वाढदिवसाच्या पार्टीत टिश्यू पेपरवरून वाद आणि दारूची बाटली थेट डोक्यात;लातूरमधील धाब्यावर हाणामारी

एका धाब्यावर वाढदिवस साजरा करतांना टिश्यू पेपरवरून दोन गटांमध्ये सुरु झालेला वाद थेट दारूच्या बॉटलने तोंड ठेचण्यापर्यंत पोहोचला असल्याचे समोर आला आहे. या संपूर्ण प्रकारचा व्हिडीओ सोशल मीडियावर चांगलाच वायरल झाला आहे.

लातूरमधून एक धक्कादायक घटना समोर आली आहे. एका धाब्यावर वाढदिवस साजरा करतांना टिश्यू पेपरवरून दोन गटांमध्ये सुरु झालेला वाद थेट दारूच्या बॉटलने तोंड ठेचण्यापर्यंत पोहोचला असल्याचे समोर आला आहे. हा प्रकार एका अल्पवयीन मुलाने केला असल्याचे समोर आले आहे. या संपूर्ण प्रकारचा व्हिडीओ सोशल मीडियावर चांगलाच वायरल झाला आहे. विशेष म्हणजे, या गोंधळात अनेक अल्पवयीन तरुणांचा सहभाग असल्याचे स्पष्ट झाले आहे.

Navi Mumbai Crime Case : मसाज पार्लर आड भलतंच काही तरी, पोलिसांच्या तपासात समोर आलं धक्कादायक सत्य

काय आहे प्रकरण?

लातूर शहरातील रिंगरोडवरील ढाब्यावर रात्रीच्या वेळी मद्यपींची मोठी गर्दी असते. यावेळी दीपक सूर्यवंशी ( रा. कोंडदेव नगर लातूर) आणि संगमेश्वर काळगे ( रा. खणी लातूर) हे दोघे त्याच्या मित्रांबरोबर दारू पीत आणि जेवण करत बसली होते. त्यांच्या समोरच्या टेबलवर आणखीन काही तरुण बसले होते. वाढदिवसाची पार्टी सुरू होती. वेटरला टिशू पेपर मागण्यात आला.. वेटरला वेळोवेळी जोरात आवाज देण्यात येत होता. आजू बाजूला बसलेल्या या दोन टेबलवरील तरुणांमध्ये मोठ-मोठ्याने बोलण्यावरून वाद निर्माण झाला. क्षुल्लक कारणावरून सुरू झालेला वाद थेट रस्त्यावर आला. आणि डोक्यात दारूची बाटली घातली. यामध्ये दीपक आणि संगमेश्वर हे दोघे जखमी झाले आहेत. गंभीर जखमी झालेल्या तरुणाला लातूरच्या शासकीय वैद्यकीय महाविद्यालयात उपचारासाठी हलवण्यात आलं.

या प्रकरणात मोठ्या संख्येत अल्पवयीनांची मोठी संख्या होती.यामुळे पालकांमध्येही चिंता पसरली आहे. या प्रकरणाचा व्हिडीओ देखील व्हायरल झाला आहे. घटनेची माहिती मिळताच मआयडीसी पोलीस ठाण्याच्या पथकाने घटनास्थळी धाव घेतली आणि पुढील मोठा अनर्थ टळवला. पोलिसांनी मारहाणीचा व्हिडिओ ताब्यात घेत तपास सुरू केला आहे.

लातूर हादरलं! चॉकलेटसाठी हट्ट केल्यावर जन्मदात्याने चार वर्षीय लेकीला संपवलं; पळून जात असतांना अटक…..