crime (फोटो सौजन्य: social media )
उत्तर प्रदेशमधील मेरठमधून एक धक्कादायक घटना समोर आली आहे. एका व्यक्तीची त्याच्या मुलीच्या वाढदिवसादिवशीच हत्या करण्यात आली आहे. मृत व्यक्तीचे नाव अब्दुल असे आहे. त्याची हत्या का करण्यात आली, नेमकं काय आहे प्रकरण? जाणून घेऊयात.
नेमकं काय आहे प्रकरण?
उत्तर प्रदेशमधील मेरठमधून एक धक्कदायक घटना समोर आली आहे. एका व्यक्तीची त्याच्या मुलीच्या वाढदिवसादिवशीच हत्या करण्यात आली आहे. हत्या करण्यात आलेल्या अब्दुल असे आहे. त्याच्या मुलीचा १५ ऑगस्ट रोजी मृत व्यक्तीच्या मुलीचा १४ वा वाढदिवस होता. या खास दिनी अब्दूलने घरी पार्टी आयोजित केली होती. त्याने भाड्याने DJ लावला होता. रात्री ११ वाजता अब्दूल डीजेवर वाढदिवसाची गाणी वाजवत होता. त्यामुळे राडा झाला. ही घटना मेरठमधील रेल्वे रोड पोलिस स्टेशन परिसरातील माछेरन भागात घडल्याचे समोर आले आहे.
काठ्या आणि रॉडने केली मारहाण
डीजेवर गाणी वाजत असताना अब्दुलच्या शेजारी राहणारा अय्युब (40) मित्रांसोबत पार्टी करत होता. त्यावेळी अय्युबने अब्दुलच्या घरी जाऊन त्याला आवाज कमी करण्यास सांगितले. मात्र यामुळे अब्दुल आणि अय्युबमध्ये वाद झाला. वादाचे रुपांतर हाणामारीत झाले. अय्युब आणि त्याचे मित्र काठ्या आणि रॉड घेऊन अब्दुलला मारायला आले आणि तुफान हाणामारी झाली.
या हाणामारीत अय्युबने अब्दुलच्या डोक्यावर रॉडने हल्ला केला. त्यामुळे अब्दुलचे डोके फुटले आणि तो गंभीर जखमी झाला. जखमी अवस्थेत त्याला जिल्हा रुग्णालयात दाखल करण्यात आले, मात्र डॉक्टरांनी त्याला मृत घोषित केले. या हाणामारीनंतर सर्व आरोपी एका घरात घुसले होते, मात्र अब्दुलच्या मृत्यूची माहिती मिळताच, सर्वजण पळून गेले.
आरोपीच्या मित्राला बेदम मारहाण
सर्व आरोपी पळून जात असताना अय्युबचा एक मित्र जमावाच्या हाती लागला. त्याला जमावाने बेदम मारहाण केली. मात्र पोलिसांनी घटनास्थळी दाखल होत त्याची सुटका करत त्याला ताब्यात घेतले. मात्र मुख्य आरोपी अय्युब आणि इतर आरोपी पसार झाले. आता याबाबत गुन्हा दाखल करण्यात आला असून पोलिसांनी या घटनेचा तपास सुरू केला आहे. या घटनेतील आरोपींना कठोर शिक्षा करण्याची मागणी केली जात आहे.
मृतक हा फेरीवाला
मृतकाचे नाव अब्दुल (45) व्यक्तीचे नाव आहे. तो फेरीवाला असून व्यवसाय करून कुटुंब चालवत होता. या घटनेनंतर पोलिसांनी गुन्हा दाखल केला असून प्रकरणाचा तपास सुरु केला आहे. एका आरोपीला अटक करण्यात आली असून इतर आरोपींचा शोध सुरु आहे.
.png "Videos"){kind=small}
