दारुड्या भावाचा खून
खुनाच्या प्रयत्नातील फरार आरोपीला ठोकल्या बेड्या; पुण्यातील ‘या’ परिसरात पोलिसांची मोठी कारवाई
कधी घडली घटना?
मिळालेल्या माहितीनुसार, १४ ऑगस्ट रोजी संध्याकाळी ४ वाजताच्या सुमारास आयएसबीटीजवळील एका रेस्टॉरंटमध्ये सदर घटना घडली. मृत महिला मुस्कान चाैधरी रेस्टाॅरंटमध्ये काम करत होती. पोलिसांनी दिलेल्या माहितीनुसार, घटनेच्या दिवशीही मुस्कान रेस्टाॅरंच्या किचनमध्ये नेहमीप्रमाणे आपले काम करत होती. यावेळी सहकर्मचारी पवनसोबत तिची मजा-मस्ती सुरु होती. यादरम्यान दोघांमध्ये कोणत्या तरी विषयावरुन किरकोळ वाद सुरु होतो ज्यानंतर संतापलेला पवन चाकूने मुस्कानच्या शरीरावर वार करतो. व्हिडिओमध्ये पवन भाजी कापायच्या चाकूने मुस्कानवर हल्ला करताना दिसतो.
घटनेवेळी रेस्टाॅरंटच्या किचनमध्ये आणखी एक माणूस उपस्थित होता ज्याच्या डोळ्यांदेखत आरोपीने मुस्कानवर चाकूने हल्ला केला. तब्बल चार वेळा चाकूने हल्ला केल्यांनतर मुस्कान रक्ताच्या थारोळ्यात पडली आणि बचावासाठी ओरडू लागली. घटनास्थळी उपस्थित असलेल्या व्यक्तीने धावत जाऊन इतर स्टाफला बोलावून आणले ज्यानंतर मुस्कानला नेताजी सुभाष चंद्र बोस मेडिकल हाॅस्पिटलमध्ये दाखल करण्यात आले. हाॅस्पिटलमध्ये नेतानाच मुस्कानची अवस्था गंभीर होती ज्यामुळे रुग्णालयात पोहचेपर्यंत तिचा मृत्यू झाला होता.
कुटुंबाने केले विरोध प्रदर्शन
या घटनेत पोलिसांनी आरोपीला अटक करुनही कुटुंबाचा राग मात्र शांत झाला नाही. संतापलेल्या स्थानिकांनी आणि कुटुंबाने रस्त्यातच मृतदेहाला ठेवून मोठा निषेध नोंदवला आणि रस्ता अडवण्याचा प्रयत्न केला. कुटुंबाने आरोपा लावला की, रेस्टाॅरंटमध्ये महिला कर्मचाऱ्यांसाठी सुरक्षा उपाययोजना नाही आहे. या प्रकरणात फक्त आरोपी पवनची नाही तर रेस्टाॅरंट संचालक आणि तिथे उपस्थित अन्य स्टाफचीही निष्पक्ष चाैकशी करण्यात यावी अशी मागणी कुटुंबाने केली आहे.
या घटनेत पोलिसांनी आरोपीला आपल्या ताब्यात घेतले असून संबंधित कलमांनुसार त्याच्यावर FIR दाखल करण्यात आली आहे. पोलिस सीसीटीव्ही फुटेज आणि इतर पुराव्यांची पडताळणी करत आहेत, ज्याच्या आधारावर आरोपीला कायदेशीर शिक्षा देण्यात येईल. ही घटनेमुळे सुरक्षा व्यावस्था आणि रेस्टाॅरंटच्या व्यवस्थापनावर गंभीर प्रश्न उपस्थित केले जात आहेत.
.png "Videos"){kind=small}
