Parbhani News : सर्व शाळांची होणार पट-पडताळणी; ‘या’ कालावधीत केली जाणार तपासणी

परभणीमध्ये इयत्ता दुसरी ते इयत्ता आठवी तसेच इयत्ता नववी ते अकरावीच्या विद्यार्थ्यांची पट पडताळणी दिनांक ११ ते २२ एप्रिल २०२६ या कालावधीत करण्यात येणार आहे.

Parbhani News : परभणी : जिल्ह्यातील सर्व शाळांमधील इयत्ता दुसरी ते इयत्ता आठवी तसेच इयत्ता नववी ते अकरावीच्या विद्यार्थ्यांची पट पडताळणी दिनांक ११ ते २२ एप्रिल २०२६ या कालावधीत करण्यात येणार असल्याची माहिती शिक्षणाधिकारी (माध्यमिक) सविता बिरगे यांनी दिली आहे. (Educational News) सदर पट-पडताळणी करण्याबाबतच्या सूचना राज्य शैक्षणिक संशोधन व प्रशिक्षण परिषद, महाराष्ट्र, पुणे यांनी आयोजित केलेल्या नियतकालिक मूल्यांकन चाचणी परीक्षेच्या दिवशी म्हणजेच दिनांक ११ ते २२ एप्रिल २०२६ या कालावधीत करण्याबाबत देण्यात आल्या आहेत. (Parbhani News)

या पटपडताळणीच्या अनुषंगाने इयत्ता नववीच्या मराठी, गणित आणि इंग्रजी या विषयांच्या वार्षिक परीक्षा अनुक्रमे दिनांक ११ एप्रिल, १५ एप्रिल आणि २२ एप्रिल २०२६ रोजी आयोजित करण्यात येणार असल्याच्या राज्य शासनाच्या सूचना प्राप्त झाल्या आहेत. जिल्ह्यातील शाळांची पटपडताळणी करण्याच्या अनुषंगाने स्टुडंट पोर्टलवर मुख्याध्यापक लॉगिन, क्लस्टर प्रमुख लॉगिन, गट शिक्षणाधिकारी लॉगिन व शिक्षणाधिकारी लॉगिन या सुविधा उपलब्ध करून देण्यात येणार आहेत.

हे देखील वाचा : ‘Biotech मध्ये करिअर करण्याची मोठी संधी’; बायोस्किल-२०२६’ परिषदेत तज्ज्ञांचे विद्यार्थ्यांना मार्गदर्शन

हजर, गैरहजर विद्यार्थ्यांची नोंद केली जाणार

पटपडताळणीसाठी शाळेस भेट देणारे पथक संबंधित लॉगिनचा वापर करून हजर व गैरहजर विद्याथ्याँची नोंद करणार आहे.
शाळांची पटपडताळणी करण्यासाठी क्षेत्रीय स्तरावरील केंद्रप्रमुख, गट शिक्षणाधिकारी, लेखाधिकारी, अधीक्षक (शालेय पोषण आहार), जिल्हा शिक्षण व प्रशिक्षण संस्था (डायट) चे अधिव्याख्याते, वेतन व भविष्य निर्वाह निधी पथकाचे अधीक्षक तसेच विस्तार अधिकारी आदींचे पथक शाळांना प्रत्यक्ष भेट देऊन पटपडताळणीची कार्यवाही करणार आहे.

शंभर टक्के उपस्थिती राहिल याची दक्षता घ्यावी

परभणी जिल्हा परिषद माध्यमिक शिक्षणाधिकारी सविता बिरगे म्हणाल्या की, जिल्ह्यातील सर्व प्राथमिक, माध्यमिक व उच्च माध्यमिक शाळांची पटपडताळणी करणे अनिवार्य आहे. त्यामुळे स्थचित शाळांनी विद्याथ्यांची शंभर टक्के उपस्थिती राहील याची दक्षता घ्यावी.

हे देखील वाचा : कर्नाटकात 93 टक्के विद्यार्थ्यांनी निवडली ‘हिंदी’; इंग्रजी, कन्नडनंतर तिसरी भाषेला पसंती

मिशन लक्षवेध अंतर्गत खेळाडू निवड चाचणी

परभणी, क्रीडा व युवक सेवा संचालनालय, महाराष्ट्र राज्य, पुणे अंतर्गत मिशन लक्षवेध योजना कार्यन्वित करण्यात येत आहे. मिशन लक्षवेध योजना या माध्यमातून ऑलम्पीक स्तरावर खेळल्या जाणाऱ्या १२ खेळ प्रकारामध्ये लक्ष केंद्रीत करण्याचे महाराष्ट्र शासनाचे मानस आहे. या उपक्रमा अंतर्गत राज्यातील खेळ व खेळाडू, कीडा प्रशिक्षण यंत्रणा, कीडा विषयक पायाभूत सुविधा, क्रीडा स्पर्धेचे आयोजन, क्रीडा वैद्यकशास्त्र, खेळाडूना प्रोत्साहन व पुरस्कार, खेळाडूंना करिअर मार्गदर्शन, खेळाडूंच्या क्षमता विकासासाठी देशी-विदेशी संस्थांचा सहयोग हे सर्व घटक विकसित करणे आहे. सदरची योजना ही त्रिस्तरीय असून प्रत्येकी २० खेळाडूची निवह करण्यात येणार आहे.