गुरुवार, 5 नोव्हेंबर 2026
(फोटो सौजन्य-AI एआय)
लक्झरी इलेक्ट्रिक कारच्या मार्केटमध्ये मर्सिडीज-बेंझने मोठी एन्ट्री केली आहे. कंपनीने नवीन मर्सिडीज-बेंझ GLC 400 4Matic इलेक्ट्रिक SUV भारतात 78.50 लाख रुपये (एक्स-शोरूम) किंमतीत लाँच केली आहे. या इलेक्ट्रिक SUV चे प्रोडक्शन पुण्यातील चाकण प्लांटमध्ये सुरू झाले असून, डिलिव्हरी नोव्हेंबर 2026 च्या मध्यापासून सुरू होणार आहे. विशेष म्हणजे, ही कार भारतात तयार होणारी कंपनीची MB.EA-M प्लॅटफॉर्मवर आधारित पहिली इलेक्ट्रिक कार आहे.
पुण्यातील प्लांटमध्ये इलेक्ट्रिक SUV चे प्रोडक्शन
मर्सिडीज-बेंझच्या चाकण प्लांटमध्ये तयार होणारी GLC 400 इलेक्ट्रिक ही कंपनीच्या जागतिक प्रोडक्शन नेटवर्कमधील महत्त्वाची कार आहे. जर्मनीतील ब्रेमेन प्लांटनंतर पुणे हे या नवीन इलेक्ट्रिक SUV चे प्रोडक्शन करणारे जगातील दुसरे ठिकाण ठरले आहे. या कारमध्ये मर्सिडीज-बेंझ ऑपरेटिंग सिस्टम (MB.OS) देण्यात आली आहे. भारतात प्रोडक्शन होणाऱ्या मर्सिडीज-बेंझ कारमध्ये ही टेक्नोलॉजी पहिल्यांदाच मिळत आहे.
महाराष्ट्राचे मुख्यमंत्री देवेंद्र फडणवीस, सुनेत्रा पवार आणि मर्सिडीज-बेंझ ग्रुपचे चेअरमन ओला कॅलेनियस यांच्यासह वरिष्ठ अधिकाऱ्यांच्या उपस्थितीत या प्रोडक्शनची सुरुवात झाली. कंपनीच्या फ्लेक्सिबल प्रोडक्शन लाइनवर पेट्रोल-डिझेल आणि इलेक्ट्रिक कार एकाच लाइनवर तयार केल्या जाऊ शकतात.
मर्सिडीज-AMG GT SUV चा दमदार डेब्यू! 1,153 hp पॉवर, 710 kW फास्ट चार्जिंग आणि 700 km रेंज
489 hp पॉवर आणि 711 किमी रेंज
मर्सिडीज-बेंझ GLC 400 इलेक्ट्रिक मध्ये 94 kWh बॅटरी पॅक आणि ड्युअल मोटर ऑल-व्हील ड्राइव्ह सेटअप मिळतो. ही SUV 489 hp पॉवर आणि 800 Nm टॉर्क जनरेट करते. 0 ते 100 kmph वेग गाठण्यासाठी तिला फक्त 4.3 सेकंद लागतात. तिचा टॉप स्पीड 210 kmph आहे.
WLTP प्रमाणानुसार, ही इलेक्ट्रिक SUV एका चार्जमध्ये 711 किमीपर्यंत रेंज देते. 800V इलेक्ट्रिकल आर्किटेक्चरमुळे 330 kW DC फास्ट चार्जिंग सपोर्ट मिळतो. त्यामुळे बॅटरी 10 ते 80 टक्के चार्ज होण्यासाठी फक्त 22 मिनिटे लागतात. कारमध्ये 39.1 इंचांची MBUX स्क्रीन, एअर सस्पेंशन आणि रिअर-व्हील स्टीयरिंगसारखी फीचर्स देण्यात आली आहेत.
पेट्रोलही, इलेक्ट्रिकही आणि मेबॅकचा रॉयल थाटही! ₹3.35 कोटींची Mercedes-Maybach S 580e भारतात लाँच!
1,000 पेक्षा जास्त बुकिंग
मर्सिडीज-बेंझ GLC 400 इलेक्ट्रिकसाठी 1,000 पेक्षा जास्त बुकिंग मिळाली आहेत. ही SUV मार्च 2027 पर्यंत विकली गेल्याचे कंपनीने सांगितले आहे. 2026 मध्ये कंपनीने भारतातील प्रोडक्शन, नवीन कार आणि डिजिटायझेशनसाठी 200 कोटी रुपयांची अतिरिक्त गुंतवणूक केली आहे. भारतातील कंपनीची एकूण गुंतवणूक 3,200 कोटी रुपयांवर पोहोचली आहे.
इलेक्ट्रिक कार कस्टमरना कंपनी आता मोफत AC वॉल बॉक्सऐवजी MB.Charge सार्वजनिक चार्जिंग क्रेडिट देणार आहे. त्यामुळे नवीन GLC 400 इलेक्ट्रिक ही लक्झरी SUV भारतीय इलेक्ट्रिक कार मार्केटमध्ये कोणते स्थान मिळवते, हे पाहणे महत्त्वाचे ठरेल.
Ans: मर्सिडीज-बेंझ GLC 400 4Matic इलेक्ट्रिकची भारतातील एक्स-शोरूम किंमत 78.50 लाख रुपये आहे.
Ans: ही SUV WLTP प्रमाणानुसार एका चार्जमध्ये 711 किमीपर्यंत रेंज देते.
Ans: या इलेक्ट्रिक SUV चे प्रोडक्शन महाराष्ट्रातील पुणे येथील चाकण प्लांटमध्ये सुरू झाले आहे. डिलिव्हरी नोव्हेंबर 2026 च्या मध्यापासून सुरू होणार आहे.
