kapil Sharma Cafe Firing: मोठी बातमी! कपिल शर्माच्या कॅफेवर तुफान गोळीबार; ‘या’ दहशतवादी संघटनेने स्वीकारली जबाबदारी

आपल्या विनोदाने सर्वांना हसवणारा कपिल शर्मा आता अन्न आणि पेय व्यवसायात प्रवेश करत आहे. त्याने पत्नी गिन्नी चतरथसह कॅनडामध्ये ‘द केप्स कॅफे’ उघडले आहे.

कॉमेडियन कपिल शर्माच्या कॅफेवर गोळीबार झाल्याची घटना घडली आहे. हा प्रकार कॅनडामध्ये घडला आहे. कपिल शर्माने काही दिवसांपूर्वीच कॅनडामध्ये एक नवीन कॅफे सुरु केला होता. त्याच कॅफेवर आता काही अज्ञात लोकांनी गोळीबार केला आहे. प्रसिद्ध कॉमेडियन कपिल शर्मा आणि त्याची पत्नी गिन्नी चथरथ सोबत मिळून एकत्रितपणे कॅनडामध्ये एक नवीन व्यवसाय सुरु केला आहे. दोघांनी मिळून कॅनडामध्ये एक कॅफे सुरु केला आहे. काही दिवस आधीच त्याचे उदघाटन करण्यात आले होते. मात्र आज अचानक काही अज्ञात लोकांनी येऊन गोळीबार केल्याची धक्कादायक घटना घडली आहे.

See more

Unknown attackers fire several rounds at comedian Kapil Sharma's cafe in Canada Video Courtesy @RiteshLakhiCA #KapilSharma #Canada pic.twitter.com/qXVd4lfsPf — Raajeev Chopra (@Raajeev_Chopra) July 10, 2025

गोळीबार करतानाचा एक व्हिडीओ देखील सोशल मीडियावर व्हायरल होत आहे. कपिल शर्माचा हा कॅफे कॅनडाच्या सरे या भागात आहे. तीन ते चार दिवस आधीचे कपिलने हा कॅफे सुरु केला होता. दरम्यान खलिस्तानी दहशतवादी संघटना बब्बर खालसा आंतरराष्ट्रीय गॅंगने या हल्ल्याची जबाबदारी स्वीकारली आहे. या हल्ल्यात हरजीत सिंग लडीचे नाव समोर येत आहे. तो एक कुख्यात दहशतवादी आहे.

कुख्यात दहशतवादी हार्जित सिंग लडीने कपिल @SurreyPolice च्या वक्तव्यांचा हवाला देत ही गोळीबाराची घटना घडली असल्याचे त्याने म्हटले आहे. कपिल शर्मा हे भारतीय फिल्म इंडस्ट्रीमधील एक मोठे नाव आहे. त्याच्या कॅफेवर कॅनडामध्ये गोळीबार झाल्याने चित्रपट सृष्टीत एकच खळबळ उडाली आहे. कॅनडा पोलीस या प्रकरणाचा तपास करत आहेत.

कपिल शर्माने पत्नीसोबत सुरू केला नवीन व्यवसाय, परदेशामध्ये केला श्रीगणेशा

कपिल शर्माने पत्नीसोबत सुरू केला नवीन व्यवसाय

आपल्या विनोदाने सर्वांना हसवणारा कपिल शर्मा आता अन्न आणि पेय व्यवसायात प्रवेश करत आहे. त्याने पत्नी गिन्नी चतरथसह कॅनडामध्ये ‘द केप्स कॅफे’ उघडले आहे. या कॅफेचे अनेक फोटो आणि व्हिडिओ सोशल मीडियावर व्हायरल होत आहेत. तसेच हा कॅफे खूपच सुंदर आहे. कॉमेडियन कपिल शर्माच्या या कॅफेची सर्वत्र चर्चा होत आहे.

लोक कपिल शर्माचे अभिनंदन करत आहेत
सोशल मीडियावर कपिल शर्माच्या कॅफेचे फोटो आता व्हायरल होत आहेत. कॅफेची झलक या फोटो आणि व्हिडीओमध्ये दिसत आहे. कपिल शर्माचे चाहते त्यांना नवीन व्यवसायासाठी अभिनंदन करत आहेत. कॅफेचे उद्घाटन मोठ्या थाटामाटात झाले. कॅफेच्या आत काही लोक असल्याचे फोटोमध्ये दिसून येत आहे. ते लोक कॅफेमध्ये खरेदी करण्यासाठी रांगेत उभे आहेत. कॅफेचा पुढचा भाग हा संपूर्ण काचेचा आहे. गेट गुलाबी फुलांनी सजवलेला आहे.