Crime News: मुंबईत गॅस सिलिंडरचा काळाबाजार! शहरात १०० हून अधिक LPG सिलिंडर जप्त, दोघांविरोधात केला गुन्हा दाखल

Mumbai Crime News: देशभर एलपीजी सिलेंडरच्या किमती वाढल्या आहेत. याचे मुख्य कारण पश्चिम आशियामध्ये सुरू असलेल्या संघर्षांमुळे गॅस पुरवठ्यावर परिणाम झाला आहे.

 

• मुंबईत गॅस सिलिंडरचा काळाबाजार!
• शहरात १०० हून अधिक LPG सिलिंडर जप्त
• दोघांविरोधात केला गुन्हा दाखल

मुंबई: इराण आणि अमेरिका-इस्रायल यांच्यादरम्यान सुरू असलेल्या युद्धामुळे मुंबईमध्ये घरगुती गॅसचे संकट वाढले आहे. याचा फायदा उठवत काळाबाजार करणारे ब्लॅकने सिलेंडर विकत आहेत. वरळी पोलिसांनी अवैधपणे साठेबाजी करणाऱ्या निमेश अरविंद जैन आणि टेम्पो मालकाविरोधात गुन्हा दाखल केला आहे. पोलिसांनी ही कारवाई मुंबईतील रेशन वितरण विभागाच्या तक्रारीवरून केली आहे. देशभर एलपीजी सिलेंडरच्या किमती वाढल्या आहेत. याचे मुख्य कारण पश्चिम आशियामध्ये सुरू असलेल्या संघर्षांमुळे गॅस पुरवठ्यावर परिणाम झाला आहे. रेशन वितरण विभागाने घरगुती आणि व्यावसायिक गॅस सिलेंडरच्या काळाबाजाराविरोधात मोहीम सुरू केली आहे.

सिलेंडर्सचा मोठा साठा जप्त

या मोहिमेत अवैध ब्लॅक मार्केटिंग करणाऱ्यांविरोधात कारवाई आणि सिलेंडर्सचा मोठा साठा जप्त केला गेला आहे. पोलिसांनी टेम्पो, भरलेले सिलेंडर आणि रिकामी सिलेंडर जप्त केले आहेत. अद्याप या प्रकरणी कुणालाही अटक झालेली रेशन वितरण विभागाची तक्रार
नाही. पोलिसांनी दिलेल्या माहितीनुसार, रेशन वितरण विभागाने मुंबईतील वरळी परिसरात घरगुती आणि व्यावसायिक गॅस सिलेंडरचा काळाबाजार करणाऱ्या गैंगवर कारवाई करताना मोठा साठा जप्त केला आहे.

मोठी बातमी ! गॅस पुरवठा आता लवकरच सुरळीत होणार; नियमांत केला गेला ‘हा’ महत्त्वपूर्ण बदल

कठोर कारवाई करण्याचा प्रशासनाचा इशारा

गॅस पेट्रोलियम आणि नैसर्गिक मंत्रालयाच्या संयुक्त सचिव सुजाता शर्मा यांनी गुरुवारी आश्वासन दिले होते की, एलपीजी, पेट्रोल, डिझेल, रॉकेल आणि नैसर्गिक गॅसचा देशांतर्गत पुरवठा सुरळीत सुरू आहे. गॅस सिलेंडरचा काळाबाजार करणाऱ्यांविरोधात कठोर कारवाई केली जाईल. अशी प्रकरणे रोखण्यासाठी विभागाची पथके २४ तास अलर्ट असल्याचेही प्रशासनाकडून सांगण्यात आले आहे.

जप्त करण्यात आलेला साठा

गॅस सिलेंडरचा साठा करून ते ब्लॅकने विकले जात असल्याचे या मोहिमेत उघड झाले आहे.
अधिकाऱ्यांनी सुपर गॅस कंपनीचे ६४ भरलेले ४ किलो आणि १९ भरलेले १२ किलोचे सिलेंडर, तसेच एचपी गॅस कंपनीचे सहा भरलेले आणि ५८ रिकामी पाच किलोचे सिलेंडर जप्त केले आहेत. याशिवाय विविध आकाराचे २५ रिकामी सिलेंडर (१२ किलो, ४ किलो आणि २ किलो) जप्त केले आहेत.

LPG Crisis: मुंबईत ‘गॅस माफिया’ सक्रिय! पोलिसांनी १७२ सिलिंडर जप्त करत काळाबाजार उधळला