‘पत्नीने पतीसोबत सर्वत्र जाणे गरजेचे नाही’; १६ वर्षे वेगळ्या राहणाऱ्या दाम्पत्यावर उच्च न्यायालयाचा निर्णय

High Court : पती-पत्नीच्या नात्यातील एका प्रकरणावर मद्रास उच्च न्यायालयाने महत्त्वपूर्ण निरीक्षण नोंदवले आहे. १६ वर्षांपासून वेगळे राहणाऱ्या दाम्पत्याच्या प्रकरणात न्यायालयाने वैवाहिक नात्यातील दुराव्यावर भाष्य केले.

• पतीच्या नोकरीमुळे पत्नीने प्रत्येक ठिकाणी त्याच्यासोबत जाणे आवश्यक नसल्याचे न्यायालयाने म्हटले.
• दाम्पत्यामध्ये दीर्घकाळापासून कटुता आणि मोठी दरी निर्माण झाल्याचे समोर आले.
• पुन्हा एकत्र येण्याची शक्यता नसल्यास दीर्घकाळ वेगळे राहण्याचा मुद्दा वैवाहिक क्रौर्याच्या कक्षेत येऊ शकतो, असे निरीक्षण नोंदवण्यात आले.

पत्नीने पतीच्या मागे व्होडाफोनच्या जाहिरातीतील पग कुत्र्यासारखे सतत फिरत राहावे, अशी अपेक्षा करता येणार नाही. नोकरी किंवा अन्य कारणांमुळे पती ज्या ठिकाणी जाईल, त्या प्रत्येक वेळी पत्नीने त्याच्यासोबत जाणे आवश्यक नसल्याचे मत मद्रास उच्च न्यायालयाने गुरुवारी मांडले, हे प्रकरण सुमारे १६ वर्षांपासून वेगळे राहत असलेल्या दाम्पत्याशी संबंधित आहे. पतीने दाखल केलेल्या याचिकेवर न्यायमूर्ती जी. आर. स्वामीनाथन आणि न्यायमूर्ती एम. डी. सुमती यांच्या खंडपीठासमोर सुनावणी झाली. दोघांचे लग्न सप्टेंबर १९९२ मध्ये झाले होते. त्यांना ४ मुले आहेत. सध्या पतीचे वय ६७वर्षे आहे. न्यायालयाने म्हटले की, पती-पत्नीमध्ये मोठी कटुता निर्माण झाली असून पुन्हा एकत्र येण्याची कोणतीही शक्यता उरलेली नाही.

Navi Mumbai Crime News: मुंबई-पुणे एक्सप्रेसवेवर पोलिसांचा थरारक पाठलाग; दुचाकीस्वाराला पकडताच उघडकीस आला चोरीचा खेळ

पतीने पत्नीला मुंबईला नेले नाही, ही त्याचीच चूक

पतीने याचिकेत म्हटले होते की, नोकरीसाठी तो तमिळनाडूतील शिवगंगाहून मुंबईला गेला; मात्र पत्नी त्याच्यासोबत आली नाही. २०१४ मध्ये त्याने शिवगंगा कौटुंबिक न्यायालयात घटस्फोटासाठी याचिका दाखल केली. त्याने पत्नीचे दुसऱ्या व्यक्तीसोबत अनैतिक संबंध असल्याचा आरोपही केला. सप्टेंबर २०२१ मध्ये कौटुंबिक न्यायालयाने पतीची घटस्फोटाची याचिका फेटाळली. पती स्वतः नोकरीसाठी मुंबईला गेला आणि त्याने पत्नीला सोबत नेले नाही. त्यामुळे स्वतःच्या चुकीचा फायदा घेत पती घटस्फोट मागू शकत नाही, असे न्यायालयाने म्हटले होते.

Crime News: तीन महिने माहेरी होती अश्विनी; तरीही फोनवरून होत होता कथित मानसिक छळ? वडिलांनी सांगितलं नेमकं काय घडलं

नात्यात मोठी दरी निर्माण झाली आहे

• पती-पत्नी सुमारे १६ वर्षांपासून वेगळे राहत होते. पत्नीने पतीकड़े परत जाण्यासाठी कोणतेही औपचारिक प्रयत्न केल्याचेही समोर आले नाही.
• दोघांमध्ये समझोता होण्याची शक्यता तपासण्यासाठी उच्च न्यायालयाने दोन्ही बाजूशी चर्चा केली; मात्र त्यातून तोडगा निधाला नाही. त्यांच्या वैवाहिक नात्यात मोठी दरी निर्माण झाली आहे आणि पुन्हा एकत्र येण्याची शक्यता उरलेली नाही.
• खंडपीठाने म्हटले की, दीर्घकाळ वेगळे राहणे, वैवाहिक जीवन संपुष्टात येणे आणि नाते पूर्णपणे तुटणे, परिस्थितीनुसार मानसिक क्रौर्याच्या कक्षेत येऊ शकते.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)