), केमिकल (3), सिव्हिल (1), एरोस्पेस/एरोनॉटिकल (6), बायोमेडिकल (2) या शाखांसाठी B.E./B.Tech आवश्यक आहे. तर, फिजिक्स (4), केमिस्ट्री (3), मॅथेमॅटिक्स (3), एंटोमॉलॉजी (1), बायोस्टॅटिस्टिक्स (1), सायकॉलॉजी (3), क्लिनिकल सायकॉलॉजी (1) या पदांसाठी संबंधित विषयातील M.Sc./M.A. पदवी लागते.

अकरावी प्रवेश प्रक्रिया स्थिरतेकडे; कोटांतर्गत पहिली प्रवेश यादी जाहीर

निवड प्रक्रिया ही GATE स्कोअरच्या आधारे (1:10 प्रमाणात) शॉर्टलिस्टिंगवर आधारित आहे. त्यानंतर पात्र उमेदवारांना पर्सनल इंटरव्ह्यूसाठी बोलावले जाईल. अंतिम निवड GATE स्कोअरला 80% आणि मुलाखतीला 20% गुण देऊन केली जाईल. मुलाखतीसाठी किमान पात्रता गुणसिमा सामान्य प्रवर्गासाठी 70% आणि इतर सर्व आरक्षित प्रवर्गासाठी 60% आहे. महत्त्वाच्या तारखांमध्ये, भरती जाहिरात 21 मे 2025 रोजी प्रसिद्ध झाली असून, ऑनलाइन अर्ज प्रक्रिया 14 जून 2025 पासून सुरू होईल आणि 27 जून 2025 ही अंतिम तारीख असेल.

वयोमर्यादा UR/EWS उमेदवारांसाठी 35 वर्षे, OBC (NCL) साठी 38 वर्षे, SC/ST साठी 40 वर्षे आणि PwBD उमेदवारांसाठी 10 वर्षांची अतिरिक्त सवलत आहे. पगार व सुविधांबाबत, Scientist B पदासाठी लेव्हल-10 प्रमाणे ₹56,100/- इतका मूलभूत पगार असून, HRA आणि इतर भत्त्यांसह मासिक एकूण वेतन अंदाजे ₹1,00,000/- (मेट्रो शहरांमध्ये) इतके मिळेल.

‘आईचा अपमान’ या कारणाने दाखवली दिशा; शालिनी झाली IPS

अर्ज प्रक्रिया पूर्णपणे ऑनलाइन आहे. उमेदवारांनी सर्वप्रथम https://rac.gov.in या अधिकृत संकेतस्थळावर जावे. त्यानंतर आपला ईमेल आणि मोबाइल क्रमांक नोंदवावा. त्यानंतर अर्ज फॉर्म भरून, आवश्यक कागदपत्रे (पदवी प्रमाणपत्र, GATE स्कोअरकार्ड, छायाचित्र, स्वाक्षरी, आरक्षण प्रमाणपत्रे इत्यादी) अपलोड करून अर्ज सबमिट व लॉक करावा. अर्ज शुल्क UR/OBC/EWS पुरुष उमेदवारांसाठी ₹100/- आहे, तर SC/ST/PwBD/महिला उमेदवारांसाठी कोणतेही शुल्क नाही. ही भरती विज्ञान व अभियांत्रिकी क्षेत्रात करिअर करू इच्छिणाऱ्या तरुणांसाठी सुवर्णसंधी आहे. त्यामुळे पात्र उमेदवारांनी ताबडतोब भरतीच्या प्रक्रियेस सुरुवात करावी आणि अर्ज करावा.

Web Title: Drdo rac scientist b recruitment 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com