India Post Recruitment 2026: दहावी पास तरुणांसाठी खुशखबर! सरकारी नोकरीत मिळणार 63 हजार रुपये

India Post Recruitment 2026: सरकारी नोकरीच्या शोधात असलेल्या दहावी पास तरुणांसाठी भारतीय पोस्ट खात्याने भरती जाहीर केली आहे. तामिळनाडू सर्कलमधील चेन्नई मेल मोटर सर्व्हिसमध्ये स्टाफ कार ड्रायव्हर पदाच्या एकूण 24 जागा भरल्या जाणार आहेत.

India Post Recruitment (फोटो सौजन्य- सोशलमीडिया)

Follow Us:

Follow Us:

• पोस्ट खात्यात ड्रायव्हरची 24 पदे
• 10वी पास उमेदवारांना संधी
• महिन्याला 63,200 रुपयांपर्यंत पगार

India Post Driver Recruitment 2026: सरकारी नोकरी शोधताय का? मग तुमच्यासाठी एक भारी बातमी आहे. भारतीय पोस्ट खात्यात ड्रायव्हर पदांसाठी भरती निघाली आहे. तामिळनाडू सर्कल, चेन्नईच्या मेल मोटर सर्व्हिसमध्ये ही भरती होत आहे. एकूण 24 जागा आहेत, स्टाफ कार ड्रायव्हर पदासाठी. फक्त 10वी पास असाल आणि तुमच्याकडे लायसन्स असेल तर तुम्ही अर्ज करू शकता. अर्ज फक्त स्पीड पोस्टने पाठवायचा आहे आणि शेवटची तारीख आहे 30 नोव्हेंबर 2026 संध्याकाळी 5 वाजेपर्यंत. India Post Recruitment 2026:

कोण अर्ज करू शकतं?

यासाठी फार मोठं शिक्षण नकोय. मान्यताप्राप्त बोर्डातून 10वी पास असाल तर बस. तुमच्याकडे वैध LMV किंवा HMV लायसन्स असायला हवं. म्हणजे हलकी किंवा जड गाडी चालवायचा परवाना. कमीत कमी 3 वर्ष गाडी चालवल्याचा अनुभव पण लागेल. गाडीतला छोटा-मोठा बिघाड ओळखता आला पाहिजे आणि दुरुस्त पण करता आला पाहिजे. होमगार्ड किंवा सिव्हिल व्हॉलेंटियर म्हणून 3 वर्ष काम केलं असेल तरी पण तुम्ही अर्ज करू शकता.

जागा किती आहेत? कॅटेगिरीनुसार बघा

एकूण 24 जागा आहेत.

• UR म्हणजे ओपनसाठी 13 जागा
• SC साठी 3 जागा
• ST साठी एकही जागा नाही
• OBC साठी 7 जागा
• EWS साठी 1 जागा

Consumer Protection Council: बीड जिल्हा ग्राहक संरक्षण परिषदेवर २४ अशासकीय सदस्यांची होणार निवड; असा करा अर्ज

वय किती लागेल आणि फी किती?

UR आणि EWS वाल्यांसाठी वय 18 ते 27 वर्ष असावं, 30 नोव्हेंबर 2026 ला.
SC/ST वाल्यांना 5 वर्ष सूट आहे, म्हणजे 32 पर्यंत चालेल. OBC वाल्यांना 3 वर्ष सूट, म्हणजे 30 पर्यंत. माजी सैनिक आणि सरकारी कर्मचाऱ्यांना पण नियमानुसार सूट मिळेल. फी फक्त 100 रुपये आहे. पण महिला, SC, ST उमेदवारांना फी माफ आहे, त्यांना पैसे द्यायची गरज नाही. ज्यांना फी भरायची आहे त्यांनी पोस्ट ऑफिसमध्ये जाऊन ई-पेमेंट करायचं आहे. चलन फॉर्म भरून संगणकीकृत पोस्ट ऑफिसमध्ये पैसे भरा. E-Biller चं नाव – Senior Manager, MMS Chennai, CPMG Tamil Nadu Circle, E-Biller ID 1000099022 असं टाकायचं आहे. पावतीची मूळ कॉपी अर्जासोबत जोडायची आहे. दुसऱ्या कोणत्याही पद्धतीने पैसे भरले तर चालणार नाही.

पगार किती मिळणार?

नोकरी लागली तर पगार पण चांगला आहे. 7 व्या वेतन आयोगानुसार Level 2 चा पगार मिळेल. 19,900 ते 63,200 रुपये महिना. त्यावर अजून भत्ते वेगळे मिळतील.

MBBS Controversy: परदेशातून MBBS करण्याचे स्वप्न पाहताय? NMC च्या परस्परविरोधी उत्तरांमुळे विद्यार्थ्यांचे भविष्य धोक्यात!

अर्ज कसा करायचा? स्टेप बाय स्टेप बघा

• सगळ्यात आधी indiapost.gov.in या अधिकृत वेबसाईटवर जा.
• तिथे मेल मोटर सर्व्हिस, चेन्नईची स्टाफ कार ड्रायव्हर भरतीची जाहिरात शोधा.
• त्या जाहिरातीतला अर्ज प्रिंट करा.
• अर्जात तुमची सगळी माहिती, शिक्षण हिंदी, इंग्रजी किंवा तमिळमध्ये भरा.
• तुमच्या लायसन्सची माहिती भरा.
• एक नवीन पासपोर्ट फोटो लावा आणि त्यावर स्वतःची सही करा.
• फी भरायची असेल तर पोस्ट ऑफिसमध्ये जाऊन भरा आणि पावती जोडा.
• सगळा फॉर्म एकदा तपासून सही करा.

लक्षात ठेवा, हाताने किंवा कुरियरने अर्ज चालणार नाही, फक्त स्पीड पोस्टनेच पाठवायचा आहे. उशीर करू नका, 30 तारखेच्या आत पाठवा.

Web Title: India post recruitment 2026 driver vacancy 24 posts salary 63200 rv

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com