image
छत्रपती संभाजीनगर : पत्नी आणि मुलीला भेटण्यासाठी सासरवाडीत गेलेल्या जावयावर सासरच्या मंडळींनी हल्ला केल्याची घटना छत्रपती संभाजीनगरमधील बजाजनगर परिसरात घडली आहे. पत्नीला आपल्यासोबत घरी पाठवण्यावरून झालेल्या वादात मेव्हण्याने लाकडी फळीने जावयाच्या डोक्यावर वार केल्याचा आरोप आहे. या हल्ल्यात जावई गंभीर जखमी झाला असून, याप्रकरणी एमआयडीसी वाळूज पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, बजाजनगर परिसरातील लक्ष्मी माता मंदिरासमोर हा प्रकार घडला. पीडित जावई आपल्या पत्नी आणि मुलीला भेटण्यासाठी सासरवाडीत गेला होता. यावेळी पत्नीला आपल्यासोबत घरी पाठवण्यावरून त्याचा सासरच्या मंडळींसोबत वाद झाला. वाद वाढत गेल्याने परिस्थिती चिघळली. याचदरम्यान, मेव्हणा दीपक शिंदे याने रागाच्या भरात जावयाच्या डोक्यावर लाकडी फळीने वार केल्याचा आरोप आहे. या हल्ल्यात जावई गंभीर जखमी झाला.
या घटनेदरम्यान मेहुणी छाया जाधव हिने मध्यस्थी करताना शिवीगाळ करून मारहाण केल्याचा आरोपही तक्रारदाराने केला आहे. कौटुंबिक वादातून झालेल्या या प्रकारामुळे परिसरात चर्चा सुरू झाली आहे.
हेही वाचा: अधिकारी होण्याचं स्वप्न पाहणाऱ्या २५ वर्षीय तरुणाचा दुर्दैवी अंत; मनमाडमध्ये हळहळ
हल्ल्यात जखमी झाल्यानंतर पीडित जावयाने पोलिसांत धाव घेतली. त्याच्या तक्रारीवरून मेव्हणा दीपक शिंदे आणि साळी छाया जाधव यांच्याविरोधात एमआयडीसी वाळूज पोलीस ठाण्यात विविध कलमांनुसार गुन्हा दाखल करण्यात आला आहे. या प्रकरणाचा पुढील तपास पोलीस करत असून, कौटुंबिक वादातून घडलेल्या या घटनेतील नेमकी वस्तुस्थिती तपासातून स्पष्ट होणार आहे.
Ans: पत्नीला आपल्यासोबत घरी पाठवण्यावरून झालेल्या वादातून हल्ला झाल्याचा आरोप आहे.
Ans: तक्रारीनुसार, मेव्हणा दीपक शिंदे आणि साळी छाया जाधव यांच्याविरोधात आरोप करण्यात आले आहेत.
Ans: छत्रपती संभाजीनगरमधील बजाजनगर परिसरात लक्ष्मी माता मंदिरासमोर ही घटना घडली.
.png "Videos"){kind=small}
