Asrani Passed Away: ‘एंग्रेजो के जमाने के जेलर’ असरानी यांनी कुठून घेतले होते शिक्षण

त्याचे हास्य, संवाद आणि विनोदी टायमिंगमुळे लाखो प्रेक्षकांना असरानी यांनी आपलेसे केले. पण फार कमी लोकांना माहिती आहे की असरानीचा प्रवास एका छोट्या वर्गापासून सुरू झाला होता.

• असरानी यांचे निधन 
• वयाच्या ८४ व्या वर्षी घेतला शेवटचा श्वास
• असरानी यांचे शिक्षण किती 

हिंदी चित्रपटसृष्टीतील आणखी एका स्टारचे आज निधन झाले. काहीच दिवसांपूर्वी पंकज धीर यांच्या निधनाच्या बातमीतून अजून चित्रपटसृष्टी सावरली नव्हती आणि आता अजून एक धक्का बसला आहे. आपल्या हास्याने पडदा उजळवणारे प्रसिद्ध अभिनेते गोवर्धन असरानी यांचे श्वसनाच्या आजाराने निधन झाले. असरानी हे केवळ एक अभिनेता नव्हते तर हिंदी चित्रपटांना नवीन उंचीवर नेणाऱ्या अभिनयाच्या युगाचे प्रतीक होते. त्यांचे हास्य, संवाद आणि विनोदी टायमिंगमुळे लाखो प्रेक्षकांना त्यांनी नेहमी हसवले आणि लोकांना त्यांच्याकडून प्रेरणा मिळाली. परंतु फार कमी लोकांना माहिती आहे की असरानी यांचा प्रवास एका लहानशा वर्गात सुरू झाला, जिथे त्यांनी अभिनयाचे बीज पेरले आणि कठोर परिश्रम करून त्यांना आपल्या जीवनाचे ध्येय बनवले.

जयपूरमध्ये प्राथमिक शिक्षण 

गोवर्धन असरानी यांचा जन्म राजस्थानमधील जयपूर येथे झाला. त्यांनी त्यांचे प्राथमिक शिक्षण जयपूरमधील सेंट झेवियर्स स्कूलमध्ये पूर्ण केले. तिथेच त्यांना कला आणि अभिनयाची समज निर्माण झाली. शालेय काळात, असरानी यांनी नाटके आणि सांस्कृतिक कार्यक्रमांमध्ये सक्रियपणे भाग घेतला. अभिनयाचे हे बीज नंतर त्यांच्या कारकिर्दीचा पाया बनले आणि त्यांनी चित्रपटसृष्टीत नाव कमावले. 

Govardhan Asrani Passed Away : एक-दोन नव्हे तर तीन पिढ्यांना हसवणाऱ्या असरानी यांचे निधन

राजस्थान कॉलेजमधून पदवी प्राप्त केली

शालेय शिक्षणानंतर, असरानी यांनी जयपूरमधील राजस्थान कॉलेजमधून पदवी प्राप्त केली. तथापि, त्यांची आवड नेहमीच नाट्य आणि चित्रपटांमध्ये राहिली. त्यांनी ठरवले होते की त्यांच्या आयुष्याचे ध्येय फक्त पदवी नाही तर पात्रांना जिवंत करणे आहे. त्यांनी त्यांच्या शिक्षणाचा खर्च भागविण्यासाठी जयपूर येथील ऑल इंडिया रेडिओमध्ये व्हॉइस आर्टिस्ट म्हणूनही काम केले. त्यांचे अंतिम ध्येय अभिनेता बनणे होते, त्यांनी करिअर म्हणून हाच पर्याय निवडला होता. 

गुजराती चित्रपटसृष्टीतून अभिनय प्रवास

१९६४ मध्ये, असरानी यांनी पुण्याच्या फिल्म इन्स्टिट्यूटमध्ये (आता फिल्म अँड टेलिव्हिजन इन्स्टिट्यूट ऑफ इंडिया, पुणे म्हणून ओळखले जाते) प्रवेश घेतला. १९६६ मध्ये त्यांनी तेथे आपले शिक्षण पूर्ण केले. 

त्यांच्या अभ्यासादरम्यान, असरानी यांनी त्यांच्या अभिनयाने अनेकांना प्रभावित केले. १९६७ मध्ये, त्यांनी गुजराती चित्रपटात एका नवीन अभिनेत्री वहिदा (प्रख्यात वहिदा रहमान नव्हे तर एक गुजराती अभिनेत्री वहिदा) सोबत अभिनय क्षेत्रात पदार्पण केले. त्यानंतर १९६७ ते १९६९ दरम्यान त्यांनी आणखी चार चित्रपटांमध्ये मुख्य किंवा सहाय्यक अभिनेता म्हणून काम केले. त्यांचे अनेक चित्रपट तुफान गाजले आणि शोले या चित्रपटातील जेलरची भूमिका अजरामर ठरली होती. 

90 च्या दशकातील सर्वात मोठा फ्लॉप चित्रपट! दिग्दर्शकाचं करियर धुळीत मिळालं तर संपूर्ण चित्रपटसृष्टी कर्जात बुडाली

FAQs (संबंधित प्रश्न) 

१. असरानी यांचे नाव काय?

असरानी यांचे नाव गोवर्धन असरानी असे होते

२.असरानींची पत्नी कोण होती?

त्यांनी अभिनेत्री मंजू बन्सलशी लग्न केले, ज्यांच्याशी ते आज की ताजा खबर आणि नमक हराम सारख्या चित्रपटांमध्ये एकत्र काम करताना प्रेमात पडले.