(फोटो सौजन्य-सोशल मीडिया)
अनेक विद्यार्थी आणि पालकांनी राज्य सीईटी कक्षाला कळवले होते की, MH CET च्या प्रस्तावित तारखा या UPSC NDA, CDS आणि NATA यांसारख्या महत्त्वाच्या राष्ट्रीय परीक्षांच्या तारखांच्याच मागेपुढे होत्या. विद्यार्थ्यांच्या करिअरच्या हिताचे रक्षण करण्यासाठी, सेलने परीक्षांचे वेळापत्रक बदलण्याचा निर्णय घेतला आहे, जेणेकरून उमेदवार कोणत्याही मानसिक तणावाशिवाय दोन्ही परीक्षांना सामोरं जावू शकतील. यामुळे त्यांना कोणताही ताण येणार नाही.
सुधारित वेळापत्रकानुसार, परीक्षा आता खालील तारखांना घेण्यात येणार आहे.
PCM ग्रुपः PCM ग्रुपच्या परीक्षा आता ११ एप्रिल ते २० एप्रिल २०२६ या कालावधीत घेण्यात येणार आहेत. हे लक्षात घेणे महत्त्वाचे आहे की १२ एप्रिल रोजी कोणतीही परीक्षा होणार नाही, कारण त्या दिवशी इतर राष्ट्रीय स्तरावरील परीक्षा नियोजित आहेत. पुढील सत्र १२ मे ते १६ मे २०२६ या तारखांना घेण्यात येणार आहेत.
PCB ग्रुपः PCB ग्रुपच्या परीक्षांच्या तारखा २१ एप्रिल ते २६ एप्रिल २०२६ आणि त्यानंतर १० मे ते ११ मे २०२६ या तारखांना नियोजित केल्या आहेत.
CT सेलने स्पष्ट सूचना जारी केली आहे की, ज्या विद्यार्थ्यांनी यापूर्वी त्यांच्या CT स्लिप्स डाउनलोड केल्या आहेत, त्यांनी इनवॅलेड समजाव्यात. नवीन CT स्लिप्स ५ एप्रिलपासून अधिकृत वेबसाइट cetcell.mahacet.org वर उपलब्ध होणार आहेत. त्यामध्ये तुम्हाला नेमून दिलेल्या शहराची आणि परीक्षेच्या नवीन तारखेची माहिती असणार आहे. अंतिम प्रवेशपत्रे ७ एप्रिल २०२६ पासून डाउनलोड करण्यासाठी उपलब्ध होतील. प्रवेशपत्राशिवाय परीक्षा केंद्रात प्रवेश दिला जाणार नाही.
1. महाराष्ट्र CET सेलच्या अधिकृत वेबसाईटला cetcell.mahacet.org भेट द्या.
२. होमपेजवरील ‘MHT CET 2026 Portal’ या लिंकवर क्लिक करा.
३. तुमच्या नोंदणीकृत ईमेल आयडी आणि पासवर्डचा वापर करून लॉग इन करा.
४. ‘सुधारित शहर सूचना स्लिप’ या पर्यायावर क्लिक करा आणि ती डाउनलोड करा.
५. ७ एप्रिलनंतर, तुमचे प्रवेशपत्र देखील त्याच प्रक्रियेद्वारे मिळवा.
