Chhatrapati Sambhajinagar Crime: लग्नाचे आमिष, 3 वर्षे लिव्ह-इन; दागिने विकून पैसे दिले, शेवटी लग्नाला नकार; काय घडलं नेमकं?

छत्रपती संभाजीनगरात NEETची तयारी करणाऱ्या तरुणीला लग्नाचे आमिष दाखवून 3 वर्षे लिव्ह-इनमध्ये ठेवत अत्याचार करण्यात आले. दागिने विकून पैसे घेतल्यानंतर आरोपीने लग्नाला नकार दिला; गुन्हा दाखल.

• लग्नाचे आश्वासन देऊन 3 वर्षे लिव्ह-इनमध्ये अत्याचार
• तरुणीकडून दागिने विकून सुमारे 80 हजार रुपये घेतले
• शेवटी लग्नाला नकार; आरोपीविरुद्ध गुन्हा नोंद

छत्रपती संभाजीनगर: छत्रपती संभाजीनगर येथून एक धक्कादायक आणि संतापजनक घटना समोर आली आहे. लग्नाचे आमिष दाखवत एका २३ वर्षीय विद्यार्थिनीवर ३ वर्षीय अत्याचार केल्याचे समोर आले आहे. आधी तिला प्रेमाच्या जाळ्यात ओढलं. माझं तुझ्यावर प्रेम आहे, तुला कधीच सोडून जाणार नाही, असं सांगत तिच्यासोबत जवळीक वाढवली. 3 वर्षे लिव्ह-इनमध्ये राहून वारंवार अत्याचार केला. शेवटी मेसेज पाठवून लग्नाला नकार दिला. ही संतापजनक घटना छत्रपती संभाजीनगरमधील आहे.

Hingoli Crime: जनदात्या आईनेच दिली सुपारी! पाहुण्यांकडे जायचं आहे सांगत नेले आणि…; हिंगोलीतील घटना

काय घडलं नेमकं?

वैद्यकीय प्रवेश परीक्षेची (NEET) तयारी करणाऱ्या 23 वर्षीय तरुणीवर लग्नाचे आमिष दाखवून अत्याचार केले. या प्रकरणी मूळचा बीडमधील कोल्हे होडचा जयदत्त जगन्नाथ चोरगे याच्याविरुद्ध जव्हारनगर पोलीस ठाण्यात गुन्हा नोंदवण्यात आला आहे. पोलिसांनी दिलेल्या माहितीनुसार, संबंधित तरुणी जालना जिल्ह्यातील असून ती शिक्षणासाठी शहरात राहत होती. जून 2023 मध्ये तिची 24 वर्षीय आरोपीशी ओळख झाली. त्याने लग्नाचे आश्वासन देत तिचा विश्वास संपादन केला. 28 जून 2023 रोजी मित्राच्या फ्लॅटवर नेऊन तिच्यावर जबरदस्ती केली. त्यांनतर १ मार्च 2025 ते जानेवारी 2026 या कालावधीत दोघे शिवाजीनगर आणि बीड बायपास परिसरात लिव्ह इन रिलेशनमध्ये राहत होते. या काळात आरोपी चोरगे हा इतर मुलींसोबत संपर्कात असल्याचे तरुणीच्या लक्षात आले. याबाबत विचारणा केल्यावर त्याने तिला मारहाण केल्याचेही तक्रारीत नमूद आहे.

दागिने विकून पैसे दिले तरीही…

जानेवारी २०२६ मध्ये आरोपीला एम.कॉम.च्या प्रवेशासाठी पैशांची गरज असल्याचे सांगितले. त्याच्यावर विश्वास ठेवून तरुणीने स्वतःचे दागिने विकून सुमारे 80 हजार रुपये त्याला दिले. पुढे 14 फेब्रुवारी 2026 रोजी शहागड येथे दोन्ही कुटुंबांची बैठक झाली; मात्र आरोपीच्या वडिलांनी लग्नाला नकार दिला. तरीही आरोपीने लग्न करणार असल्याचे आश्वासन देत तिला विश्वासात ठेवले, असा आरोप तरुणीने केला आहे. या प्रकरणाचा पुढील तपास पोलीस उपनिरीक्षक वाघ करत आहेत.

पेट्रोल पंपावर दिवसाढवळ्या पत्नीची हत्या, पोलिसांनी केले अंत्यसंस्कार; कारण काय?

छत्रपती संभाजीनगर शहरातून एक धक्कादायक घटना समोर आली आहे. पेट्रोल पंपावर घटस्फोटित पत्नीचा तिच्याच दुसऱ्या पतीकडून चाकूने हत्या केल्याचे समोर आले आहे. पूजा सुदाम गावंडे (२७, रा. चित्तेपिंपळगाव, ह. मु, करमाड) असे हत्या करण्यात आलेल्या महिलेचे नाव आहे. तिच्यावर अंत्यसंस्कार करण्यास सासर आणि माहेरच्या नातेवाईकांनी नकार दिली. अखेरीस पोलिसांनी तिच्या दोन नातेवाईकांच्या उपस्थितीत बेगमपुरा स्मशानभूमीत अंत्यसंस्कार केले.

Beed Crime: चुलत्यानेच केला अल्पवयीन मुलीवर अत्याचार, मुलीने उचलले टोकाचे पाऊल; आरोपी ताब्यात