कशी अडकवायची जाळ्यात
दिव्यांशी आधी पुरुषांशी मैत्री करायची. त्यानंतर त्यांच्यासोबत प्रेमसंबंध ठेवायची. लग्नाचं आश्वासन देऊन शारीरिक संबंध ठेवते. मग, अचानक बलात्काराचा आरोप करून खोटा FIR नोंदवते. पीडित घाबरुन तोडजोडीचा फॉर्म्युला समोर ठेवतो. त्यावेळी ती त्याच्याकडून घसघशीत रक्कम वसूल करते. अशा प्रकारे तिने पोलीस, बँक अधिकारी, डॉक्टर आणि सरकारी कर्मचाऱ्यांना आपल्या जाळ्यात अडकवलय.
कसा आला प्रकरण समोर
दिव्यांशीने कानपूरचे पोलीस कमिश्नर अखिल कुमार यांच्याकडे पोलीस अधिकारी आदित्य लोचन याची तक्रार केली. त्या तक्रारीत तिने आदित्यशी लग्न झाल्याचा दावा केला. तो पैसे हडपून दुसर्या महिलांशी संबंध ठेवतोय असा दिव्यांशीने आरोप केला. पोलिसांनी तपास केला, तेव्हा काही तरी भलताच समोर आलं. आदित्यने सांगितलं की, लग्न झाल्यापासून दिव्यांशी त्याला वेगवेगळ्या मार्गाने पैसे देण्यासाठी भाग पाडत होती. अनेकदा त्याला धमकवायची सुद्धा.
दिव्यांशीने याआधी सुद्धा दोन बँक मॅनेजरला अश्याच खोट्या बलात्काराच्या गुन्ह्यात अडकवलं होत. FIR नोंदवून ती तिच्या सावजाला जेलची धमकी द्यायची. मग तडजोडीच्या नावाखाली त्याच्याकडून लाखो रुपये उकळायची. तिच्या अकाऊंटमध्ये सापडलेल्या रक्कमेवरुन ती गेल्या अनेक वर्षांपासून हा खेळ खेळत असल्याचं स्पष्ट होतं. दिव्यांशीने आतापर्यंत डझनभर लोकांना फसवलय. चार लग्न केली आहेत. सध्या दिव्यांशीला कानपूर पोलिसांनी अटक केली आहे. तिच्या सगळ्या नेटवर्कचा वेगाने तपास सुरु आहे.
८ कोटी रुपयापेक्षा अधिकचा व्यवहार
तपासात हे देखील समोर आलं की १० बँक खात्यात मागच्या काही वर्षात ८ कोटी रुपयापेक्षा अधिकचा व्यवहार झाल्याचं पोलीस तपासात समोर आलं आहे. या पैशांचा काही भाग मेरठ झोनमधील पोलीस अधिकारी, एक इंस्पेक्टर आणि अन्य पोलीस कर्मचाऱ्यांना ट्रान्सफर करण्यात आला. यावरुन स्पष्ट होतं की, दिव्यांशी हे सर्व एकटी करत नाही. तिच्या मागे खूप मोठी गॅंग असल्याचे समोर आले आहे.
Ans: दिव्यांशी
Ans: 8 कोटी
Ans: अटक
