बँक खाते अद्ययावत करण्याच्या बहाण्याने नागरिकाची फसवणूक; तब्बल लाखोे रुपयांना घातला गंडा

बँक खाते अपडेट करण्याच्या बहाण्याने सायबर चोरट्यांनी एका ज्येष्ठ नागरिकाला तीन लाख रुपयांना गंडा घातला आहे. याप्रकरणी सायबर चोरट्यांवर गुन्हा दाखल केला आहे.

संग्रहित फोटो

Follow Us:

Follow Us:

पुणे : राज्यात फसवणुकीचे प्रमाण वाढले आहे. राज्यातील वेगवेगळ्या भागातून फसवणुकीच्या घटना उघडकीस येत असतात. अशातचं आता एक मोठी बातमी समोर आली आहे. बँक खाते अपडेट करण्याच्या बहाण्याने सायबर चोरट्यांनी एका ज्येष्ठ नागरिकाला तीन लाख रुपयांना गंडा घातला आहे. याप्रकरणी सायबर चोरट्यांवर गुन्हा दाखल केला आहे. याबाबत ६८ वर्षीय ज्येष्ठ नागरिकाने वारजे पोलीस ठाण्यात तक्रार दिली आहे. त्यानुसार, चोरट्यांवर गुन्हा दाखल करण्यात आला आहे.

पोलिसांच्या माहितीनुसार, तक्रारदार कर्वेनगर भागातील शाहू कॉलनीत राहतात. ते सेवानिवृत्त आहेत. सायबर चोरट्यांनी ज्येष्ठाच्या मोबाइलवर संपर्क साधला. बँकेतून बोलत असल्याची बतावणी त्यांच्याकडे केली. बँक खाते अपडेट करण्याचे काम सुरू आहे. बँक खाते अपडेट न केल्यास खाते बंद पडेल, अशी बतावणी केली. त्यानंतर चोरट्यांनी त्यांच्याकडून बँक खात्याची गोपनीय माहिती घेतली. बँक खात्याच्या माहितीचा गैरवापर करुन चोरट्यांनी ज्येष्ठाच्या खात्यातून २ लाख ९८ हजार ९९८ रुपये ऑनलाइन पद्धतीने खात्यात हस्तांतरित केले. खात्यातून रक्कम दुसऱ्याच खात्यात हस्तांतरित झाल्याचे लक्षात आल्यानंतर त्यांनी पोलिसांकडे तक्रार दिली. वरिष्ठ निरीक्षक विश्वनाथ काईंगडे अधिक तपास करत आहेत.

हे सुद्धा वाचा : वाहन चोरणाऱ्या अल्पवयीन मुलाला घेतले ताब्यात; गुन्हे शाखेच्या दरोडा व वाहन चोरी पथकाची कारवाई

कोथरुडमधील व्यक्तीला ३० लाखाला गंडा

कोथरूड भागातील एका नोकरदार व्यक्तीला सायबर चोरट्यांनी टास्क तसेच युट्यूबला लाईक्स मिळवून देण्यासाठी तसेच ऑनलाइन पद्धतीने कामाची संधी (ऑनलाइन टास्क) असल्याच्या आमिषाने २९ लाख ६३ हजार रुपयांना गंडा घातला आहे. याप्रकरणी अज्ञात चोरट्यांवर कोथरुड पोलिसांनी गुन्हा दाखल केला. याबाबत ५३ वर्षीय व्यक्तीने तक्रार दिली आहे. वरिष्ठ पोलीस निरीक्षक संदीप देशमाने तपास करत आहेत.

लष्करात भरती करण्याच्या बहाण्याने फसवणूक

महाराष्ट्रातील मुलांना लष्करात भरती करण्याचे आमिष दाखवून प्रत्येक उमेदवाराकडून प्रत्येकी तीन लाख रुपये घेऊन लष्करात नोकरी लावतो म्हणून फसवणूक करणाऱ्या तोतया लष्करी जवानावर बंडगार्डन पोलिस ठाण्यात गुन्हा दाखल करण्यात आला आहे. मिलिटरी इंटेलिजन्स आणि वन गार्डन पोलीस यांनी ही संयुक्त कारवाई केली आहे. नितीन बालाजी सुर्यवंशी (रा.मु. पो. हेळंब, तालुका देवणी, जिल्हा लातुर) असे बोगस जवानांचे नाव आहे. याबाबत भरत रमेश महाटे (वय 23, रा. नागराळ, तालुका – मुखेड, जिल्हा नांदेड गोंधळेनगर, हडपसर) यांनी फिर्याद दिली आहे. हा प्रकार 13 ऑगस्ट 2024 रोजी ते आज रोजी पर्यंत सदर्न कमांड कैंटीन व सब एरीया कैंटीन कॅप परिसर येथे घडला आहे. यामध्ये फिर्यादीची 1 लाख 75 हजारांची फसवणूक करण्यात आली.

Web Title: A case of fraud of a senior citizen has come to light in pune nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com