लखनौमध्ये बहिणीचीही हत्या करून आत्महत्या
लखनौ : एका कौटुंबिक वादाचा अत्यंत भयानक आणि धक्कादायक अंत झाला आहे. गोमती नगर पोलिस ठाण्याच्या हद्दीत गुरुवारी एका पतीने आपल्या बँक व्यवस्थापक पत्नीची गोळ्या झाडून हत्या केली आणि त्यानंतर घरात जाऊन बहिणीचा जीव घेत स्वतःवरही गोळी झाडून आत्महत्या केली. या खळबळजनक घटनेत एकूण ३ जणांचा मृत्यू झाला आहे.
मिळालेल्या माहितीनुसार, दिव्या मिश्रा या बँकेत रिलेशनशिप मॅनेजर म्हणून कार्यरत होत्या. त्यांचा पती मानस याच्यासोबत कौटुंबिक वाद सुरू होता आणि हे प्रकरण कौटुंबिक न्यायालयात प्रलंबित होते. गुरुवारी सकाळी ११:२२ च्या सुमारास मानसने दिव्या यांना बँकेबाहेर बोलावून घेतले. काही वेळ त्यांच्यात संभाषण झाले; परंतु वाद वाढल्याने मानसने अचानक बंदूक काढून दिव्या यांच्यावर गोळ्या झाडल्या. गोळीबाराच्या या घटनेनंतर गंभीर जखमी झालेल्या दिव्या यांना तत्काळ लोहिया इन्स्टिट्यूटमध्ये दाखल करण्यात आले. मात्र, डॉक्टरांनी उपचारापूर्वीच त्यांना मृत घोषित केले.
मागासवर्गीय आयोगाचा सदस्य म्हणून मिरवला, पोलिसांची सलामीही घेतली; सत्य समोर येताच उडाली खळबळ
हत्येनंतर घरी परतला तेव्हा…
शेजारी अंकुरच्या म्हणण्यानुसार, मानसचा व्हॉट्सअॅप स्टेटस पाहिल्यानंतर त्याने त्याला फोन केला, पण फोन उचलला गेला नाही. त्यानंतर शेजाऱ्यांनी दरवाजा ठोठावला. बराच वेळ दरवाजा न उघडल्याने तीन-चार जणांनी तो तोडला.
बहिणीची पण केली हत्या
पत्नीवर गोळ्या झाडल्यानंतर आरोपी मानस घटनास्थळावरून थेट हुसडिया येथील आपल्या घरी पळून गेला. तेथे पोहोचताच त्याने घरात असलेली आपली आजारी बहीण विभा बाजपेयी हिचीदेखील गोळ्या झाडून हत्या केली. त्यानंतर मानसने त्याच बंदुकीतून स्वतःवर गोळी झाडून आयुष्य संपवले. एकामागून एक झालेल्या या तीन मृत्यूंमुळे लखनौ शहरात मोठी खळबळ उडाली आहे.
अल्पवयीन मुलाचा खून
व्हॉट्सअप स्टेट्स ठेवल्यावरून तसेच जुन्या वादातून एका अल्पवयीन मुलाचा विद्या महाविद्यालयाच्या टेकडीवर दोन अल्पवयीन मुलांनी लोखंडी हातोड्याने डोक्यात वार करून निर्घृण खून केल्याचा धक्कादायक प्रकार उघडकीस आला आहे. मुलांना पोलिसांनी ताब्यात घेतले आहे.
.png "Videos"){kind=small}
