गाडी वळवण्याचा वादातून स्थानिक तरुणांनी संपवलं; लोणावळ्यातील प्रकार

नेमकं काय घडलं?

गुहागरमधून कमलेश धोपावकर हे लोणावळ्यातील एकवीरा देवीचे दर्शनासाठी गेले होते. लोणावळ्याजवळील एका फार्म हाऊसजवळ गाडी वळवत असताना स्थानिक तरुणांच्या टोळक्याने त्यांच्याशी हुज्जत घालून हाणामारीला सुरुवात केली. याच झालेल्या मारामारीतून कमलेश धोपावकर यांचा खून करण्यात आला. घटनेची माहिती मिळताच लोणावळा पोलीस इथे दाखल झाले. याठिकाणी पोलीस दाखल होवून दोन स्थानिक तरुणांना ताब्यात घेतले. या प्रकरणातील अन्य फरार झाले आहेत. त्यांचा पोलीस शोध घेत आहेत. पोलिसांनी त्यांच्यावर गुन्हा दाखल करुन अधिक तपास करीत आहेत. ही घटना रविवारी २५ मे रोजी रात्रीच्या सुमारास घडली आहे.

मिळालेल्या माहितीनुसार कमलेश तानाजी धोपावकर (वय 45 ) रा. अडुर, कोंडकारुल, गुहागर असे खून झालेल्या तरुणाचे नाव आहे. या खून प्रकरणी नऊ जणांवर गुन्हा दाखल करण्यात आला असून दोघांना अटक करण्यात आली आहे. तर अन्य आरोपी फरार आहे. फरार आरोपींचा शोध पोलीस करत आहे. या सर्वांविरुद्ध खुनाचा गुन्हा दाखल करण्यात आला असून, सीसीटीव्ही फुटेज आणि प्रत्यक्षदर्शींवरून आरोपींचा शोध सुरू आहे. या घटनेमुळे लोणावळा परिसरात खळबळ उडाली असून, देवदर्शनासाठी आलेल्या व्यक्तीचा अशा प्रकारे खून होणे ही धक्कादायक घटना समोर आल्याने पोलीस प्रशासनाने या प्रकरणात कठोर कारवाई करण्याची मागणी नागरिकांनी केली आहे.

आत्महत्येच्या दिवशीही वैष्णवीचा अमानुष छळ; पाईपने मारहाण झाल्याचेही स्पष्ट

संबंधित बातम्या