माळशिरसमध्ये पोलीस हवालदार ACB च्या जाळ्यात; आठ हजारांची लाच घेताना रंगेहात पकडले

आठ हजारांची लाच स्वीकारताना पोलीस हवालदार दत्तात्रय बळीराम थोरात याला लाचलुचपत प्रतिबंधक विभागाच्या पथकाने रंगेहात पकडले आहे.

संग्रहित फोटो

Follow Us:

Follow Us:

माळशिरस : राज्यात लाच घेतल्याच्या अनेक प्रकार राज्यातील वेगवेगळ्या भागातून उघडकीस येत असतात. अशातचं आता भावकीतील भांडणातील गुन्ह्यात सहकार्य करण्यासाठी व तक्रारदाराच्या पत्नीस अटक न करण्यासाठी आठ हजारांची लाच स्वीकारताना पोलीस हवालदार दत्तात्रय बळीराम थोरात याला लाचलुचपत प्रतिबंधक विभागाच्या पथकाने रंगेहात पकडले आहे.

दोन भावामध्ये भांडणे झाली होती. यामध्ये दोघांनी एकमेकांविरोधात माळशिरस पोलिसात तक्रार दाखल केली होती. तक्रारदार व त्यांचा भाऊ यांना गुन्ह्यात अटकेनंतर न्यायालयातून जामीन मिळाला होता. तक्रारदारांच्या पत्नीस अटक न करण्यासाठी व दोषारोप पत्रात मदत करण्यासाठी तक्रारदार यांच्याकडून तपास हवालदार थोरात यांनी दहा हजार रुपयांची मागणी केली. तडजोडीअंती ८ हजार तडजोड झाली. याबाबत तक्रारदार यांनी लाचलुचपत प्रतिबंधक विभागाशी संपर्क साधला. सापळा रचून हवालदार दत्तात्रय थोरात पकडण्यात आले.

हे सुद्धा वाचा : जेलमधून सुटका हाेताच मिरवणूक भोवली; पोलिसांनी परत केली रवानगी

पोलीस उपअधीक्षक गणेश कुंभार, गणेश पिंगुवाले, पोलीस अंमलदार सायबन्ना कोळी, संतोष नरोटे, गजानन किणगी, चालक राहुल गायकवाड यांच्या पथकाने सापळा रचून थोरात यांना ८ हजारांची लाच स्विकारताना रंगेहात पकडले.

पोलिस हवालदार एसीबीच्या जाळ्यात

दरम्यान गेल्या काही दिवसाखाली सांगलीमध्ये धक्कादायक प्रकार घडला आहे. महिला पोलीस लाच घेताना हाती आली आहे. सांगलीमध्ये पोलिसांना रंगेहात पकडले आहे. फसवणुकीचा गुन्हा दाखल न करण्यासाठी पन्नास हजार रुपयांची लाच घेताना विश्रामबाग पोलिस ठाण्यातील महिला हवालदार यांना पकडले आहे. अटक करण्यात आलेल्या महिला पोलीस हवालदाराचे नाव मनिषा नितीन कोंगनोळीकर उर्फ भडेकर (वय ४२, रा. शारदानगर, सांगली) असे आहे. त्यांना लाचलुचपत प्रतिबंधक विभागाने मंगळवारी रंगेहात पकडले.

हे सुद्धा वाचा : पुणे हादरलं! तरुणावर कोयत्याने हल्ला, हात मनगटापासून तोडला; कारण काय तर…

एका फसवणूक प्रकरणात गुन्हा दाखल न करण्यासाठी व चौकशीत मदत करण्यासाठी मनिषा कोंगनोळीकर यांनी एका व्यक्तीकडे पन्नास हजार रुपयांची मागणी केली होती. ही रक्कम स्वीकारण्यासाठी मंगळवारी सांगलीवाडी येथील डॉ. पतंगराव कदम महाविद्यालयाजवळ त्यांनी तक्रारदारास बोलावले. याबाबत संबंधित व्यक्तीने लाचलुचपत प्रतिबंधक विभागाकडे यासंदर्भात तक्रार केली. त्यानुसार विभागाच्या पथकाने सांगलीवाडीत सापळा रचला होता. तक्रारदाराकडून कोंगनोळीकर यांनी पन्नास हजार रुपयांची लाच स्वीकारली. त्यानंतर पथकाने त्यांना रंगेहात पकडले. याप्रकरणी कोंगनोळीकर यांच्यावर गुन्हा दाखल करण्यात आला आहे.

Web Title: A police constable has been caught accepting a bribe of eight thousand in malshiras nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com