Air India Pee: भारतीयाकडून जपानी व्यक्तीवर लघुशंका, पुन्हा एकदा एअर इंडियातील विकृत प्रकार समोर

एअर इंडियाच्या विमानात पुन्हा एकदा विकृत प्रकार घडला आहे. एका भारतीय व्यक्तीने जपानी व्यक्तीवर लघुशंका केली. या आधीही एअर इंडियाच्या विमानात हा प्रकार घडला होता. नेमकं काय प्रकरण?

flight (फोटो सौजन्य- pinterest)

Follow Us:

Follow Us:

एअर इंडियाच्या विमानात पुन्हा एकदा विकृत प्रकार घडला आहे. एका सहप्रवाशावर लघुशंका करण्यात आली. एअर इंडियाच्या फ्लाइट एआय 2336 च्या बिझनेस क्लासमध्ये हा सर्व प्रकार घडल्याची माहिती समोर आली आहे. एका भारतीयाने जपानी व्यक्तीवर लघुशंका केली. सदर प्रकरणानंतर एअर इंडियाच्या केबिन क्रू सदस्यांनी आरोपी प्रवाशाला इशारा देऊन सोडण्यात आलं.  यावर मंत्रालय दखल घेईल असं  नागरी विमान वाहतूक मंत्री यांनी म्हंटले आहे.

Maharashtra Rain: देशभरात यंदा कोसळधार! मान्सून महाराष्ट्रासाठी अनुकूल; स्कायमेटचा अंदाज काय सांगतो? वाचा सविस्तर

नेमकं काय प्रकार?

एअर इंडियाच्या फ्लाइट एआय 2336 दिल्लीहून बँकॉकला निघाली होती. यावेळी बिझनेस क्लासमध्ये एका पुरुष प्रवाशाने एका खाजगी कंपनीच्या अधिकाऱ्यावर लघुशंका केली. लघुशंका करणारी व्यक्ती मद्यधुंद असल्याचे दिसून आले. ही घटना विमान बँकॉकमध्ये उतरण्यापूर्वी घडली. लघवी करणारा व्यक्ती बिझनेस क्लासमध्ये दुसऱ्या क्रमांकाच्या सीटवर होता. ज्या व्यक्तीवर त्याने लघवी केली तो देखील बिझनेस क्लासमध्ये होता.

सदर घडलेल्या प्रकरणानंतर क्रू मेंबर्सनी पीडित प्रवाशाला तक्रार दाखल करण्यास सांगितले. मात्र पीडित व्यक्तीने तक्रार दाखल करण्यास नकार दिला. पीडित व्यक्तीने अद्याप कोणतीही तक्रार दाखल केलेली नाही. यापूर्वी नोव्हेंबर 2022 मध्येही एअर इंडियाच्या विमानात लघुशंका केल्याचे प्रकरण समोर आले होते.

नागरी विमान वाहतूक मंत्री काय म्हणाले?
नागरी विमान वाहतूक मंत्री राम मोहन नायडू म्हणाले की, मंत्रालय या घटनेची दखल घेईल आणि विमान कंपनीशी बोलेल.

लघुशंका केल्याचा प्रकार याआधीही घडला
नोव्हेंबर 2022 मध्ये देखील असेच एक प्रकरण समोर आले. त्यावेळी एअर इंडियाच्या न्यू यॉर्क-दिल्ली विमानात शंकर मिश्रा नावाच्या प्रवाशाने एका महिला प्रवाशावर लघवी केली होती. या घटनेनंतर, आरोपी शंकर मिश्रा याला 6 जानेवारी रोजी बेंगळुरू येथून अटक करण्यात आली आणि नंतर न्यायालयाने त्याला न्यायालयीन कोठडीत पाठवले. त्यानंतर न्यायालयाने 31 जानेवारी 2023 रोजी जामीन मंजूर केला.

Web Title: Air india pee indian peeing on japanese person once again perverted behavior in air india exposed

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com