बुधवार, 28 ऑक्टोबर 2026
पहलगाम हल्ल्यात नाव आल्याचा दावा करत मुंबईत वृ्द्ध नागरिकाची 70 लाखांची फसवणूक
आरएके मार्ग पोलिसांकडून मिळालेल्या माहितीनुसार, २५ सप्टेंबरला दुपारी ३:५७ वाजता, पीडित वृद्धाला एका महिलेचा फोन आला. या महिलेने स्वतःची ओळख विनीता शर्मा अशी करून देत ती नवी दिल्ली येथील एटीएस कंट्रोल रूममधील अधिकारी असल्याचे सांगितले. संबंधित महिलेने त्यांना पहलगाम हल्ल्याच्या चौकशीत त्यांचे नाव आल्याचे सांगितले. त्यांचा मोबाईल नंबर आणि आधार कार्ड संशयास्पद कामांसाठी वापरल्याचाही दावा केला.
ST Fare Hike: ‘लालपरी’ महागली! ऐन दिवाळीआधी सर्वसामान्यांचा खिसा फाटणार; तिकीट दरात तब्बल…
काही वेळाने पीडित वृद्ध नागरिकाला एक व्हिडिओ कॉल आला ज्यामध्ये आयजी प्रेमकुमार गौतम असल्याचा दावा करणारा एक व्यक्ती आयपीएस गणवेशात समोर आला त्याने वृद्धाला अटक करण्याची, त्याचे बँक खाते जप्त करण्याची आणि त्याचा पासपोर्ट ब्लॉक करण्याची धमकी दिली. त्यानंतर फसवणूक करणाऱ्यांनी पीडितेकडून त्याची राजकीय विचारसरणी, उत्पन्न, बँक खाती, मुदत ठेवी, स्टॉक होल्डिंग्ज आणि त्याच्या पत्नीच्या तपशीलांबद्दल माहिती काढली. त्यामुळे वृद्ध चांगलेच घाबरले. फोनवरील महिलेने केलेल्या खोट्या आरोंपामुळे आणि अटकेच्या भीतीमुळे, पीडितेने त्याच्या आयुष्यातील ७० लाख रुपये फसवणूक करणाऱ्यांनी दिलेल्या खात्यात ट्रान्सफर केले.
बनावट आरबीआय नियमांचा हवाला देत फसवणूक करणाऱ्यांनी एका व्यक्तीकडून तब्बल ₹७० लाख उकळले. फसवणूक करणाऱ्यांनी दावा केला की त्याचे पैसे प्रथम “पांढरे पैसे” म्हणून प्रमाणित केले जातील. त्यासाठी पीडितेने तीन वेगवेगळ्या बँक खात्यांमध्ये ही रक्कम ट्रान्सफर केली. पैसे मिळाल्यानंतर फसवणूक करणाऱ्यांनी त्याला व्हॉट्सअॅपवर बनावट आरबीआय पावतीही पाठवली.
पीडितेच्या तक्रारीनुसार, आरोपींनी त्याचा मोबाईल फोन, त्याच्या पत्नीचे दोन्ही मोबाईल तसेच घरातील संगणक तात्पुरते बंद करून त्यांच्यावर देखरेख ठेवणार असल्याचेही सांगितले. तसेच, त्यांना कोणाशीही संपर्क न करण्याचा इशारा देण्यात आला, ज्यामुळे ते मानसिकदृष्ट्या अस्वस्थ झाले.
Share Market Crash: शेअर बाजारात मोठी घसरण, गुंतवणूकदारांचे कोट्यवधी बुडाले
२८ सप्टेंबर रोजी आरोपींनी त्याच्यावर ₹१ कोटींच्या मुदत ठेव हस्तांतरणासाठी दबाव आणला. यावेळी पीडितेला फसवणुकीचा संशय आला आणि त्याने तातडीने आरएके मार्ग पोलिस ठाण्यात धाव घेऊन तक्रार दाखल केली.
मुंबई सायबर गुन्हे विभागाने हे प्रकरण उच्च प्राथमिकतेवर हाताळले असून आरोपींची ओळख पटवण्यासाठी व्हॉट्सअॅप संदेश, ऑडिओ रेकॉर्डिंग आणि बँक तपशील जप्त करण्यात आले आहेत. सायबर ट्रेल्स आणि बँक खात्यांमधून आरोपींना गाठण्याचा पोलिसांचा प्रयत्न सुरू आहे.
