crime (फोटो सौजन्य: social media)
काय घडलं नेमकं?
आरोपीचे नाव अंकेश योगेश बहिरवार (वय २२ वर्ष) रा. सोनापूर, तहसील सावली अशी पटली आहे. तर मयत महिला प्रियांका (वय २९ वर्षे) ही तुकूम येथील रहिवासी होती. प्रियांका ही आपल्या पतीपासून विभक्त राहत होती आणि याच काळात तिची भेट स्वतःपेक्षा ७ वर्षांनी लहान असलेल्या अंकेशशी झाली होती. हळूहळू या ओळखीचे रूपांतर प्रेमात झाले आणि ते दोघेही दुर्गापूर येथील प्रियांकाच्या घराच्या वरच्या मजल्यावर लिव्ह-इन रिलेशनशिपमध्ये राहू लागले. सुरुवातीला सर्व काही सुरळीत चालले होते, मात्र गेल्या काही काळापासून त्यांच्यात किरकोळ कारणांवरून वारंवार वाद होऊ लागले होते. प्रियांका अंकेशवर काही गोष्टींसाठी दबाव टाकत असे आणि त्याला त्याच्या कुटुंबाशी संवाद साधण्यापासून रोखत होती, ज्यातून त्यांच्यातील तणाव वाढत गेला आणि अखेर त्याचे रूपांतर हत्येत झाले.
कसे उघडले हत्येचे गुपित
या हत्येचा भीषण घटनाक्रम १४मार्चच्या रात्री सुरु झाला, तेव्हा अंकेशने वादाच्या भरात प्रियांकाचा काटा काढण्याचे ठरवले. त्याने संतापाच्या भरात घरातील मोबाईल चार्जरच्या वायरचा वापर करून तिचा गळा आवळला आणि तिचा मृत्यू झाल्याची खात्री केली. त्यांनतर घाबरलेल्या अंकेशने मध्यरात्री प्रियांकाच्या वडिलांना फोन केला आणि सांगितले की प्रियांका काही बोलत नाहीये, ती अचानक बेशुद्ध झाली आहे. तिने कदाचित आत्महत्या केली असावी. हे ऐकताच वडिलांनी आणि कुटुंबीयांनी तातडीने वरच्या मजल्यावर धाव घेतली. त्यांना प्रियांका निपचित पडलेली दिसली. तिला तातडीने रुग्णालयात नेण्यात आले. परंतु डॉक्टरांनी तिला मृत घोषित केले. सुरुवातीला गळ्यावरील व्रण पाहून हा आत्महत्येचा प्रकार वाटत होता, त्यामुळे पोलिसांनी देखील अपघाती मृत्यूची प्राथमिक नोंद केली होती.
गुरुवारी प्रियांकाचा शवविच्छेदन अहवाल पोलिसांच्या हाती आला तेव्हा हत्येचे भीषण सत्य समोर आले. या अहवालात प्रियांकाचा मृत्यू गळा आवळल्यामुळे झाला असल्याचे स्पष्ट नमूद करण्यात आले होते. ज्यामुळे आत्महत्येचा बनाव पूर्णपणे उघड पडला. पोलिसांनी त्वरित अंकेशला ताब्यात घेतले आणि पोलिसी खाक्या दाखवताच त्याने आपला गुन्हा कबूल केला.
Nashik Crime: सोशल मीडियावरून वाद; पतीने पत्नीला गाडीतून फेकून दिलं, नंतर पत्नीवर कार चढवून…
पोलीस या घटनेचा सखोल तपस करत असून हत्येसाठी वापरलेली मोबाईल चार्जरची वायर आणि एक्सटेंशन बोर्ड जप्त केले आहे. आरोपीविरुद्ध हत्येचा गुन्हा दाखल करण्यात आला असून आरोपीला कठोर शिक्षा व्हावी अशी मागणी आता जोर धरत आहे.
Ans: शवविच्छेदन अहवालात गळा आवळल्याचे स्पष्ट झाल्याने हत्या उघड झाली.
Ans: खून आत्महत्येसारखा दाखवण्याचा प्रयत्न केला होता.
Ans: आरोपीला अटक करून पोलिस तपास करत आहेत.
.png "Videos"){kind=small}
