प्रशिक्षणार्थी PSI पतीकडून विवाहितेचा छळ, पिस्तूल दाखवून धमकावल्याचा आरोप; नेमकं प्रकरण काय?
पोलिसांच्या माहितीनुसार, तक्रारदार आणि राहुल राठोड यांची २०२२-२३ मध्ये ओळख झाली होती. दोघेही स्पर्धा परिक्षेची तयारी करत होते. दरम्यान, ओळखीनंतर त्यांच्यात प्रेमसंबंध निर्माण झाले. विवाह करण्याचे ठरविले होते. त्यादरम्यान पोलिस उपनिरीक्षक पदावर निवड झाली. नंतर लग्न करण्याचे आश्वासन देत राहुल याने संमतीने शरीरसंबंध ठेवल्याचे तक्रारीत म्हटले आहे. त्याच्या अभ्यासाचा खर्च, वैद्यकीय उपचार आणि इतर कारणांसाठी फिर्यादीने २ लाख ४० हजार रुपयांची आर्थिक मदत केल्याचेही तक्रारीत नमूद आहे. १ ऑगस्ट २०२४ रोजी राहुलची पीएसआय पदावर निवड झाल्यानंतर त्याच्या वर्तनात बदल झाला. नातेवाइकांच्या सांगण्यावरून त्याने आपल्याशी अंतर ठेवून अपमानास्पद वागणूक देण्यास सुरुवात केली, असा आरोप केला आहे.
राहुलने लग्नास नकार दिल्यानंतर तक्रारदाराने स्वारगेट येथील सहायक पोलिस आयुक्त यांच्यांकडे तक्रार केली होती. तसेच त्यांनी भरोसा सेलकडे तक्रार अर्ज दिला होता. नंतर सप्टेंबर २०२५ मध्ये दोन्ही बाजूंच्या संमतीने आळंदी येथे विवाह झाला. विवाहानंतर राहुल प्रशिक्षणासाठी नाशिक येथे गेला. मात्र, प्रशिक्षणादरम्यान व त्यानंतरही त्याने पत्नीला सासरी नेण्यास टाळाटाळ केल्याचा आरोप आहे.
लग्नानंतर चारचाकी गाडी आणण्यासाठी पती व नातेवाइकांकडून तगादा लावल्याचे तक्रारीत म्हटले आहे. मागण्या पूर्ण न झाल्याने राहुलने अपमानास्पद बोलून घरखर्च देण्यासही नकार दिल्याचा आरोप आहे. सततच्या छळामुळे दोन ते तीन वेळा आत्महत्येचा प्रयत्न केल्याचेही विवाहितेने तक्रारीत म्हटले आहे. एका प्रसंगी शिवीगाळ करून पिस्तूल दाखवत धमकी दिल्याचा आरोपही तिने केला आहे. याप्रकारानंतर विवाहितेने तक्रार दाखल केली. निरीक्षक राजेश खांडवे पुढील तपास करीत आहेत.
पत्नीने दिलेल्या तक्रारीनुसार प्रशिक्षणार्थी उपनिरीक्षक असलेल्या पतीविरुद्ध गुन्हा दाखल करण्यात आला आहे. राहुल राठोड असे त्याचे नाव आहे. मागील चार महिन्यापासून त्याची नेमणूक सहकारगर पोलिस ठाण्यात आहे. -विठ्ठल पवार, वरिष्ठ पोलिस निरीक्षक, सहकारनगर पोलिस ठाणे.
Ans: प्रशिक्षणार्थी PSI पती राहुल शेषेराव राठोड याने लग्नानंतर ४० लाख रुपये, फ्लॅट आणि चारचाकी गाडीची मागणी करून शारीरिक व मानसिक छळ केल्याचा आरोप विवाहितेने केला आहे. तसेच सर्व्हिस वेपन दाखवून धमकावल्याचेही तिने तक्रारीत म्हटले आहे.
Ans: विवाहितेने दिलेल्या तक्रारीनुसार, लग्नानंतर तिच्याकडे ४० लाख रुपये, फ्लॅट आणि चारचाकी गाडीची मागणी करण्यात आली होती. या मागण्यांवरून तिचा शारीरिक व मानसिक छळ केल्याचा आरोप आहे.
Ans: या प्रकरणी सहकारनगर पोलिस ठाण्यात ३१ वर्षीय विवाहितेने तक्रार दाखल केली आहे. त्यानुसार प्रशिक्षणार्थी PSI पती राहुल शेषेराव राठोड (वय २९) आणि राजू पवार (वय ४०) यांच्याविरुद्ध गुन्हा नोंदवण्यात आला आहे.
.png "Videos"){kind=small}
