BJP Leader Murder : भाजप नेत्याची चाकूने हत्या, धारदार शस्त्राने वार करुन जागेवरच संपवलं; कारण…

उत्तर प्रदेशातील बरेली जिल्ह्यात भाजप नेत्याची चाकूने हत्या केल्यामुळे मोठी खळबळ उडाली आहे.. ही घटना सुभाष नगर पोलिस ठाण्याच्या हद्दीत घडल्याने परिसरात तणावाचे वातावरण निर्माण झाले आहे.

• भाजप नेत्याची चाकूने हत्या
• धारदार शस्त्राने जागेवरच संपवलं
• धक्कादायक कारणही समोर

बरेली : देशभरात गुन्हेगारी वाढली असून, दररोज खून, खुनाचा प्रयत्न, मारहाण, लुटमार यासारख्या घटना घडत आहेत. वाढत्या गुन्हेगारीमुळे नागरिकांमध्ये दहशत पसरत आहे. अशातच आता उत्तर प्रदेशातील बरेली जिल्ह्यात भाजप नेत्याची चाकूने हत्या केल्यामुळे मोठी खळबळ उडाली आहे. ही घटना सुभाष नगर पोलिस ठाण्याच्या हद्दीत घडल्याने परिसरात तणावाचे वातावरण निर्माण झाले आहे. पोलिसांनी तपास सुरू केला आहे.

पोलिस अधीक्षक (शहर) मनुष पारीख यांनी दिलेल्या माहितीनुसार, ही घटना सुभाष नगरमधील मधिनाथ येथील मांझे वाली बागिया येथे घडली आहे. मृत व्यक्तीची ओळख भाजप मधिनाथ मंडळ ओबीसी मोर्चाचे उपाध्यक्ष सचिन कश्यप अशी पटली आहे. पारीख यांनी सांगितले की, पोलिस पथकाने घटनास्थळाची पाहणी करून आवश्यक पुरावे गोळा केले आहेत. दरम्यान, रक्षाबंधनाच्या रात्री सचिन कश्यप बागेजवळ उपस्थित असताना काही लोक तिथे आले आणि त्यांनी त्यांना घेरले. वाद वाढल्याने आरोपींनी धारदार शस्त्राने त्यांच्यावर अनेक वार केले. गंभीर जखमी झालेल्या सचिन यांचा घटनास्थळीच मृत्यू झाला.

अंधाराचा फायदा घेत आरोपी घटनेनंतर घटनास्थळावरून पळून गेले. पोलिसांनी मृतदेह शवविच्छेदनासाठी पाठवला आहे. स्थानिकांच्या म्हणण्यानुसार, सचिन कश्यपचा काही व्यक्तींसोबत पैशांच्या व्यवहारावरून पूर्वी वाद झाला होता. सुमारे महिनाभरापूर्वी दोन्ही पक्षांमध्ये भांडण झाले. त्यावेळी तडजोड झाली होती, पण वाद मिटला नाही.

हे सुद्धा वाचा : मुलाच्या अपघाती मृत्यूनंतर खचलेल्या वडिलांचा गळफास घेऊन मृत्यू; लोणी काळभोरमधील घटना

मारहाण करून बापाने मुलाला संपवलं

दारूच्या आहारी गेलेला मुलगा दररोज वाद घालत असल्याच्या रागातून वडिलांनी मुलाचा गळा आवळून तसेच मारहाण करून खून केल्याची धक्कादायक घटना उघडकीस आली आहे. वारजे माळवाडी परिसरात ही घटना घडली असून, याप्रकरणी वडिल तसेच आईला पोलिसांनी अटक केली आहे.  महेश भागवत गायकवाड (वय ३०) असे खून झालेल्या तरुणाचे नाव आहे. याप्रकरणी भाऊ गणेश भागवत गायकवाड (वय ३४) यांनी पोलिसांकडे तक्रार दिली आहे. त्यानुसार भागवत सूर्यभान गायकवाड (वय ६४), पार्वती भागवत गायकवाड (वय ६०) आणि आणखी एका व्यक्तीविरोधात गुन्हा दाखल करण्यात आला आहे. वडिल भागवत व आई पार्वती यांना अटक केली आहे.