कौटुंबिक वादातून पत्नीची हत्या
मिळालेल्या माहितीनुसार. दिल्लीच्या निहार परिसरातील लक्ष्मी पार्कमध्ये ही घटना घडली. ३१ वर्षीय IT इंजिनीयरला पत्नीच्या कुटुंबाकडून कथितरित्या मारहाण करण्यात आली ज्यानंतर त्याचा मृत्यू झाला. हा वाद मुलाला दोन औषधे देण्यावरु सुरु झाला होता. कुटुंबाच्या म्हणण्यानुसार, मृत विनय याला वार्षिक ६० लाखांचे पॅकेज होते. तीन वर्षांआधी त्याने रेखा नावाच्या महिलेसोबत लग्नगाठ बांधली. साडे चार महिन्यांआधीच त्यांना एक मुलगा आणि मुलगी अशी दोन जुळे मुलं झाली.
विनयच्या आईच्या म्हणण्यानुसार, मागील शुक्रवारी औषधावरुन विनय आणि रेखा यांच्यात वाद झाला. वादानंतर रेखा माहेरी निघून गेली आणि साधरण १० मिनिटांनंतर तिचे दोन भाऊ, वहिनी, वडील, काका आणि इतर कुटुंबीयांसोबत परत आली. विनयच्या कुटुंबाने आरोपी लावला की, सासरच्या मंडळींनी घरी येताच विनयला मारहाण करण्यास सुरुवात केली. त्याचा गळा दाबला गेला आणि त्याच्या छातीवरही लाथा-बुक्क्यांनी मारहाण करण्यात आली. ही घटना घडली तेव्हा विनयचे आई-वडिल तिथे उपस्थित होते. त्यांनी मध्यस्ती करत विनयच्या सासरकडील मंडळींना थांबवण्याचा फार प्रयत्न केला पण त्यांनी काहीच ऐकून घेतलं नाही. आईवडिलांनी हा हल्ला एक आधीपासून रचलेला कट असून घटनेपूर्वी आरोपींनी कथितरित्या सीसीटीव्ही कॅमरेही बंद करुन ठेवल्याचा दावा केला आहे.
आधीही दिली होती धमकी
कुटुंबाने सांगितले की, विनयचे घर तिसऱ्या मजल्यावर होते तर आईवडिल खालच्या फ्लोरला राहत होते. त्यांनी असाही दावा केली की, रेखा जेवण वेगळं बनवायची आणि याआधीही तिच्या घरच्यांनी लहान-सहान गोष्टींवरुन जीवे मारुन टाकण्याची धमकी दिली होती.
शेजाऱ्यांच्या सीसीटीव्हीत काय दिसलं…
हल्ल्यानंतर, सीसीटीव्ही फुटेजमध्ये विनयचा शेजारी त्याला खांद्यावर उचलत आणताना दिसला. यावेळी त्यांच्यासोबत रेखा आणि तिचे कुटुंबियही उपस्थित होते. जेव्हा विनय स्वत: उभा होऊ शकत नव्हता तेव्हा शेजाऱ्याने त्याला एका खुर्चीवर बसवले. रुग्णालयात दाखल केले असता तिथे डाॅक्टरांनी त्याला मृत घोषित केले. दिल्ली पोलिसांनी या घटनेत चार आरोपींना अटक केली असून यात विनयची पत्नी, तिचे दोन भाऊ आणि वहिनीचा समावेश आहे. या प्रकरणाचा सखोल तपास सुरु आहे.
.png "Videos"){kind=small}
