खडकी बाजरात खरेदीसाठी आलेल्या तरुणावर टोळक्याचा हल्ला; शस्त्राने सपासप वार केले अन्…

पुण्यातून एक मोठी बातमी समोर आली आहे. खडकी बाजरात खरेदीसाठी आलेल्या तरुणावर तीक्ष्ण शस्त्राने वार केल्याची घटना घडली आहे. टोळक्याने केलेल्या हल्ल्यात तरुण गंभीर जखमी झाला आहे.

संग्रहित फोटो

Follow Us:

Follow Us:

पुणे : राज्यात गुन्हेगारीचे प्रमाण वाढले आहे. राज्यातील वेगवेगळ्या भागातून गुन्हेगारीच्या घटना उघडकीस येत असतात. अशातचं आता पुण्यातून एक मोठी बातमी समोर आली आहे. खडकी बाजरात खरेदीसाठी आलेल्या तरुणावर तीक्ष्ण शस्त्राने वार केल्याची घटना घडली आहे. टोळक्याने केलेल्या हल्ल्यात तरुण गंभीर जखमी झाला असून, त्याच्यावर रुग्णालयात उपचार सुरू आहेत.

विशाल दीपक काळे (वय २०, रा. फुलेनगर, विश्रांतवाडी) असे जखमी झालेल्या तरुणाचे नाव आहे. याबाबत गणेश दादू पातरकर (वय १७, रा. फुलेनगर, विश्रांतवाडी) याने खडकी पोलीस ठाण्यात तक्रार दिली आहे. दीपक आणि गणेश खडकी बाजारात शनिवारी कपडे खरेदी करण्यासाठी गेले होते. त्यावेळी एका टोळक्याने त्यांना अडवले. त्यांच्यात किरकोळ कारणावरुन वाद झाला. त्यानंतर टोळक्याने त्यांच्यावर तीक्ष्ण शस्त्राने वार केले. त्यांच्या तावडीतून विशालने पळ काढला. त्यानंतर टोळक्याने पाठलाग करून त्याला होळकर पुलाजवळ गाठले. त्याला बेदम मारहाण केली. त्याच्याकडील दीड हजार रुपये आणि मोबाइल काढून घेतला. पोलीस उपनिरीक्षक अर्जुन बेंदगुडे तपास करत आहेत.

Web Title: A young man who came to shop in khadki bazaar was attacked by a gang nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com