Chhatrapati Sambhajinagar: पानटपरीवर वडील, शेतात आई…घरातच अज्ञाताचा घात! १८ वर्षीय तरुणीची गळा चिरून निर्घृण हत्या; तपास सुरु

गंगापूर तालुक्यातील मुरमी येथे १८ वर्षीय विद्यार्थिनी वैष्णवी नीळ हिचा अज्ञाताने घरात गळा चिरून खून केला. आई-वडील बाहेर असताना ती घरात एकटी होती. घटनेने परिसरात खळबळ उडाली आहे.

• मुरमी (ता. गंगापूर) येथे घरात एकटी असलेल्या तरुणीची निर्घृण हत्या
• अज्ञात आरोपीकडून गळा चिरून खून; मृतदेह रक्ताच्या थारोळ्यात आढळला
• वाळूज पोलिसांकडून गुन्हा दाखल; फॉरेन्सिक व श्वान पथकाचा तपास सुरू

छत्रपती संभाजीनगर: छत्रपती संभाजीनगर येथून एक धक्कदायक घटना समोर आली आहे. १८ वर्षीय तरुणीची घरात गळा चिरून हत्या झाल्याची घटना समोर आली आहे. हत्या झालेल्या तरुणीचे नाव वैष्णवी संतोष नीळ असे आहे. घरात कोणीच नसताना ही हत्या करण्यात आल्याचे समोर आले आहे. ही धक्कदायक घटना (शुक्रवारी, ता १९) दुपारी गंगापूर तालुक्यातील मुरमी येथे घडली. वैष्णवी ही वाळूज येथील साईनाथ महाविद्यालयात इयत्ता बारावीमध्ये शिकत होती. या घटनेने गंगापूर हादरून गेला आहे.

Pune Crime: येरवडा जेलमध्ये कैद्यांमध्ये हाणामारी, फरशीने डोके-कंबर फोडली; हाणामारीत आरोपीचा मृत्यू

वैष्णवीला रक्ताच्या उलट्या…

वैष्णवीच्या वडिलांची दहेगाव-बिडकीन मार्गावर पानटपरी आहे. त्यांचे नाव संतोष यादवराव नीळ असे आहे. वैष्णवी दुपारी १२ वाजता महाविद्यालयातून घरी आली. त्यावेळी तिचे वडिल पानटपरी चालविण्यासाठी गेले होते, तर आई मथुरा ही शेतात कमला गेली होती. वैष्णवीचा भाऊ प्रितेश हा सकाळी शाळेत गेला होता. ती घरात एकटीच होती. दुपारी ३ वाजताच्या सुमारास संतोष यांना वैष्णवी रक्ताच्या थारोळ्यात आढळली. संतोष यांनी वैष्णवीला रक्ताच्या उलट्या होत असल्याचे पत्नी मथुराला सांगितले. तेव्हा मथुरा आणि नातेवाईकांनी घरी धाव घेतली. तेव्हा त्यांना वैष्णवी खाटेजवळ रक्ताच्या थारोळ्यात गळा चिरलेल्या अवस्थेत पडलेली आढळली. तिला तात्काळ बाहेर ओसरीत आणले तेव्हा पर्यंत तिचा मृत्यू झाला होता.

पोलीस तपास सुरु

या घटनेची माहिती पोलिसांना देण्यात आली. माहिती मिळताच वाळूज पोलिस घटनास्थळी दाखल झाले. वाळूज पोलिसांनी घटनास्थळी श्वान व फॉरेन्सिक पथकाला पाचारण केले. पंचनामा करून वैष्णवीचा मृतदेह रुग्णालयात हलविला. याप्रकरणी वैष्णवीच्या आईच्या फिर्यादीवरून अज्ञातावर गुन्हा दाखल केला आहे. ती घरात एकटी असतांना तिच्या सोबत काय घडलं? आरोपी कोण? हत्या का करण्यात आली? अशे अनेक प्रश्नांचा उत्तर पोलीस शोधत आहे. या घटनेमुळे परिसरात एकच खळबळ उडाली आहे.

Ahilyanagar Crime: जामखेडमध्ये हॉटेल मालकावर गोळीबार! मालक गंभीर जखमी आणि हल्ल्लेखोर फरार