गुरुवार, 5 नोव्हेंबर 2026
सौजन्य फोटो - सोशल मिडीया
मिळालेल्या माहितीनुसार, आरोपी आनंद राज याचा येलहंका येथे स्वीट कॉर्न बनवण्याच्या मशीनचा कारखाना आहे. या कारखान्यात २२ वर्षीय किरण नावाचा तरुण काम करत होता. आनंद राज यांची १९ वर्षीय मुलगी म्हैसूर येथील वसतिगृहात राहून प्री-युनिव्हर्सिटी कोर्सच्या (PUC) दुसऱ्या वर्षात शिकते. दसऱ्याच्या सुट्ट्यांसाठी ती घरी आली असताना तिची आणि किरणची भेट झाली व दोघांमध्ये जवळीक वाढली. पोलिसांच्या मते, दोघांमध्ये प्रेमसंबंध निर्माण झाले होते, मात्र हे संबंध आनंद राजला अजिबात मंजूर नव्हते.
सोमवारी आनंद राज याने आपल्या मुलीला तामिळनाडूतील मूळ गावी जात असल्याचे सांगितले. मात्र, त्याच दिवशी दुपारी तो पत्नीसह अचानक घरी परतला. घरी पोहोचताच किरण आणि त्याची मुलगी एका खोलीत एकत्र असल्याचे त्याच्या निदर्शनास आले. आनंदने दोघांना रंगेहात पकडल्याने त्याचा राग अनावर झाला. त्याने तातडीने मुलीला तिच्या आईसोबत चिक्कबळ्ळापूर येथील एका नातेवाईकाच्या घरी पाठवून दिले आणि किरणला घरात बंद करून रात्रभर क्रिकेट बॅटने बेदम मारहाण केली.
दुसऱ्या दिवशी दुपारी संतापलेल्या आनंद राजने किरणच्या पोटाच्या खालच्या भागात जोरात लाथ मारली. या जबर फटक्यामुळे किरण खाली कोसळला आणि त्याचा जागीच मृत्यू झाला. किरण निपचित पडल्याचे पाहून घाबरलेल्या आरोपीने त्याला ऑटो-रिक्षातून रुग्णालयात नेले, परंतु डॉक्टरांनी तपासणी करून त्याला मृत घोषित केले. या घटनेची माहिती मिळताच येलहंका पोलीस ठाण्याचे पथक घटनास्थळी पोहोचले. पोलिसांनी हत्येचा गुन्हा दाखल करत आरोपी फॅक्टरी मालक आनंद राज याला बेड्या ठोकल्या असून पुढील तपास सुरू आहे.
Ans: ही घटना बंगळुरूच्या येलहंका परिसरात घडली आहे.
Ans: फॅक्टरी मालकाच्या १९ वर्षीय मुलीचे कामगारासोबत प्रेमसंबंध होते, जे मालकाला मान्य नव्हते. दोघांना एकत्र पकडल्याच्या रागातून ही हत्या करण्यात आली.
Ans: येलहंका पोलिसांनी हत्येचा गुन्हा दाखल करून आरोपी फॅक्टरी मालक आनंद राज याला अटक केली आहे.
