फेविक्विकने ATM कार्ड जाम करून खात्यातून पैसे लंपास; बिहारला पळणाऱ्या तिघांना धावत्या ट्रेनमधून अटक
कल्याण पूर्वेतील कोळसेवाडी परिसरातील एका एटीएम सेंटरमध्ये नागरिकाची फसवणूक करण्याचा प्रयत्न झाल्याची तक्रार पोलिसांना मिळाली होती. या प्रकरणाचा तपास करत पोलिसांनी राजेश कुमार यादव याला अटक केली.
Pune Crime News: विद्यानंद बापट यांना मारहाण करणारा नेमका कोण? पोलिस तपासातून धक्कादायक माहिती समोर
राजेशची चौकशी केली असता या गुन्ह्यात आणखी तीन साथीदारांचा सहभाग असल्याची माहिती समोर आली. संबंधित आरोपी भिवंडीतील कोनगाव परिसरात असल्याचे समजल्यानंतर कोळसेवाडी पोलीस ठाण्याचे वरिष्ठ पोलीस निरीक्षक नितीन पगार यांच्या मार्गदर्शनाखाली पोलीस पथक तातडीने त्यांच्या मागावर रवाना झाले.
पोलिसांना आरोपी पटना एक्स्प्रेसने बिहारला पळून जाणार असल्याची माहिती मिळाली. त्यानुसार पथकाने कल्याण रेल्वे स्थानकाकडे धाव घेतली. मात्र पोलीस स्टेशनवर पोहोचेपर्यंत पटना एक्स्प्रेस रवाना झाली होती. पोलिसांनी हार न मानता धावपळ करत ट्रेन गाठली आणि डब्यांमध्ये आरोपींचा शोध सुरू केला. अखेर कसारा रेल्वे स्थानक येण्यापूर्वीच तिघांना ताब्यात घेण्यात पोलिसांना यश आले. या कारवाईत हरिराम सिंग, रोहित कुमार सिंग आणि सुदीप कुमार विश्वकर्मा यांना अटक करण्यात आली.
पोलिसांच्या तपासानुसार या टोळीची फसवणुकीची पद्धत धक्कादायक होती. आरोपी एटीएम सेंटरच्या आसपास सावजाच्या प्रतीक्षेत थांबायचे. त्यापूर्वी एटीएम मशीनमध्ये कार्ड टाकण्याच्या स्लॉटमध्ये फेविक्विक लावले जायचे. त्यामुळे पैसे काढण्यासाठी आलेल्या नागरिकाचे कार्ड मशीनमध्ये अडकायचे. कार्ड बाहेर येत नसल्याचे पाहून टोळीतील एक सदस्य मदतीच्या बहाण्याने पुढे यायचा. संबंधित व्यक्तीला वारंवार PIN टाकण्यास सांगितले जायचे. याचवेळी आरोपी PIN पाहण्याचा किंवा अन्य मार्गाने तो जाणून घेण्याचा प्रयत्न करायचे.
पैसे न निघाल्यास पीडित नागरिकाला एका मोबाईल क्रमांकावर संपर्क करण्यास सांगितले जायचे. मात्र हा क्रमांक प्रत्यक्षात टोळीतील दुसऱ्याच सदस्याचा असल्याचे तपासात समोर आले आहे. फोन केल्यानंतर संबंधित नागरिकाला दुसऱ्या ठिकाणी जाण्यास सांगून एटीएमपासून दूर केले जायचे. दरम्यान, मिळवलेल्या PIN किंवा अन्य माहितीचा वापर करून आरोपी पीडिताच्या खात्यातील पैसे काढत असल्याचे पोलिसांच्या तपासातून समोर आले आहे.
या टोळीने याच पद्धतीने आणखी अनेक नागरिकांची फसवणूक केल्याचा संशय पोलिसांना आहे. आरोपींनी नेमक्या किती एटीएम सेंटरमध्ये असे प्रकार केले, किती नागरिकांना गंडा घातला आणि एकूण किती रक्कम लंपास केली, याचा तपास कोळसेवाडी पोलीस करत आहेत.
या प्रकारामुळे नागरिकांनी ATMमध्ये कार्ड अडकल्यास कोणत्याही अनोळखी व्यक्तीसमोर PIN टाकू नये किंवा PIN सांगू नये, तसेच मशीनवर दिलेल्या अधिकृत बँक हेल्पलाइनशीच संपर्क साधावा, ही खबरदारी महत्त्वाची ठरते.
टिप्पर वाहतूक सुरू ठेवण्यासाठी मागितली लाच; लाचखोर पोलिस एसीबीच्या जाळ्यात
.png "Videos"){kind=small}
