मावळमध्ये खळबळ! पोलीस भरती प्रशिक्षणासाठी आलेल्या तरुणीवर अत्याचार; घरी नेले अन्…

पोलीस भरतीचे प्रशिक्षण घेण्यासाठी आलेल्या तरुणीवर जबरदस्तीने अत्याचार केल्याचा प्रकार समोर आला आहे. या प्रकरणातील आरोपीची मावळ न्यायालयाने जेलमध्ये रवानगी केली आहे.

• पोलीस भरती प्रशिक्षणासाठी आलेल्या तरुणीवर अत्याचार
• मावळमधील संतापजनक प्रकार
• आरोपीला न्यायालयांने सुनावली शिक्षा

वडगाव मावळ : राज्यात महिलांवरील अत्याचाराच्या घटना वाढत असून, वाढत्या घटनांमुळे महिलांच्या सुरक्षेचा प्रश्न ऐरणीवर आला आहे. अशातच आता मावळमधून एक संतापजनक बातमी समोर आली आहे. पोलीस भरतीचे प्रशिक्षण घेण्यासाठी आलेल्या तरुणीवर जबरदस्तीने अत्याचार केल्याचा प्रकार समोर आला आहे. या प्रकरणातील आरोपीची मावळ न्यायालयाने जेलमध्ये रवानगी केली आहे. पीडित तरुणीने फिर्याद दिल्याने  वडगाव मावळ पोलीस स्टेशन येथे गुन्हा दाखल करण्यात आला आहे. राजु लक्ष्मण माडगी (वय 31, रा. चतुर्भुज रेसीडेन्सी, फ्लॅट नं 201, विशाल लॉन्स, वडगाव ता. मावळ, जि. पुणे) न्यायालयीन कोठडीत असलेल्या आरोपीचे नाव आहे.

 

पोलिसांनी दिलेल्या माहितीनुसार, पोलीस भरती प्रशिक्षण घेण्यासाठी मुंबई येथून आलेल्या 19 वर्षीय तरुणीवर दि. 27/08/2026 रात्री 22.03 वाजता ते दि. 28/08/2026 सकाळी 05.40 वाजताच्या दरम्यान पोलीस भरतीचे प्रशिक्षण घेत असलेल्या शौर्य करीअर अकॅडमी, केशव नगर, वडगाव, (ता. मावळ, जि. पुणे )संस्थेचे चालक व प्रशिक्षक आरोपी राजु लक्ष्मण माडगी (वय 31) याने फिर्यादी तरुणीला कॉल करून त्यांच्या स्वतःचे राहत्या घरी घेऊन गेले व फिर्यादी यांची इच्छा नसताना जबरदस्ती बलात्कार केला. फिर्यादीवरुन गुन्हा दाखल करून पोलिसांनी आरोपीला अटक करून न्यायालयात हजर केले. न्यायालयाने आरोपीची जेलमध्ये रवानगी केली आहे. SC प्रवर्गातील असल्याने ऍट्रॉसिटी कायद्यांतर्गत कलम वाढविण्यात आले आहे. सदर गुन्ह्याचा तपास उपविभागीय पोलीस अधिकारी लोणावळा विभाग गजानन टोम्पे हे करत आहेत.

हे सुद्धा वाचा : मुलाकडून आईला कड्याने मारहाण; ओठाला पडले ८ टाके; गोकुळनगर परिसरातील धक्कादायक प्रकार

तरुणीचे अपहरण करून अत्याचार

माझ्यासोबत लग्न केले नाही तर तुझ्या आई-वडिलांना मारून टाकीन, अशी धमकी देत १८ वर्षीय तरुणीचे अ‍ॅम्ब्युलन्समधून अपहरण केले. तिला आळंदी येथील आर्य सेवा संस्थेत नेऊन रजिस्टरवर जबरदस्ती स्वाक्षऱ्या करण्यास भाग पाडले. त्यानंतर तिच्यावर बळजबरीने अत्याचार केल्याचा प्रकार १६ ते १७ जूनदरम्यान घडला आहे. याप्रकरणी दत्ता दिनकर गायकवाड याच्याविरोधात मुकुंदवाडी पोलिस ठाण्यात गुन्हा दाखल करण्यात आला आहे.

हे सुद्धा वाचा : चंद्रकांत पाटलांविषयी अवमानकारक वक्तव्य भोवलं; भाजप नगरसेवकाच्या तक्रारीनंतर दोघांवर गुन्हा दाखल