Management Quota Admission 2026-27: मॅनेजमेंट कोट्यात मनमानीला ब्रेक! CET सेलची करडी नजर, नेमकं प्रकरण काय?

Management Quota Admission 2026-27: कॉलेज प्रवेश प्रक्रियेत मॅनेजमेंट कोट्याच्या जागांबाबत होणारा गैरप्रकार आणि मनमानीला आळा घालण्यासाठी 2026-27 या शैक्षणिक वर्षापासून CET Cell ने कडक पावले उचलली आहेत. संस्थास्तरीय म्हणजेच Institutional Quota प्रवेश प्रक्रियेवर थेट देखरेख ठेवण्याचा निर्णय घेण्यात आला आहे.

• 026-27 पासून Institutional Quota प्रवेशावर CET Cellची थेट नजर.
•  निवडक खासगी कॉलेजमध्ये सरकारी निरीक्षकांची नियुक्ती केली जाणार.
•  मॅनेजमेंट कोट्यातील गैरप्रकार आणि मनमानीला आळा घालण्याचा प्रयत्न.

 

Management Quota Admission: मोठमोठ्या कोर्सला प्रवेश घेताना सर्वात जास्त गोंधळ होतो. आधी मुलांच्या प्रवेशांच्या याद्या लागतात. मात्र एक जागा ही विशेष कोट्यासाठी ठेवली जाते त्याला आपण म्हणतो मॅनेजमेंट कोटा. या कोट्यामध्ये कॉलेज कमी गुणवत्ता असलेल्या विद्यार्थ्याना अगदी सहज घेतात. काहीतर विद्यार्थ्यांकडून भरघोस पैसे घेऊन त्या जागा विकतात. त्यामुळे जो विद्यार्थी ती जागा मिळवण्यासाठी खरा प्राप्त असतो तो मात्र मागे राहतो. आता मात्र यावर्षीपासून हा मॅनेजमेंटचा खेळ बंद होणार आहे. सीईटी सेल (CET Cell) म्हणजे ‘राज्य सामाईक प्रवेश परीक्षा कक्ष’ (State Common Entrance Test Cell) या कक्षाने कडक पावले उचलली आहेत.

2026-27 या वर्षापासून संस्थास्तरीय प्रवेश प्रक्रियेवर म्हणजेच Institutional Quota वर सरकार थेट वॉच ठेवणार. आता कॉलेजमध्ये सरकारी निरीक्षक बसणार CET Cell चे आयुक्त दिलीप सरदेसाई यांनी याबाबत एक परिपत्रक जाहीर केलं आहे. यानुसार ज्या खासगी कॉलेजमध्ये संस्थास्तरीय प्रवेश होईल तिथे निवडक कॉलेजमध्ये निरीक्षक नेमले जातील. Management Quota Admission 2026-27:

निरीक्षक कोण असणार?

त्या विभागाच्या सरकारी कॉलेजचे प्राचार्य, संचालक किंवा सिनियर प्रोफेसर असतील. हे शिक्षक रोज कॉलेजमध्ये बसून पूर्ण प्रवेश प्रक्रिया बघणार तसेच कागदपत्रं तपासणं, मेरीट लिस्ट बनवणं, फी भरणं आणि जागा वाटप या सर्व गोष्टीवर त्यांची नजर असेल. रोज काम दिवस संपल्यावर त्यांना काय झालं याचा रिपोर्ट वर पाठवावा लागणार आहे.

सगळं रेकॉर्डिंग CCTV मध्ये कैद होणार

आता कॉलेजला मनमानी कारभार करता येणार नाही. ज्या खोलीत कागदपत्र पडताळणी आणि जागा वाटप होईल त्या खोलीत CCTV असणं बंधनकारक असेल. फक्त CCTV नाहीतर त्याचं व्हिडिओ रेकॉर्डिंग पण सुरक्षित ठेवावं लागेल. कोणत्याही विद्यार्थ्यांनी तक्रार केली असता,ते रेकॉर्डिंग CET Cell ला द्यावं लागेल. त्यामुळे मागच्या दाराने ॲडमिशनचा प्रकार बंद होईल.

NEET-UG 2027 CBT Mode : नीट परीक्षा सीबीटी मोडमध्ये घेण्याच्या हालचाली; ‘या’ संस्थांमध्ये शोधले जात आहेत टेस्टिंग सेंटर

नियमावली जाहीर…

• CAP च्या सगळ्या फेऱ्या पूर्ण झाल्याशिवाय कॉलेजला संस्थास्तरीय प्रवेश सुरूच करता येणार नाही.
• जागा असतील तर त्या गुणवत्तेनुसार प्रवेश द्यावे लागतील
• कॉलेजला दोन याद्या बघून मेरीट लिस्ट बनवावी लागेल,
• त्यामधली एक म्हणजे थेट कॉलेजकडे आलेले अर्ज आणि दुसरी म्हणजे CET Cell ने दिलेली लिस्ट असेल.
• यामधूनच कॅटेगिरीनुसार लिस्ट तयार करावी लागेल.
• विद्यार्थ्यांनी एजंटपासून सावध राहादरम्यान CET Cell ने विद्यार्थी आणि पालकांना पण इशारा दिला आहे.

CAP ची प्रक्रिया सुरू असतानाच काही एजंट, मध्यस्थ लोक येतात आणि आम्ही जागा मिळवून देतो, पैसे द्या असं सांगतात. त्यांच्या भूलथापांना बळी पडू नका असं सांगण्यात आलं आहे.तुम्हाला काही शंका असेल तर थेट CET Cell ला संपर्क साधा किंवा पुढील दिलेल्या संपर्कावर तक्रार नोंदवू शकता.

• https://sac.maharashtracet.org/mhcet/submit-ticket या संकेतस्थळावर तक्रार करु शकता
• cethelpdesk@maharashtracet.org वर मेल करू शकता.
• 07969134401 आणि 07969134402 या नंबरवर फोन पण करू शकता.
• राज्यात 36 जिल्ह्यात विद्यार्थी सहाय्यता केंद्र

School Bag Weight Guidelines: दप्तराचं ओझं होणार हलकं! विद्यार्थ्यांना मोठा दिलासा, शाळांसाठी नवे वजनाचे नियम