Jalgaon Anti Corruption: ३ कोटींचे सोने अन् ५ कोटींची संपत्ती; लाचलुचपत विभागाने जळगावच्या अधिकाऱ्याची झडती घेताच उघडकीस आले…

Jalgaon Anti Corruption: अवघ्या दहा हजारांची लाच घेताना रंगेहात पकडलेल्या जळगावच्या जिल्हा परिषद अधिकाऱ्याच्या घरात आणि लॉकरमध्ये लपले होते कोट्यवधींचे साम्राज्य! एसीबीच्या धाडीत ५ कोटींहून अधिकची संपत्ती अन् ३ कोटींचे सोने बाहेर आल्याने अधिकारीही चक्रावले; जळगावात उडाली प्रचंड खळबळ!

• जळगाव जि.प. अधिकारी सतीश शिसोदे लाचेत पकडला
• ५ कोटी १६ लाखांची बेहिशोबी मालमत्ता उघड
• लॉकरमध्ये ३.७४ कोटींचे सोने-चांदीचे दागिने जप्त

Jalgaon Anti Corruption: मोठे पद, चांगला पगार आणि मानाची नोकरी असतानाही काही लोकांची पैशांची हाव सुटत नाही. याच मोहापोटी ते असे काही करून बसतात जे त्यांना शेवटी भलतेच महागात पडते. जळगावमधून अशीच एक अत्यंत धक्कादायक आणि थक्क करणारी घटना समोर आली आहे. जळगाव जिल्हा परिषदेच्या एका अधिकाऱ्याने अवघ्या दहा हजारांच्या लाचेसाठी आपली प्रतिष्ठा आणि सर्व काही गमावले आहे. एवढेच नव्हे तर, लाच घेताना रंगेहात पकडल्यानंतर त्याच्या घर आणि बँक लॉकरची झडती घेण्यात आली, तेव्हा जे समोर आले ते पाहून अधिकाऱ्यांसह साऱ्यांच्याच डोळ्यांचे पारणे फेडणारे घबाड बाहेर आले.

हेही वाचा: Pathardi Robbery News: “पाथर्डीला जायचा रस्ता सांगा…” अन् तोंडावर बुक्की मारून ७५ वर्षीय आजींचे दागिने हिसकावले!

नेमकी घटना काय आहे?

जळगाव जिल्हा परिषद बांधकाम विभागातील उपविभागीय अधिकारी सतीश मन्सुलाल शिसोदे असे लाच घेणाऱ्या भ्रष्ट अधिकाऱ्याचे नाव आहे. रस्त्याच्या १० लाखांच्या कामाच्या बिलासाठी या अधिकाऱ्याने १० हजार रुपयांची लाच मागितली होती. लाचलुचपत प्रतिबंधक विभागाने (ACB) सापळा रचून सतीश शिसोदे याला १० हजारांची लाच स्वीकारताना रंगेहात बेड्या ठोकल्या. या कारवाईनंतर एसीबीच्या पथकाने शिसोदे यांच्या घराची आणि बँकेच्या लॉकरची कसून झडती घेतली.

हेही वाचा: Mumbai Local Train News: दंडाची रक्कम ऐकताच  महिलेचा संताप; टीसीला शिवीगाळ करत ओरबडले अन् थेट हाताला दाताने डसले!

५ कोटींहून अधिकची मालमत्ता उघडकीस

घराची आणि बँक लॉकरची झडती घेतली असता, लाचलुचपत प्रतिबंधक विभागाला तब्बल ५ कोटी १६ लाख ८८ हजार ३८९ रुपयांची अफाट मालमत्ता आढळून आली. यामध्ये आदर्शनगरमधील दोन आलिशान घरं आणि ७ लाख ९७ हजार रुपयांची रोकड जप्त करण्यात आली. याशिवाय, बँक लॉकरमध्ये तब्बल ३ कोटी ७४ लाखांचे सोन्या-चांदीचे दागिने सापडले. यामध्ये तब्बल २ हजार ५२४ ग्रॅम सोने, ११ हजार ६३३ ग्रॅम चांदी आणि १०१ ग्रॅम प्लॅटिनमच्या दागिन्यांचा समावेश आहे. इतक्या मोठ्या प्रमाणावर बेहिशोबी संपत्ती कशी जमवली, याबाबत आता एसीबीकडून सखोल पडताळणी केली जात आहे.