Crime News: कोल्हापूर पोलिसांची कामगिरी दमदार! 20 महिन्यांपासून फरार असलेल्या ‘त्या’ कुख्यात आरोपीला अटक

पोलिसांकडून मिळालेल्या माहितीनुसार, आरोपी नेर्लेकर याने अनेक गुंतवणूकदारांना अल्पावधीत मोठा नफा मिळवून देण्याचे आमिष दाखवून कोट्यवधी रुपयांची गुंतवणूक करून घेतली. मात्र ठरलेल्या मुदतीत परतावा न देता त्याने गुंतवणूकदारांची फसवणूक केली. त्याच्याविरोधात इचलकरंजी सह विविध  पोलिस ठाण्यात फसवणुकीचे गुन्हे दाखल झाले होते.

 गुन्हा दाखल झाल्यानंतर तो फरार झाला होता. त्याचा शोध घेण्यासाठी पोलिसांनी विशेष पथक नेमले होते. पथकाने मिळवलेल्या गुप्त माहितीनुसार सोमवारी त्याला ताब्यात घेण्यात आले. त्यानंतर आरोपीला इचलकरंजी न्यायालयात हजर करण्यात आले. न्यायालयाने त्याला पोलिस कोठडी दिली आहे.