सिगारेटचे पैसे मागितल्याने दाखवला कोयत्याचा धाक
कोयत्याचा धाक दाखवून पानपट्टीची तोडफोड
पुण्यात अजूनही कोयता गॅंगची दहशत कायम असल्याची चर्चा
पुणे: सिगारेटचे पैसे मागितल्याने कोयत्याचा धाक दाखवून पानपट्टीची तोडफोड (Pune Crime)करण्यात आल्याची घटना विमाननगर भागात घडली. याप्रकरणी पोलिसांनी एकाला अटक केली असून, त्याच्याबरोबर असलेल्या अल्पवयीन साथीदारांविरुद्ध गुन्हा दाखल करण्यात आला आहे.
अमोल सतपालसिंग (वय १९, रा. एसआरए वसाहत, विमाननगर) असे अटक करण्यात आलेल्याचे नाव आहे. याप्रकरणी त्याच्याबरोबर असलेल्या तीन अल्पवयीनांना ताब्यात घेण्यात आले आहे. याबाबत पानपट्टी चालक सोहेल जावेद मलिक (वय २३, रा. म्हाडा वसाहत, विमाननगर) याने विमानतळ पोलीस ठाण्यात फिर्याद दिली आहे. पोलिसांनी (Police) दिलेल्या माहितीनुसार, विमाननगर भागातील ऑप्टीमस सोसायटीजवळ खाद्यपदार्थ विक्रीच्या गाड्या लागतात. तेथे मलिक याची पानपट्टी आहे.
Pune Crime: पुण्यानंतर आता पालघरमध्ये पण जागेची विक्री ७ कोटीची जमीन विकली ७० लाखात
आरोपी अमोल आणि त्याचे साथीदार पानपट्टीत आले. एका आरोपीने पानपट्टीतून सिगारेट घेतली. मलिकने सिगारेटचे पैसे मागितले. पैसे मागितल्याने आरोपी चिडले. पैसे का मागितले ? अशी विचारणा करुन आरोपींनी पानपट्टीची तोडफोड करण्यास सुरुवात केली. मलिक याला कोयत्याचा धाक दाखवून जीवे मारण्याची धमकी दिली. ‘आम्ही या भागातील दादा आहोत. आमच्याकडे कोणी पैसे मागायचे नाहीत’,असे सांगून आरोपींनी कोयता उगारून दहशत माजविली. पानपट्टीतील साहित्याची तोडफोड करुन आरोपी पसार झाले. याबाबतची चित्रफीत समाजमाध्यमात प्रसारित झाली. पोलिसांनी पसार झालेला आरोपी अमोल याला अटक केली. त्याच्याबरोबर असलेल्या अल्पवयीन साथीदारांना ताब्यात घेण्यात आले.
२७७ दिवसांनी ‘पुण्याचा भाई’ गजा मारणे बाहेर
पुण्यातील गुंड गजानन मारणे याला काल जामीन मंजूर करण्यात आला. गजानन मारणे याच्या टोळीतील गुंडांनी मंत्री मुरलीधर मोहोळ यांच्या कार्यालयात काम करणाऱ्या एका कर्मचाऱ्याला मारहाण केली होती. या प्रकरणात गजा मारणे यालाही आरोपी करण्यात आल होत. गजा मारणे यांच्यावर या आधी गंभीर स्वरूपाचे गुन्हे दाखल आहेत. मात्र या प्रकरणात जवळपास २७७ दिवस गजा मारणे याला जेलमध्ये रहावं लागल. काल त्याला जामीन मंजूर करताना काही अटी आणि शर्ती घालण्यात आल्या होत्या. त्यानुसार त्याला काल ५ नंतर सोडून दिल्यावर त्याला थेट पोलीस आयुक्त कार्यालयात याव लागल आणि पोलिसांनी थेट पुण्यात राहता येणार नाही म्हणून पुण्याच्या बाहेर पाठवून दिलं.
.png "Videos"){kind=small}
