Chhatrapati Sambhajinagar Crime: ‘भाजीत केस’ कारण ठरलं जीवावर! रात्रभर निर्दयी मारहाण, 25 वर्षीय महिलेने संपवले आयुष्य

छत्रपती संभाजीनगरात पतीच्या मारहाण व छळाला कंटाळून 25 वर्षीय विवाहितेने आत्महत्या केली. तर केजमध्ये छळामुळे 16 वर्षीय मुलीने गळफास घेतला. दोन्ही घटनांनी संताप व्यक्त होत असून पोलिसांनी गुन्हे दाखल केले.

• पतीकडून मारहाण, हुंड्याची मागणी व मानसिक छळ
• 25 वर्षीय विवाहितेची आत्महत्या; पतीसह 7 जण अटकेत
• केजमध्ये छळाला कंटाळून 16 वर्षीय मुलीची आत्महत्या

छत्रपती संभाजीनगर: छत्रपती संभाजीनगर येथून एक धक्कादायक घटना समोर आली आहे. जेवतांना भाजीत केस निघाला म्हणून निर्दयी पतीने आपल्या २५ वर्षीय पत्नीला रक्तबंबाळ होईपर्यंत मारहाण केल्याचे समोर आले आहे. त्यांनतर पती आणि सासरच्याछळाला कंटाळून महिलेने आत्महत्या केली. ईश्वरी बनकर (वय २५) असे आत्महत्या करणाऱ्या महिलेचे नाव आहे. या घटनेने खळबळ उडाली आहे.

२ लाख रुपये हुंडा

अजय बनकर असे निर्दयी पतीचे नाव आहे. ईश्वरीचे वडील राजू भुजंग यांनी दिलेल्या माहितीनुसार, मुलीचे लग्न २०२० मध्ये मोठ्या थाटामाटात लावून दिले होते. सासरच्यांना सोने-नाणे, २ लाख रुपये हुंडा आणि सर्व घरगुती साहित्य दिले होते. तरीही पती अजय हा वारंवार माहेरहून पैशांची मागणी करण्यासाठी तिला मारहाण करत असे. दारूच्या नशेत तिचा शारीरिक आणि मानसिक छळ केला जात होता.

Nashik Crime: खाकी वर्दीचा बनाव, AI चा वापर, प्रेमाच्या जाळ्यात ओढून महिलांची फसवणूक; आरोपी गजाआड

सात जणांना अटक

विशेष म्हणजे अजय हा महापालिकेच्या घनकचरा विभागात प्रभारी जवान म्हणून कार्यरत आहे. ईश्वरीच्या आत्महत्यानंतर कुटुंबीयांनी घाटी रुग्णालयात ठिय्या धरला होता. दोषींना अटक होत नाही तोपर्यंत मृतदेह ताब्यात घेण्यास त्यांनी नकार दिला. छावणी पोलिसांनी घटनेचे गांभीर्य ओळखून पती अजय बनकर याच्यासह सासरच्या सात जणांना अटक केली आहे. न्यायालयाने त्यांना १० एप्रिलपर्यंत पोलीस कोठडी सुनावली आहे. याप्रकरणी संबंधित तरुणाविरोधात केज पोलिस ठाण्यात गुन्हा दाखल करण्यात आला असून पोक्सो कायद्याअंतर्गतही कारवाई करण्यात आली आहे. या घटनेमुळे गावात हळहळ व्यक्त केली जात आहे.

छत्रपती संभाजीनगर हादरले! अंधश्रद्धेतून विवाहित तरुणीचा अमानुष छळ; दर्ग्यात घेवून गेले अन्….

संभाजीनगर शहरात अंधश्रद्धेच्या नावाखाली विवाहित तरुणीवर अमानुष छळ झाल्याची संतापजनक घटना समोर आली आहे. आधारकार्ड काढण्याच्या बहाण्याने पती, सासू व दीराने तिला दर्यात नेले. तेथे भुतबाधा झाल्याचे सांगत तिच्यावर मारहाण करण्यात आली. तसेच संपूर्ण प्रकाराचा व्हिडिओ काढून नातेवाईकांना पाठवण्यात आला. ही घटना २८ मार्च रोजी सायंकाळी मिसारवाडी परिसरात घडली. या प्रकरणी दीर शेख हारुन शेख फकीर मोहम्मद व भोंदू बाबा अश्पाक उर्फ अशोक जाधव या दोघांना अटक करण्यात आली असून ९ एप्रिलपर्यंत पोलिस कोठडी सुनावण्यात आली आहे, अशी माहिती निरीक्षक अतुल येरमे यांनी दिली. पती शेख इरफान व सासू जकिरा शेख हे पसार असून त्यांचा शोध सुरू आहे.

धक्कादायक ! आयटी कंपनीतच धर्मांतरण; अत्याचाराचा गुन्हाही दाखल, पोलिसांकडून तपास सुरु