आधी डोक्यात फावडा घातला, नंतर गळा आवळला आणि…..; पत्नीच्या प्रियकराने केली पतीची हत्या

पदवीच्या पहिल्या वर्षात शिकणाऱ्या २२ वर्षीय एका मुलाने प्रेम प्रकरणातून त्याच्या प्रेयसीच्या नवऱ्याचा डोक्यात फावडा घालून निर्घृण हत्या केली. ही घटना वाशी पोलीस ठाण्याच्या हद्दीत घडली आहे. त्याला अटक करण्यात आली आहे.

Follow Us:

Follow Us:

नवी मुंबई येथून एक हत्येची धक्कदायक घटना समोर आली आहे. पदवीच्या पहिल्या वर्षात शिकणाऱ्या २२ वर्षीय एका मुलाने प्रेम प्रकरणातून त्याच्या प्रेयसीच्या नवऱ्याचा डोक्यात फावडा घालून निर्घृण हत्या केली. ही घटना वाशी पोलीस ठाण्याच्या हद्दीत घडली आहे. दाम्पत्याला २ मुले देखील आहे. यामुळे परिसरात भीतीचे वातावरण पसरले आहे.

परभणीच्या कुंभार पिंपळगाव येथील ज्वेलर्समध्येच चोरी; तब्बल 20 लाखांचे सोन्याचे दागिने लंपास

नेमकं काय घडलं?

एका विवाहित महिलेचे मागील अडीच वर्षांपासून एका पदवीच्या पहिल्या वर्षात शिकणाऱ्या मुलासोबत प्रेमसंबंद होते. याबाबतची माहिती तिच्या पतीला समजताच त्याने तिला समजावण्याचा प्रयत्न केला. या कारणावरून त्यांच्यात अनेकवेळा भांडण झाले. मात्र तरीही पत्नीचे अनैतिक संबंध सुरूच होते. त्यामुळे अखेर मंगळवारी रात्री तिच्या प्रियकराच्या घरी पती गेला. तिथे गेल्यावर तिच्या पतीने त्याला विचारना केली. तुझे माझ्या पत्नीसोबत काय संबंध आहेत सांग. अनेकांनी तुमच्याबद्दल आम्हाला सांगितले आहे. त्याला अशी विचारणा करून भांडू लागला. दोघांमध्ये जोरदार वाद सुरु झाला आणि तो वाद विकोपाला गेला.

आरोपी तरुणाने घरातील फावडा घेतला आणि तो त्याच्या प्रेयसीच्या नवऱ्याच्या डोक्यात घातला. एवढंच नव्हे तर तो मेल्याची खातरजमा करण्यासाठी त्याने त्या इसमाचा गळा आवळून खूनही केला. त्यांनतर आरोपीने मयत व्यक्तीला नवी मुंबईतील वाशी खाडी किनारी नेऊन फेकले. हत्या करणाऱ्या आरोपीचे नाव अमीनुर आली मौला असे आहे. तो २२ वर्षाचा असून तो मूळचा कोलकाताचा रहिवासी आहे.

मृतदेह पोलिसांना मिळताच पोलिसांनी तपास सुरु केला तेव्हा या प्रेम प्रकरणाचा खुलासा झाला. मिळालेल्या माहितीनुसार, कॉलेजमध्ये शिकणाऱ्या त्या २२ वर्षीय मुलाने महिलेला लग्नाचीही मागणी घातली होती, परंतु तिने त्याला लग्नास नकार दिला. त्याचा राग आरोपी तरुणाच्या मनात होता. तोच राग मनात धरून त्याने महिलेच्या पतीची हत्या केल्याचे समोर आले आहे. एवढाच नाही तर कोणालाही संशय येऊ नये म्हणून त्याने या इसमाचा मृतदेह चिखलात गाडून ठेवला आणि प्रेयसीला दोन करून तुझा नवरा घरी येणार नसल्याचेही सांगितले. पोलिसांनी अमीनुर अली मौला याला अटक केली असून न्यायालयासमोर त्याला हजर केले. त्याला सात दिवसांची पोलीस कोठडी सुनावण्यात आली. या प्रकरणी वाशी पोलीस अधिक तपास करत आहेत.

Dombivli Crime : एकतर्फी प्रेमातून अल्पवयीन मुलीला हाताची नस कापण्याची धमकी, १९ वर्षीय आरोपी अटकेत

Web Title: First he put a shovel in his head then he strangled him and wifes lover killed her husband

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com