Crime News: किरकोळ वाद झाला म्हणून एका तरुणाला थेट…; संगमेश्वरमधील धक्कादायक घटना

फिर्यादी प्रथमेश संतोष राऊत (३२) आणि संशयित आरोपी हे एकमेकांचे नातेवाईक आहेत. दि. २० मार्च रोजी दुपारी ३ वाजण्याच्या सुमारास आरोपींची आई सविता जाधव यांनी प्रथमेश यांना हाक मारली.

संगमेश्वरमध्ये कौटुंबिक वादातून तरुणाला बेदम मारहाण
पोलिसांनी एकूण चार जणांविरुद्ध दाखल केले गुन्हे 
संगमेश्वरमधील देसाईवाडी येथील घटना

संगमेश्वर: संगमेश्वर तालुक्यातील पोचरी खालची देसाईवाडी येथे किरकोळ वादातून एका तरुणाला चिव्याच्या काठीने बेदम मारहाण केल्याची घटना समोर आली आहे. याप्रकरणी संगमेश्वर पोलिसांनी दोन नातेवाईकांसह अन्य दोन अनोळखी इसमांविरुद्ध गंभीर स्वरूपाचे गुन्हे दाखल केले आहेत.

पोलिसातून मिळालेल्या माहितीनुसार, फिर्यादी प्रथमेश संतोष राऊत (३२) आणि संशयित आरोपी हे एकमेकांचे नातेवाईक आहेत. दि. २० मार्च रोजी दुपारी ३ वाजण्याच्या सुमारास आरोपींची आई सविता जाधव यांनी प्रथमेश यांना हाक मारली. त्यावर प्रथमेश यांनी ‘तुम्ही मला हाक मारू नका आणि आमच्याशी बोलू नका’ असे सांगितले. या गोष्टीचा राग मनात धरून आरोपी विशाल संजय जाधव याने प्रथमेश यांना गाठले आणि ‘तू माझ्या आईला काय बोललास?’ असा जाब विचारत शिवीगाळ व मारहाण सुरू केली.

मारहाण सुरू असताना आरोपी विशाल, ओंकार जाधव आणि त्यांच्यासोबत असलेल्या दोन अनोळखी व्यक्तींनी प्रथमेश यांना पकडून ठेवले. यावेळी एका आरोपीने जवळच पडलेली चिव्याची काठी उचलून प्रथमेश यांच्या डोक्यात, डाव्या डोळ्यावर आणि पाठीवर जोरात मारून त्यांना जखमी केले. पतीला वाचवण्यासाठी त्यांची पत्नी प्रांजल मध्ये आली असता, संशयित ओंकार जाधव याने ‘तू मध्ये आलीस तर तुला पण मारून टाकीन’ अशी जीवे मारण्याची धमकी दिली. या घटनेनंतर जखमी प्रथमेश राऊत यांनी संगमेश्वर पोलिस ठाण्यात धाव घेतली. पोलिसांनी रात्री संशयित आरोपीविरुद्ध गुन्हा नोंदवला आहे.

Beed Crime: बीडमध्ये नात्याला काळीमा; चुलत्याकडून पुतणीवर गुंगीचे औषध देऊन अत्याचार, आरोपी फरार

चुलत्याकडून पुतणीवर अत्याचार

बीड येथून एक धक्कादायक घटना समोर आली आहे. चुलत्याकडून १९ वर्षीय विवाहित पुतणीवर गुंगीचे औषध देऊन अत्याचार केल्याचे समोर आले आहे. ही घटना केज तालुक्यात घडली. या घटनेने खळबळ उडाली आहे. या प्रकरणानंतर आरोपी फरार झाला. गुन्हा दाखल करण्यात आला असून युसूफ वडगाव पोलीस या प्रकरणातील आरोपीचा शोध घेत आहेत.
काय घडलं नेमकं?

पुरंदरच्या प्रशासनाला भ्रष्टाचाराने पोखरले; शेतकऱ्याच्या धाडसाने कृषी विभागातील जाळे उघड

१४ ऑक्टोबर २०२५ रोजी ही विवाहित तरुणी आपल्या माहेरी आई- वडिलांकडे आली होती. दुपारी 1:30 ते 3:30 च्या दरम्यान ती शेत वस्तीवर असताना, शेजारीच राहणाऱ्या तिच्या चुलत्याने तिला पिण्याच्या पाण्यातून गुंगीचे औषध दिले. गुंगी आल्यानंतर नराधमाने तिच्यावर लैंगिक आत्याचार केला. शुद्धीवर आल्यानंतर पीडितेने प्रतिकार करण्याचा प्रयत्न केला असता, जर ही घटना कोणाला सांगितली तर तुझ्या आई- वडिलांना जीवे मारून टाकीन अशी धमकी आरोपीने दिली. या दहशतीमुळे पीडित मुलगी तब्बल ५ महिने गप्प होती, मात्र त्यानंतर तिने धीर धरून आपल्या पालकांना घडलेली सर्व आपबिती सांगितली.