दिल्लीत पुन्हा एकदा भयानक घटना (फोटो सौजन्य - iStock)
ही घटना ४ ऑगस्टच्या रात्री घडल्याचे वृत्त आहे. पोलिसांनी बस चालक कुलदीप आणि वाहक संदीप यांना अटक केली आहे. पीडित मुलगी उत्तर प्रदेशातील मैनपुरी जिल्ह्यातील रहिवासी असून ती इयत्ता ११वी मध्ये शिकत असल्याचे सांगण्यात येत आहे.
पोलिसांच्या सूत्रांनुसार, कुटुंबीयांवर नाराज असलेली ही विद्यार्थिनी त्यांना न कळवता घरातून निघाली होती आणि नोएडातील तिच्या चुलत बहिणीकडे जात होती. मुसळधार पाऊस आणि अंधारामुळे ती चुकून परी चौकात उतरली. त्याचवेळी एक रिकामी स्लीपर बस तिथून जात होती. त्या विद्यार्थिनीने बस थांबण्याचा इशारा केला, त्यानंतर बस थांबली.
ड्रायव्हर आणि कंडक्टरने तिला सांगितले की ते नोएडा सेक्टर ६३ ला जात आहेत आणि तिला बसमध्ये घेतले. असा आरोप आहे की बस सुटल्यानंतर लगेचच, कंडक्टरने पीडितेसोबत गैरवर्तन करण्यास सुरुवात केली. पीडितेच्या म्हणण्यानुसार, ड्रायव्हर आणि कंडक्टरने तिच्यावर बलात्कार केला आणि प्रतिकार केल्यास तिला जीवे मारण्याची धमकी दिली.
आरोपींनी पीडितेला रात्री उशिरा काश्मिरी गेट बस स्टँडजवळ रिंग रोडवर उतरवले आणि ते पळून गेले. घाबरलेल्या विद्यार्थिनीने काश्मिरी गेट पोलिसांशी संपर्क साधून घटनेची माहिती दिली. पोलिसांनी दोन्ही आरोपींना तिमारपूर येथील बस पार्किंगमधून अटक केली. या घटनेत वापरलेली स्लीपर बस जप्त करण्यात आली असून तिची फॉरेन्सिक तपासणी सुरू आहे.
पोलिसांच्या सूत्रांनुसार, बसमध्ये बिघाड झाल्यानंतर आरोपींनी ती दुरुस्तीसाठी सूरजपूर येथील एका वर्कशॉपमध्ये नेली होती. दुरुस्तीनंतर, चालक आणि वाहक रिकामी बस घेऊन तिमारपूरकडे जात असताना परी चौकात त्यांची त्या विद्यार्थ्याशी गाठ पडली. बसने परी चौकापासून काश्मिरी गेटपर्यंत अंदाजे ४७ किलोमीटरचा प्रवास केला.
बस स्लीपर होती आणि तिला पडदे होते, त्यामुळे येणाऱ्या-जाणाऱ्या कोणालाही बसच्या आत पाहता येत नव्हते. त्यामुळे ही घटना होत असताना कोणत्याही वाटसरूला प्रयत्न करूनही तिला वाचवता आले नसते. दरम्यान दोघांनाही अटक झाली असून आता पुढे काय कारवाई होणार याकडेच सर्वांचे लक्ष लागून राहिले आहे.
.png "Videos"){kind=small}
