Jalgaon Crime: सकाळी कामावर गेला, काही वेळातच मृतावस्थेत सापडला; जळगावातील गूढ मृत्यूने खळबळ

जळगाव शहरातील 28 वर्षीय श्याम तांबेश्वर हा कामावर जाण्यासाठी घरातून बाहेर पडल्यानंतर काही वेळातच महामार्गालगत संशयास्पद अवस्थेत मृतावस्थेत आढळला. नातेवाईकांनी हा अपघात नसून घातपात असल्याचा संशय व्यक्त करत निष्पक्ष चौकशीची मागणी केली आहे. पोलिस तपास आणि शवविच्छेदन अहवालानंतर मृत्यूचे कारण स्पष्ट होणार आहे.

• जळगावमध्ये 28 वर्षीय श्याम तांबेश्वर यांचा संशयास्पद मृतदेह महामार्गालगत आढळला.
• नातेवाईकांचा घातपाताचा संशय; निष्पक्ष आणि सखोल चौकशीची मागणी.
• शवविच्छेदन अहवाल आणि पोलिस तपासानंतर मृत्यूचे नेमके कारण स्पष्ट होणार.

जळगाव: जळगाव शहरातून एक धक्कादायक घटना समोर आली आहे. कामावर जाण्यासाठी घरातून बाहेर पडलेल्या 28 वर्षीय तरुणाचा काही वेळातच महामार्गालगत संशयास्पद अवस्थेत मृतदेह आढळल्याने परिसरात एकच खळबळ उडाली आहे. या घटनेमुळे मृत्यू अपघाती होता की त्यामागे घातपात आहे, असा प्रश्न उपस्थित होत असून नातेवाईकांनी सखोल चौकशीची मागणी केली आहे.

काय घडलं नेमकं?

श्याम सुभाष तांबेश्वर असे मृत तरुणाचे नाव आहे. तो व्यवसायाने बांधकाम मिस्त्री होता. गुरुवारी सकाळी नेहमीप्रमाणे घरातून कामासाठी तो निघाला. मात्र काही वेळानंतर इच्छादेवी चौफुली परिसरातील समृद्धी चौक जवळील महामार्गालगत त्याचा मृतदेह संशयास्पद अवस्थेत आढळून आला. घटनास्थळी नागरिकांची मोठी गर्दी झाली. नागरिकांनी तात्काळ ही माहिती पोलिसांना दिली. माहिती मिळताच पोलीस घटनास्थळी दाखल झाले. पंचनामा करून मृतदेह शवविच्छेदनासाठी शासकीय रुग्णालयात पाठवण्यात आला.

धक्कादायक ! AI ची मदत घेऊन तिहेरी हत्याकांड; बंगळुरू पोलिसांच्या तपासात खळबळजनक खुलासा

नातेवाईकांना घातपाताचा संशय?

श्यामची मृत्यू नैसर्गिक किंवा अपघाती नसून त्यामागे घातपात असण्याची शक्यता नातेवाईकांनी व्यक्त केली आहे. सकाळी व्यवस्थित कामावर गेलेला तरुण काही वेळातच मृतावस्थेत कसा आढळला, याची निष्पक्ष आणि सखोल चौकशी करण्यात यावी, अशी मागणी त्यांनी केली आहे. या घटनेमुळे परिसरात हळहळ व्यक्त केला जात आहे, मृत्यूचे नेमके कारण काय? हा प्रश्न अद्याप अनुत्तरित आहे. शवविच्छेदन अहवाल आणि पोलीस तपासानंतरच मृत्यूमागील नेमके कारण स्पष्ट होणार आहे. या प्रकरणाचा पुढील तपास पोलीस करीत आहेत.

शिवशाही पुन्हा जळाली! चालकाच्या सतर्कतेमुळे बचावले ‘इतके’ प्रवासी

शिवशाही बसेसला वारंवार आग लागण्याच्या घटना घडत असतानाही एसटी महामंडळाने धडा घेतला आहे का? हा प्रश्न पुन्हा एकदा ऐरणीवर आला आहे. नंदुरबारहून धुळ्याकडे येणाऱ्या शिवशाही बसला मंगळवारी दुपारी धुळे शहरालगतच्या नगावबारी परिसरात भीषण आग लागली. काही क्षणांतच बस आगीच्या भक्ष्यस्थानी पडली. सुदैवाने चालक आणि वाहक यांच्या प्रसंगावधानामुळे ४९ प्रवाशांचे प्राण वाचले, अन्यथा मोठी जीवितहानी अटळ होती.

Pune Leopard Attack: आई-वडिलांच्या डोळ्यांसमोर बिबट्याने चिमुकलीला ओढून नेलं; शिरूर गावात भीतीचं वातावरण