- Crime »
Maharashtra Crime News Update : समृद्धी महामार्गावर भरधाव कार ट्रकला धडकली
Crime news in Marathi: आज 03 जून 2025 रोजी महाराष्ट्रातील, देश आणि विदेशातील गुन्हेगारी संदर्भातील घडामोडी वाचा एका क्लिकवर...
Maharashtra Crime News Live Update
समृद्धी महामार्गावर पुन्हा एक भीषण अपघाताची घटना घडली आहे. मध्यरात्रीच्या सुमारास समृद्धी महामार्गावर नागपूर कॉरिडॉरवर डोणगाव जवळ भीषण अपघात झाला आहे. भरधाव वेगात जाणारी कार ट्रकला धडकल्याने कारचालक जागीच ठार झाल्याची घटना घडली आहे. प्राथमिक माहितीनुसार चालकाला डूलकी लागल्याने हा अपघात घडल्याचे समोर आलं आहे.
03 Jun 2025 06:21 PM (IST)
मुंबई विमानतळावर ५१ कोटी ९४ लाखांचे कोकेन जप्त
मुंबईतील छत्रपती शिवाजी महाराज आंतरराष्ट्रीय विमानतळावर सीमा शुल्क विभागाच्या हवाई गुप्तचर विभागाने मोठी कारवाई करत सुमारे ५१ कोटी ९४ लाख रुपयांचे कोकेन जप्त केले आहे. या प्रकरणात एका परदेशी नागरिकाला अटक करण्यात आली असून, ही यंदाच्या वर्षातील सर्वात मोठी कारवाई असल्याचे सांगितले जात आहे.
03 Jun 2025 05:57 PM (IST)
चोरट्यांना पकडण्यात पोलिसांना मिळाले यश
पुणे शहरात सोनसाखळी चोरट्यांनी धुमाकूळ घातलेला असताना वाघोली पोलिसांना सोन साखळी चोरट्यांना पकडण्यात यश आले आहे. त्यांच्याकडून चार गुन्ह्यांची उकल झाली आहे. दरम्यान, पाच जणांची टोळी असल्याचे समोर आले असून, ते दुचाकी चोरून त्या दुचाकीवर सोन साखळी चोरत असल्याचे समोर आले आहे. तर, यातील एक नाशिक पोलिसांना ३ गुन्ह्यात पाहिजे असलेले आरोपी असल्याचेही समोर आले आहे.
03 Jun 2025 03:52 PM (IST)
वाल्मीक कराडवर मकोका लागणार?
बीडमधील सरपंच संतोष देशमुख हत्या प्रकरणात वाल्मीक कराड सध्या पोलिसांच्या ताब्यात आहे. दरम्यान आज कोर्टात सुनावणी पार पडली. सरकारी वकील उज्वल निकम यांचा युक्तिवाद पार पडला. सरपंच संतोष देशमुख हत्या प्रकरणात अजूनही आरोप निश्चितीसाठी पुरेसे पुरावे असून आरोप निश्चिती करून घ्यावी, असे उज्वल निकम यांनी कोर्टाला सांगितले. दरम्यान वाल्मीक कराडचा दोषमुक्तीचा अर्ज दाखल करण्यात आला आहे. सरकारी पक्षाने अजून डिजिटल पुरावे सादर झाले नसल्याचे वाल्मीक कराडच्या वकिलांनी सांगितले. यावर आता 17 जून रोजी कोर्टात पूढील सुनावणी होणार आहे. आज कोर्टात जवळपास एक तास सुनावणी पार पडली. आज डिस्चार्ज अर्जावर सुनावणी होणे अपेक्षित होते, त्यावर आज सुनावणी झाली नसल्याचे समजते आहे. आज किरकोळ अर्जावर दोन्ही बाजूनचे म्हणणे ऐकले गेले. या खटल्यातून आणि मकोकामधून मला दोषमुक्त करावे असा अर्ज वाल्मीक कराडने कोर्टसमोर केला आहे. यावर 17 तारखेला सुनावणी होणार आहे. केवळ वाल्मीक कराडने दोषमुक्तीचा अर्ज केल्याचे समोर आले आहे. त्यामुळे 17 तारखेला होणाऱ्या सुनावणीत कोर्ट कोणता निर्णय देणार याकडे सर्वांचे लक्ष लागले आहे.
03 Jun 2025 02:22 PM (IST)
बडतर्फ पोलीस अधिकारी रणजीत कासले अडचणीत वाढ
बीडचे बडतर्फ पोलीस अधिकारी रणजित कासले यांच्या अडचणी वाढल्या आहे. रणजित कासले विरोधात आणखी एक गुन्हा दाखल करण्यात आला आहे. भाजप आयटी सेलचे प्रदेश सहसंयोजक संभाजी सुर्वे यांच्या तक्रारीवरून सायबर विभागाने हा गुन्हा नोंदवण्यात आला आहे. रणजित कासले याने मुख्यमंत्री देवेंद्र फडणवीस यांच्या संबंधित सोशल मीडियाच्या माध्यमात बदनामीकारक आणि आक्षेपार्य विधान केल्याची तक्रार नोंदवली गेली आहे. या प्रकरणी भारतीय न्याय संहितेच्या बीएनएस नुसार कलम 197, 353(2) माहिती तंत्रज्ञान अधिनियम 2000, कलम 66 नुसार गुन्हा दाखल करण्यात आलाय. परिणामी रणजीत कासलेच्या अडचणीत आता आणखी वाढ होणार असल्याचे बोललं जात आहे.
03 Jun 2025 01:26 PM (IST)
१८ वर्षीय तरुणीची हत्या
एका १८ वर्षीय तरुणीने आईला मेसेज करून लवकर घरी येत असल्याचं कळवलं परंतु ती घरी परतलीच नाही. तिची हत्या झाल्याचं समोर आला आहे. तिच्या मित्रानेच ही हत्या केल्याचं तपासात उघड केला आहे. ही घटना दक्षिण दिल्लीतील मेहरौली येथील संजय वन परिसरात घडली आहे. या हत्येमागचं कारण अद्याप समजू शकलेले नाही आहे. आरोपीचं नाव अर्शकृत सिंग (१८ वर्षीय) असं आहे. त्याने ही हत्या का केली अद्याप समजू शकलेले नाही आहे.
03 Jun 2025 01:00 PM (IST)
मॉलमध्ये फिरायला गेला आणि अचानक तिसऱ्या मजल्यावरून टाकली उडी, जागीच मृत्यू
मुंबई उपनगरातील घाटकोपर परिसरात असणाऱ्या आर सिटी मॉलमध्ये सोमवारी सकाळी एका व्यक्तीने आत्महत्या केली. तो मॉल फिरायला गेला आणि अचानक तिसऱ्या मजल्यावरून उडी टाकून आत्महत्या केली. मृत व्यक्तीचे नाव दीपक जोशी (वय ३८) असे होते. या घटनेननंतर पार्कसाईट पोलिसांनी घटनास्थळी येऊन पंचनामा करून दिपकचा मृतदेह ताब्यात घेतला. या प्रकरणाचा पुढील तपास पोलीस करत आहे. या घटनेनंतर एकाच खळबळ उडाली आहे.
03 Jun 2025 12:44 PM (IST)
‘आई मी येतेय…’, आणि ती घरी परतलीच नाही; १८ वर्षीय तरुणीची हत्या..
एका १८ वर्षीय तरुणीने आईला मेसेज करून लवकर घरी येत असल्याचं कळवलं परंतु ती घरी परतलीच नाही. तिची हत्या झाल्याचं समोर आला आहे. तिच्या मित्रानेच ही हत्या केल्याचं तपासात उघड केला आहे. ही घटना दक्षिण दिल्लीतील मेहरौली येथील संजय वन परिसरात घडली आहे. या हत्येमागचं कारण अद्याप समजू शकलेले नाही आहे. आरोपीचं नाव अर्शकृत सिंग (१८ वर्षीय) असं आहे. त्याने ही हत्या का केली अद्याप समजू शकलेले नाही आहे.
03 Jun 2025 12:43 PM (IST)
भरधाव डंपर राँग साईडला घुसला अन् पुढे जे घडलं ते…
विरुद्ध दिशेने आलेल्या (राँग साईड) भरधाव डंपरने धडक देऊन झालेल्या अपघातात दुचाकीस्वार तरुणाचा मृत्यू झाल्याची घटना घडली आहे. येरवडा भागातील शास्त्रीनगर ते गुंजन चित्रपटगृह रस्त्यावर रविवारी हा अपघात घडला आहे. याप्रकरणी डंपरचालकावर गुन्हा दाखल करण्यात आला आहे. तन्वीर आलमयार खान (वय ३१, रा. निओ सिटी, बकोरी फाटा, वाघोली, नगर रस्ता) असे मृत्यू झालेल्या दुचाकीस्वाराचे नाव आहे. याप्रकरणी डंपरचालक अमिल रामसिरीठ सिंग (वय ४६, रा. शास्त्रीनगर, येरवडा) याच्यावर गुन्हा दाखल केला आहे. याबाबत आत्ता यार खान (वय ३४, रा. निओ सिटी, बकोरी फाटा, वाघोली, नगर रस्ता) यांनी येरवडा पोलीस ठाण्यात तक्रार दिली आहे.
03 Jun 2025 12:32 PM (IST)
भवानी पेठेतील सोसायटीत भरदिवसा घरफोडी
भवानी पेठेतील एका सोसायटी
त भरदिवसा घरफोडी करण्यात आली असून, चोरट्यांनी फ्लॅटचे कुलूप तोडून कपाटातील रोकड आणि दागिने असा ८० हजार ५० ० रुपयांचा ऐवज लांबविला. याप्रकरणी ४६ वर्षीय महिलेने खडक पोलीस ठाण्यात तक्रार दिली आहे. त्यांनूसार, अज्ञात चोरट्यांविरुद्ध गुन्हा दाखल कर ण्यात आला आहे. पोलिसांच्या मा हितीनुसार, तक्रारदार भवानी पे ठेतील चुडामण तालीम परिसरातील ओ वेरा एनक्लेव्ह सोसायटीत राहा यला आहेत. शनिवारी (३१ मे) सका ळी साडेदहाच्या सुमारास त्या फ् लॅट बंद करुन बाहेर पडल्या होत्या. तेव्हा चोरट्यांनी त्यांच्या फ्लॅटचे कुलूप उचकटून आत प्रवेश केला. चोरट्यांनी बेडरूममधील कपाट उचकटून रोकड आणि दागिने असा ८० हजार ५०० रुपयांचा ऐवज लांबविला. दरम्यान, तक्रारदार या दुपारी साडेतीनच्या सुमारास घरी परतल्या. तेव्हा घरफोडीचा प्रकार उघडकीस आला. पोलीस कर्मचा री शशिकांत तुळसुलकर तपास करत आहे त.
03 Jun 2025 12:06 PM (IST)
गुंड गजा मारणेला मदत करणं भोवलं
कुख्यात गुंड गजानन उर्फ गजा मारणे याला येरवडा कारागृहातून सांगली कारागृहात नेताना वाटेत झालेल्या मटण बिर्याणीच्या पार्टीवेळी त्याला पैशांसह विविध प्रकारची मदत करणाऱ्याच्या पोलीस कोठडीत वाढ झाली आहे. विशेष न्यायाधीश व्ही. आर. कचरे यांनी हा आदेश दिला आहे. विशाल विलास धुमाळ (वय ३८, रा. राजेंद्र नगर) असे पोलीस कोठडी वाढविलेल्या आरोपीचे नाव आहे.
03 Jun 2025 12:05 PM (IST)
पोलिसांनी चोरट्यांना ठोकल्या बेड्या
एटीएम सेंटरमध्ये पैसे काढण्यास गेल्यानंतर पैसे निघत नसल्याची बतावणी करून त्यांचे एटीएम कार्ड आदला-बदली करून रोकड लंपास करणाऱ्या आंतरराज्यीय टोळीचा खडकी पोलिसांनी पर्दाफाश केला आहे. पुण्यात टोळीने अनेक ठिकाणी एटीएम कार्ड बदलाबदल करुन नागरिकांची फसवणूक केल्याची शक्यता आहे. हे चोरटे चोरी करण्यासाठी विमानाने पुण्यात येत होते. सावेज सलीम अली (वय ३०, रा. लोणी गाझियाबाद, उत्तर प्रदेश), नियाज इजाज मोहम्मद (वय २९, रा. लोणी गाजियाबाद) अशी या चोरट्यांची नावे आहेत. न्यायालयाने त्यांना 4 दिवसांची पोलीस कोठडी मंजूर केली आहे. ही कामगिरी वरिष्ठ निरीक्षक दिलीप फुलपगारे, पोलीस उपनिरीक्षक दिग्विजय चौगले व त्यांच्या पथकाने केली आहे.
03 Jun 2025 11:41 AM (IST)
19 वर्षीय विवाहितेची गळफास घेऊन आत्महत्या
जुने शहर पोलिस स्टेशन हद्दीतील सोनटक्के प्लॉट येथे राहणाऱ्या एका विवाहित महिलेने गुरुवारी (दि. 29) तिच्या घरात पंख्याला गळफास घेऊन आत्महत्या केली. शेजारील लोकांच्या मदतीने कुटुंबीयांनी मृतदेह खाली उतरवून रुग्णालयात नेला. मिळालेल्या माहितीनुसार, राणी परवीन (वय 19) या विवाहित महिलेने घरी पंख्याला गळफास घेऊन आत्महत्या केली. याप्रकरणी पती व सासूला अटक केली आहे.
Web Title: Maharashtra crime news in marathi live updates
Get Latest Marathi News , Maharashtra News and Marathi News from Politics, Election News , Sports News , Entertainment News, Business News and Religion News only on Navarashtra.com
संबंधित बातम्या
मी विश्वास नांगरे पाटील बोलतोय…! नवी मुंबईत लोकप्रिय पोलीस अधिकाराच्या नावाने वृद्धेची 21 लाखांची फसवणूक
मुसळधार पावसात नदीकाठी अडकली महिला; पोलीस, वन्यजीव रक्षक व मावळ संस्थांच्या शर्थीच्या प्रयत्नानंतर मिळाले जीवनदान
आश्रमशाळेतील विद्यार्थीच निघाले मोबाईल चोर; सकाळी शाळेत जायचे अन् रात्री चोरी करायचे
महिलेचे दागिने चोरणाऱ्याला दिल्लीतून ठोकल्या बेड्या; चौकशीतून आरोपीबाबत धक्कादायक माहिती समोर
ताज्या बातम्या
महाराष्ट्रातील नद्यांना आला महापूर; कृष्णामाई, नृसिंहवाडीसह अनेक देवदेवतांच्या चरणांना झाला अभिषेक
‘हा हल्ला माझ्यावर नाही, तर दिल्लीच्या जनतेच्या सेवेवर’, हल्ल्यानंतर मुख्यमंत्री Rekha Gupta यांची पहिली प्रतिक्रिया
‘ऑनलाइन गेमिंगचा प्रचार आणि नियमन विधेयक २०२५’ लोकसभेत आवाजी मतदानाने मंजूर
काय आहे Ghost Resign? Gen Z चा धक्कादायक ऑफिशियल ट्रेंड, तुम्ही Boss असाल तर जाणून घ्याच!
क्षणभरात जीव टांगणीला! धावत्या ट्रेनमधून उतरताना महिलेचा पाय घसरला अन्…, पाहा काय घडलं पुढं?, Video Viral
मरकटवाडी, पाचघर सह दोन गावांचा संपर्क तुटला; गारनदीच्या पुलावर पाणी तुंबले
केंद्र सरकारला राष्ट्रपती अन् राज्यपालांवर नको कोणते बंधन; सुप्रीम कोर्टाच्या निर्णयावरुन वादंग
व्हिडिओ
Bhandup : भांडुपमध्ये हाय-टेंशन वायरच्या धक्क्याने 17 वर्षीय तरुणाचा मृत्यू
NASHIK :नाशिकमध्ये ठेकेदारांचा महाआंदोलन, मनसेचा जाहीर पाठिंबा
NANDED : शेतकऱ्यांना हेक्टरी 1 लाखांची सरसकट मदत जाहीर करा – महाविकास आघाडीची मागणी
Solapur : रस्ता नसल्याने उपचारास विलंब १० लोकांचा मृत्यू , ग्रामस्थांचा चिखलात ठिय्या आंदोलन
Kalyan : कल्याणमध्ये पावसामुळे कोसळली घराची भिंत
Kolhapur News : राजकीय सोयीसाठी प्रभाग पद्धत रद्द करावी-असीम सरोदे
