दहावी बारावीच्या परीक्षेत १०३ कर्मचाऱ्यांचे निलंबन
सीसीटीव्हीमुळे गैरप्रकाराला आळा
परीक्षा कॉपीमुक्त व्हावी यासाठी मंडळाकडून विशेष अभियान
सोनाजी गाढवे /पुणे: राज्य माध्यमिक व उच्च माध्यमिक शिक्षण मंडळातर्फे घेण्यात येत असलेल्या परीक्षांमध्ये यंदा सीसीटीव्ही यंत्रणेमुळे अनेक कॉपीप्रकरणे उघडकीस आली असून, त्यात यावर्षी दहावी मध्ये ७२ गैरप्रकार तर बारावी मध्ये २३७ त्याच बरोबर प्रत्यक्ष किंवा अप्रत्यक्ष सहकार्य करणाऱ्या कर्मच्याऱ्यांचेसुद्धा निलंबन करण्यात आले आहे. त्यात दहावी मध्ये ३ तर बारावीत १०० झाल्याचे असून, परीक्षेतील पारदर्शकता वाढवण्यासाठी केंद्रांवर बसविण्यात आलेल्या सीसीटीव्ही कॅमेऱ्यांच्या मदतीने गैरप्रकारांवर नियंत्रण ठेवण्यात यश आले आहे. राज्यात चालू असलेल्या दहावी परिक्षेत यंदा १६ लाख १५ हजार ४८९ आणि बारावी परिक्षेत १६ लाख १५ हजार ४८९ विद्यार्थी परिक्षा देत आहेत.
राज्यात दहावी-बारावी परीक्षा कॉपीमुक्त व्हावी यासाठी मंडळाकडून विशेष अभियान राबविण्यात येत आहे. त्याअंतर्गत सर्व परीक्षा केंद्रांवर सीसीटीव्ही यंत्रणा अनिवार्य करण्यात आली आहे. यंदा बारावीची परीक्षा राज्यातील ३ हजार ३८७ मुख्य परीक्षा केंद्रांवर सुरू असून, त्यापैकी सुमारे ९५ टक्के केंद्रांवर सीसीटीव्ही कार्यान्वित आहेत. ज्या ठिकांनी सीसीटिव्ही नाहीत त्या केंद्रवरील केंद्रप्रमुखांनची आदलाबदल करण्यात आली तरही कर्मच्याऱ्यांना भीती नाही.
या यावर्षी राबवण्यात आलेल्या कॉपी मुक्त अभियानाला प्रचंड यश आलेले आहे. सीसीटीव्ही सीसीटीव्ही बंधनकारक केल्यामुळे १०३ कर्मचाऱ्यांना निलंबन करण्यात आले. त्याचबरोबर गैरप्रकाराला सुद्धा आळा घालण्यात आला. पुढच्या वर्षी १००% सीसीटीव्ही बसवण्यात येणार आहेत. ज्या ठिकाणी गैरप्रकार घडले आहेत त्या ठिकाणी केंद्राची मान्यता काढून घेण्यात येणार आहे.
-नंदकुमार बेडसे महाराष्ट्र राज्य परीक्षा परिषद
CET Exam : ‘सीईटी’ परीक्षेदरम्यान गैरप्रकारास अटकाव; सुधारित नियमावली जाहीर
परिक्षा – विषय – विभागीय मंडळ – जिल्हा – निलंबित कर्मचारी
– दहावी – — – छ. संभाजीनगर – बीड – १
-दहावी – परिक्षार्थ्याच्या जागी दुसरा विद्यार्थी – लातूर – नादेड -२
– बारावी – इंग्रजी – छ. संभाजीनगर – बीड – १७
-बारावी – इंग्रजी – छ. संभाजीनगर – छ. संभाजीनगर – २१
-बारावी – इंग्रजी – छ. संभाजीनगर – जालना – ५
-बारावी – भौतिकशास्त्र – अमरावती – वाशिम – २७
-बारावी – राज्याशास्त्र – नागपूर – गडचिरोली ४
-बारावी – रसायनशास्त्र – लातूर – धाराशीव – ३
-बारावी – भरारी पथकाचा छापा – अमरावती – वाशिम – २१
-बारावी – सामूहीक कॉपी – अमरावती – वाशिम – २
सांगोला येथे दहावी भूगोलाच्या ५० प्रश्नपत्रिका चोरी गेलेल्या घटनेवरती बोर्डाचे त्रिगुण कुलकर्णी यांनी सांगितले की, अजून त्या ठिकाणी तपास चालू आहे. तपासात आढळल्याच्या नंतर त्या ठिकाणी दोन कर्मचाऱ्यांवरती निलंबनाची कारवाई होऊ शकते.
वर्ग बारावी मधील गैरप्रकार
पुणे – ४७
नागपूर – २७
छत्रपती संभाजीनगर – ४६
मुंबई – ४३
कोल्हापूर – १
अमरावती – ५९
नाशिक – ५
लातूर – ३६
कोकण – ०
एकूण २३७
वर्ग दहावी मधील गैरप्रकार
पुणे – २५
नागपूर – १४
छत्रपती संभाजीनगर – १५
मुंबई ४
कोल्हापूर – ०
अमरावती – ४
नाशिक – ०
लातूर – ९
कोकण – ०
एकूण – ७२
मागील वर्षाची आकडेवारी
वर्ष – गैरप्रकार दहावी – बारावी – एफआयआर दखल दहावी – बारावी – निलंबित कर्मचारी दहावी – बारावी
२०२५ – ९३ – ३६४ -४ – १० – ०० – ००
२०२६ – ७२ – २३७ – ४ – १५ – ०३ – १००
.png "Videos"){kind=small}
