Engineering Admission 2026 : इंजिनिअरिंग प्रवेशाची चौथी फेरी जाहीर! या फेरीत किती विद्यार्थ्यांना प्रवेश मिळणार?

Engineering Admission 2026 : राज्य सीईटी सेलतर्फे इंजिनिअरिंग प्रवेश प्रक्रियेची चौथी फेरी जाहीर केली आहे. पहिल्या तीन फेऱ्यांत ९३,२३५ प्रवेश निश्चित झाले असून चौथ्या फेरीसाठी ८८,०४८ जागा उपलब्ध आहेत.

• पहिल्या तीन फेऱ्यात ९३ हजार २३५ विद्यार्थ्यांचे प्रवेश निश्चित
• चौथ्या फेरीसाठी ८८ हजार ४८ जागा उपलब्ध
• २२ हजार १० जागा रिक्त आहेत या जागा उर्वरित विद्यार्थ्यांसाठी उपलब्ध

Engineering Admission 2026:  राज्य सामाईक प्रवेश परीक्षा कक्षातर्फे म्हणजेच सीईटी सेलतर्फे शैक्षणिक वर्ष २०२६-२७ साठीच्या इंजिनिअरिंगच्या अभ्यासक्रमाच्या प्रवेश प्रक्रियेची चौथी यादी गुरूवारी ३ सप्टेंबर रोजी जाहीर करण्यात आली आहे, या यादीमध्ये ८८,००,०४८ विद्यार्थ्यांना प्रवेशाची संधी मिळाली आहे तसेच या चौथ्या यादीमध्ये आठ हजार आठ्ठावीस विद्यार्थ्यांना या महाविद्यालयामध्ये प्रवेशाची संधी पहिल्यांदाच मिळणार आहे.

चौथ्या फेरीमध्ये ८८ हजार ४८ जागा उपलब्ध

तिसऱ्या फेरीअंती ६० हजार ८३९ विद्यार्थ्यांनी बेटरमेंटचा पर्याय( विद्यार्थ्यांचा पहिल्या कॉलेजचा प्रवेश सुरक्षित राहतो ) स्वीकारला होता. त्यांनी चौथ्या फेरीमध्ये सहभाग नोंदवला होता. परंतु या विद्यार्थ्यांचे बेटरमेंट झाले नाही. यामुळे विद्यार्थ्यांना तिसऱ्या फेरीत मिळालेले कॉलेजच पुन्हा मिळाले.

NEET-UG 2027 CBT Mode : नीट परीक्षा सीबीटी मोडमध्ये घेण्याच्या हालचाली; ‘या’ संस्थांमध्ये शोधले जात आहेत टेस्टिंग सेंटर

यंदा अभियांत्रिकी अभ्यासक्रमाच्या प्रवेशासाठी राज्यात २ लाख ३ हजार २९३ जागा उपलब्ध होत्या त्यापैकी १ लाख ८१ हजार २८३ विद्यार्थ्यांना आत्तापर्यंत पहिल्या, दुसऱ्या, तिसऱ्या आणि चौथ्या फेरीमध्ये जागा वाटप  केल्या होत्या.

यामध्ये पहिल्या, दुसऱ्या आणि तिसऱ्या फेरीत जवळजवळ ९३ हजार २३५ विद्यार्थ्यांचे प्रवेश निश्चित झाले आहेत. यामुळे चौथ्या फेरीसाठी ८८ हजार ४८ जागा उपलब्ध असून आणखी २२ हजार दहा जागा रिक्त आहेत या जागा उर्वरित विद्यार्थ्यांसाठी उपलब्ध असतील.

NEET PG 2026 Supreme Court: नीट री एग्झामची याचिका सर्वोच्च न्यायालयाने फेटाळली अन् याचिकाकर्त्यावरचं ठोठावला २५ हजारांचा दंड

विद्यार्थ्यांनी प्रवेश शुल्क भरून प्रवेश निश्चित करणे आवश्यक

आता ज्या विद्यार्थ्यांना चौथ्या फेरीमध्ये महाविद्यालय मिळाले आहे. त्या विद्यार्थ्यांनी आजपासून सात सप्टेंबर पर्यंत मिळालेल्या महाविद्यालयामध्ये प्रत्यक्ष हजर राहून आवश्यक कागदपत्रे सादर करून आणि प्रवेश शुल्क भरून प्रवेश निश्चित करणे गरजेचे आहे. यानंतर ८ ते १५ सप्टेंबर या कालावधीत संस्थापक फेरीची प्रवेश होणार आहेत.