Crime News Live Updates
दारूच्या नशेमध्ये मुलानेच आपल्या आईचा खून केल्याची घटना कणकवली तालुक्यातील वारगाव, सोरफ-सुतारवाडी येथे रात्रीच्या सुमारास राहत्या घरी घडली. प्रभावती सोरफ (वय 80 वर्ष) असे मृत महिलेचे नाव आहे. कणकवली पोलिसांनी घटनास्थळी धाव घेत मुलगा रवींद्र सोरफ याला ताब्यात घेतले आहे. त्याच्यावर पोलिसांकडून गुन्हा दाखल करण्यात आला आहे. या हत्येमुळे कणकवलीत एकच खळबळ उडाली आहे. तसेच वृद्ध महिलेल्या मृत्युविषयी सर्वत्र हळहळ व्यक्त केली जात आहे.
12 Sep 2025 04:01 PM (IST)
शिरूर तालुक्यातील सविंदने गावाजवळील अष्टविनायक रस्त्यावर गुरुवारी (दि. ११) सायंकाळी सव्वा पाचच्या सुमारास हायवा व टाटा टिप्पर गाडींची समोरासमोर धडक होऊन झालेल्या अपघातात हायवा चालक मारुती अमृता गायकवाड (वय ६५, रा. मसे बुद्रुक, ता. शिरूर) यांचा मृत्यू झाला. पोलिसांनी दिलेल्या माहितीनुसार, हायवा (एमएच १२ डब्ल्यूजे ८४३५) ही गाडी खडी भरून मलटणहून पारगावच्या दिशेने येत असताना समोरून आलेल्या टिप्पर (एमएच ४२ ए क्यू ७४१४) या वाहनाशी जोरदार धडक झाली. या अपघातात हायवा चालक गायकवाड यांना गंभीर दुखापत झाली. त्यांना तातडीने पारगाव येथील खासगी हॉस्पिटलमध्ये उपचारासाठी दाखल करण्यात आले. मात्र वैद्यकीय उपचार सुरू असताना त्यांचा मृत्यू झाला. या घटनेची फिर्याद सचिन मारुती गायकवाड यांनी मंचर पोलीस ठाण्यात दिली. हा अपघात शिरूर पोलीस ठाण्याच्या हद्दीत झाल्याने पुढील तपास शिरूर पोलिसांकडे वर्ग करण्यात आला असल्याचे मंचर पोलिसांनी सांगितले.
12 Sep 2025 03:40 PM (IST)
शिक्रापूर (ता. शिरुर) येथे एका लॉटरी सेंटरमध्ये बेकायदेशीपणे सुरु असलेल्या जुगार अड्ड्यावर पोलिसांच्या पथकाने छापा टाकत ऐवज जप्त केला. ऋषिकेश बाळू शिंदे व हबीब अब्दुल सय्यद या दोघांवर गुन्हे दाखल केले आहेत. शिक्रापूर (ता. शिरुर) येथील चाकण चौक परिसरात महाराष्ट्र लॉटरी सेंटर नावाने असलेल्या लॉटरी सेंटरमध्ये काही जण मशीनवर वेगवेगळे जुगार खेळत असल्याची माहिती पोलीस निरीक्षक दिपरतन गायकवाड यांना मिळाली. त्यांनतर पोलीस उपनिरीक्षक महेश डोंगरे, पोलीस हवालदार अमोल दांडगे, श्रीमंत होनमाने, शिवाजी चितारे यांनी सदर ठिकाणी जाऊन छापा टाकला. त्यावेळी दोघेजण वेगवेगळ्या इलेक्ट्रिक साहित्यांच्या माध्यमातून जुगार खेळवत असल्याचे दिसून आले. दरम्यान पोलिसांनी तेथील व्यक्तींसह त्यांच्या जवळील रोख रक्कम तसेच जुगार साठी वापरत असलेले इलेक्ट्रिक साहित्य जप्त करत त्यांना ताब्यात घेतले. याबाबत पोलीस हवालदार शिवाजी युवराज चितारे (रा. शिक्रापूर ता. शिरुर जि. पुणे) यांनी शिक्रापूर पोलीस स्टेशन येथे फिर्याद दिली. त्यानुसार पोलिसांनी ऋषिकेश बाळू शिंदे व हबीब अब्दुल सय्यद (दोघे रा. शिरुर ता. शिरुर जि. पुणे) यांच्या विरुद्ध गुन्हा दाखल केला. पुढील तपास पोलीस उपनिरीक्षक जितेंद्र पानसरे हे करत आहे.
-------------------------
12 Sep 2025 03:39 PM (IST)
देव्हारा हा घरामधील एक सर्वात पवित्र भाग मानला जातो. या ठिकाणी पावित्र्य आणि शुद्धता नेहमी राखणे खूप महत्त्वाचे असते. मात्र आपल्यापैकी बहुतेकजण बऱ्याचदा जाणूनबुजून किंवा अजाणतेपणे छोट्या छोट्या चुका करतात त्याचा परिणाम देव्हाऱ्यावर होतोच म्हणजेच घरातील सकारात्मक उर्जेवर देखील होतो. कोणत्या आहेत त्या चुका आणि कशा दुरुस्त कराव्यात त्या चुका, जाणून घ्या. देव्हारामध्ये जास्त प्रकारच्या मूर्त्या किंवा चित्र ठेवू नये. तसेच देव्हारामध्ये तुमच्या आवडत्या देव्हाऱ्यांचे फोटो ठेवावेत. तुम्ही ज्या देवतेची पूजा करणार आहात त्याचा मूर्ती किंवा चित्राची तुमच्या देव्हाऱ्यात स्थापना करा.
12 Sep 2025 03:20 PM (IST)
चिनी अभिनेता, गायक आणि संगीत व्हिडिओ दिग्दर्शक अॅलन यू मेंगलोंचे अवघ्या 37 व्या वर्षी निधन झाले आहे. बीजिंग येथे बिल्डिंगवरून पडल्याने त्याचा मृत्यू झाला. ही दुर्देवी घटना गुरूवारी,11 सप्टेंबर रोजी घडली आहे. त्याच्या मृत्यूच्या बातमीमुळे चाहते आणि सहकाऱ्यांना धक्का बसला आहे.त्याच्या मृत्यूमुळे सोशल मिडीयावर हळहळ व्यक्त केली जात आहे. यू मेंगलोंग याच्या व्यवस्थापन टीमने शोक व्यक्त करत अधिकृत निवेदन जारी केले आहे. यामध्ये त्यांनी म्हटलं आहे की, असह्य दुःखाने, आम्ही जाहीर करतो की आमचा प्रिय मेंगलॉन्ग ११ सप्टेंबर रोजी मृत्युमुखी पडला.पोलिसांनी कोणत्याही गुन्हेगारी कटाचा संशय नसल्याचे स्पष्ट केले आहे. आम्ही त्यांच्या आत्म्यास शांती मिळो आणि त्यांच्या जवळच्या लोकांना या दुःखाचा सामना करण्यासाठी ताकद मिळो अशी प्रार्थना करतो’असं या निवेदनात म्हटलं आहे.
12 Sep 2025 03:20 PM (IST)
12 Sep 2025 03:19 PM (IST)
Bombay High Court Bomb Threat News in Marathi: दिल्ली उच्च न्यायालयानंतर आता मुंबई उच्च न्यायालयालाही बॉम्बची धमकी मिळाली आहे. मिळालेल्या माहितीनंतर मुंबई पोलीस घटनास्थळी पोहोचले आणि संपूर्ण कॅम्पसची तपासणी करत आहेत. खबरदारी म्हणून, सर्व न्यायाधीश, वकील, कर्मचारी आणि अभ्यागतांना न्यायालय परिसर तात्काळ रिकामा करण्याचे निर्देश देण्यात आले आहेत. सुरक्षा पथके संपूर्ण इमारतीची कसून तपासणी करत आहेत.
12 Sep 2025 03:12 PM (IST)
आशिया कप २०२५ स्पर्धेतील तिसरा सामना काल बांगलादेश आणि हाँगकाँग यांच्यात खेळवण्यात आला. या सामन्यात कर्णधार लिटन दास (३९ चेंडूत ५९ धावा) च्या शानदार अर्धशतकाच्या जोरावर बांगलादेशने हाँगकाँगचा ७ विकेट्सने पराभव केला. या विजयासह बांगलादेशने पहिला टी-२० आंतरराष्ट्रीय विजय मिळवला आहे. हा सामना गुरुवारी शेख झायेद क्रिकेट स्टेडियमवर खेळवण्यात आला. बांगलादेशने नाणेफेक जिंकून प्रथम गोलंदाजीचा निर्णय घेतला तर हाँगकाँग संघाने प्रथम फलदाजी केली. हाँगकाँग संघाने ७ विकेट्स गमावून बांगलादेशसमोर १४३ धावा उभ्या केल्या. हाँगकाँगकडून निजाकत खानने सर्वाधिक ४२ धावांचे योगदान दिले. बांगलादेशकडून तन्झिम हसन साकिबने शानदार गोलंदाजी करत २ विकेट्स घेतल्या. प्रत्युत्तरात कर्णधार लिटन दासच्या ३९ चेंडूत ५९ धावांच्या जोरावर बांगलादेशने हाँगकाँगचा ७ विकेट्सने विजय मिळवला.
12 Sep 2025 03:00 PM (IST)
धुळे: साक्री तालुक्यातील गणेशपूर निवासी आश्रम शाळेतून एक धक्कदायक प्रकार समोर आला आहे. थंडी, ताप, खोकला, सर्दीच्या आजाराची अचानक लागण झाल्याचं समोर आलं आहे. ६१ विध्यार्थी, विद्यार्थिनींना साक्री ग्रामीण रुग्णालयात उपचारासाठी दाखल करण्यात आलं आहे. तर उपचारादरम्यान सोनाली सुनील पावरा या २१ वर्षीय विद्यार्थिनीचा मृत्यू झाला आहे. ती (खरवड तालुका, धडगाव जिल्हा, नंदुरबार) येथील रहिवासी आहे.
12 Sep 2025 02:30 PM (IST)
पुण्यात गुन्हेगारी आणि महिला अत्याचाराच्या घटनांमध्ये वाढ होतांना दिसत आहे. आता पुण्यातून एक धक्कदायक घटना समोर आली आहे. एका महिलेवर तिच्याच सासऱ्याकडून शारीरिक संबंध ठेवण्याचा प्रयत्न करण्यात आल्याचा समोर आलं आहे. धक्कदायक बाब म्हणजे आरोपी हा निवृत्त सहाय्यक पोलीस आयुक्त आहे.
12 Sep 2025 02:15 PM (IST)
धुळे शहरातून एक धक्कदायक घटना समोर आली आहे. महानगरपालिकेच्या माजी स्थायी समिती सभापती सोनल शिंदे यांचा मुलगा विराज शिंदे याने आयुष्य संपवल्याचं समोर आलं आहे. त्याने आपल्या राहत्या घरी गळफास घेऊन आत्महत्या केल्याचे समोर आले आहे. विशेष म्हणजे त्याचा वाढदिवस (9 सप्टेंबर) मंगळवारी साजरा करण्यात आला. त्याच्या दोन दिवसांनी त्याने टोकाचे पाऊल उचलल्याचे समोर आले आहे. ही घटना गुरुवारी रात्री उशिरा उघडकीस आली असून, शहरात एकच खळबळ उडाली आहे.
12 Sep 2025 01:55 PM (IST)
कणकवलीमधून एक धक्कादायक घटना समोर आली आहे. दारूच्या नशेत मुलानेच आपल्या आईची हत्या केल्याचे समोर आले आहे. ८० वर्षीय प्रभावती सोराफ असे मृत्यू झालेल्या महिलेच नाव आहे. ही हादरवून टाकणारी घटना कणकवली तालुक्यातील वारगाव येथील सोरफ-सुतारवाडी येथे रात्रीच्या सुमारास राहत्या घरी घडली. पोलिसांनी मुलगा रवींद्र सोरफ याला ताब्यात घेतले आहे. त्याच्यावर पोलिसांकडून गुन्हा दाखल करण्यात आला आहे. या हत्येमुळे कणकवली मध्ये एकच खळबळ उडाली आहे.
12 Sep 2025 01:50 PM (IST)
पाणी भरण्यावरून दोन कैद्यांमध्ये वाद सुरू होता. नेमकं याचदरम्यान तिसऱ्याच एका कैद्याची ‘एंट्री’ झाली. सिनेस्टाईल त्याने दादागिरी दाखवत एकाची बाजू घेत दुसऱ्या कैद्याला बेदम मारहाण केली. तसेच त्याला ठार मारण्याची धमकी दिली. कर्तव्यावर असलेले कारागृह रक्षक धावले. मध्यस्थी करून वाद सोडवला. ही घटना नागपूर कारागृहातील बडी गोल बरॅक एकच्या मागच्या भागात घडली.
12 Sep 2025 01:40 PM (IST)
नाशिक जिल्ह्यातील सटाणा तालुक्यातील ताहाराबाद – अंतापूर मार्गावर भीषण अपघात झाल्याची घटना समोर आली आहे. यात मजुरांना घेऊन जाणाऱ्या पिकअप व्हॅन आणि टाटा कार यांच्यात समोरासमोर जोरदार धडक झाली. या धडकेत तिघांचा जागीच मृत्यू झाला असून, १० ते १२ जण जखमी झाले आहेत. या दुर्घटनेत परिसरात एकच खळबळ उडाली आहे. गुरुवारी (11 सप्टेंबर) रात्री सव्वा आठ वाजेच्या सुमारास हा भीषण अपघात घडला.
12 Sep 2025 01:05 PM (IST)
एक धक्कादायक प्रकार अकलूजमधून उघडकीस आला आहे. अकलुज पोलीस ठाण्यात दाखल झालेल्या एका गंभीर प्रकरणाने संपूर्ण परिसरात खळबळ उडाली आहे. अकलुज येथील पीडित महिलेने आपल्या पतीसह सासरच्या मंडळींविरोधात शारीरिक व मानसिक छळ, धमक्या, बरदस्तीने वेश्या व्यवसाय करण्यास प्रवृत्त केल्याचे धक्कादायक आरोप केले आहेत. या घटनेमुळे अकलुज, सातारा व रायगड परिसरात संतापाची लाट उसळली असून, पोलिसांनी आरोपींविरोधात तात्काळ कठोर कारवाई करावी, अशी मागणी नागरिकांकडून जोर धरू लागली आहे.
12 Sep 2025 12:40 PM (IST)
पुणे-सोलापूर महामार्गावर गांजा विक्रीसाठी आलेल्या एकाला लोणी काळभोर पोलिसांनी चारचाकी गाडीसह ताब्यात घेतले आहे. तर एकजण पोलिसांची चाहूल लागताच त्या ठिकाणावरून पळून जाण्यात यशस्वी झाला आहे. त्याला पकडण्यासाठी एक पथक रवाना करण्यात आल्याची माहिती लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांनी दिली. मंगळवारी (ता.०९) रात्री सव्वा नऊ वाजण्याच्या सुमारास आंद्रे वस्ती,सार्वजनीक रोडचे कडेला, लोणी स्टेशन, कदमवाकवस्ती, लोणी काळभोर,ता.हवेली) परिसरात ही कारवाई करण्यात आली आहे. गणेश रावसाहेब गोडसे,(वय २५,रा.आंद्रे वस्ती, लोणी काळभोर पुणे,मुळगाव सोनेवाडी, ता.सांगोला,जि.सोलापुर) असे ताब्यात घेण्यात आलेल्या आरोपी तरुणाचे नाव आहे. तर अक्षय रवि पवार (रा.लोणी काळभोर,ता.हवेली)असे फरार आरोपीचे नाव आहे. आरोपी गणेश गोडसे याच्या ताब्यातुन पोलिसांनी २२ हजार रुपये किमतीचा ११०४ ग्रॅम गांजा व गुन्ह्यात वापरलेली २ लाखांची चारचाकी गाडी असा एकूण २ लाख २२ हजार रुपये किमतीचा मुद्देमाल जप्त केला आहे.
12 Sep 2025 12:20 PM (IST)
माजी नगरसेवक वनराज आंदेकर याच्या खुनाचा बदला घेण्यासाठी आयुष कोमकर या १९ वर्षांच्या तरुणाच्या झालेल्या खून प्रकरणात गुन्हे शाखा व समर्थ पोलिसांनी आंदेकर टोळीप्रमुख बंडू आंदेकर याच्यासह ४ जणांना सोमवारी रात्री बुलढाणा येथून जेरबंद केले. टोळी प्रमुख सूर्यकांत उर्फ बंडू राणोजी आंदेकर (६८, रा. नाना पेठ) हा देखील पोलिसांच्या हाती लागला आहे. आयुषच्या खुनाप्रकरणी पोलिसांनी १३ जणांवर गुन्हा दाखल केला असून, आतापर्यंत ८ जणांना अटक केली आहे. आंदेकर टोळीवर पुणे पोलिसांनी मकोका अंतर्गत कारवाई केली असून, आंदेकरच्या ताबेमारी अथवा अनधिकृत बांधकामांवरही कारवाई करण्यासाठी पोलिसांकडून महापालिकेला लवकरच पत्र पाठवले जाणार आहे.
12 Sep 2025 11:56 AM (IST)
मराठा समाजाच्या मागण्या मान्य झाल्यानंतर ओबीसी नेते लक्ष्मण हाके आक्रमक झाले आहेत. गेल्या काही दिवसाखाली ओबीसी समाजाने बारामतीत मोर्चा काढला होता. विनापरवानगी मोर्चा काढल्यामुळे पोलिसांनी लक्ष्मण हाके यांच्यासह १५ जणांवर गुन्हे दाखल केले आहेत. मराठा समाजाला ओबीसीतून आरक्षण देण्यासंदर्भात राज्य सरकारने अध्यादेश लागू केल्याने, या अध्यादेशामुळे ओबीसी आरक्षण धोक्यात आल्याचा आरोप करत ओबीसींच्या वतीने प्रा. लक्ष्मण हाके यांच्या नेतृत्वाखाली बारामती शहरातून निषेध मोर्चा प्रांत कार्यालयावर काढण्यात आला होता. दरम्यान ईद-ए-मिलाद व गणेशोत्सवाच्या पार्श्वभूमीवर पोलीस बंदोबस्त मोठ्या प्रमाणावर लागणार असल्याने, कायदा सुव्यवस्था राखण्यासाठी या आंदोलनाला पोलीस प्रशासनाने परवानगी नाकारली होती. या संदर्भात पोलीस प्रशासनाने आंदोलकांना पत्र देखील दिले होते. मात्र पोलीस प्रशासनाचा आदेश डावलून बारामती शहरात मोर्चा काढण्यात आला. याप्रकरणी बारामती शहर पोलीस ठाण्यात प्रा. लक्ष्मण हाके यांच्यासह राष्ट्रीय समाज पक्षाचे तालुकाध्यक्ष ॲड अमोल सातकर, भाजपचे ॲड जी. बी गावडे, राष्ट्रीय समाज पक्षाचे राज्य सचिव काळुराम चौधरी, पांडुरंग मेरगळ, बापुराव सोलनकर, नवनाथ पडळकर, चंद्रकांत वाघमोडे, बापुराव सोलनकर, राष्ट्रवादीचे किशोर मासाळ, गोविंद देवकाते, ॲड मंगेश ससाणे, किशोर हिंगणे, विठ्ठल देवकाते, बापू कवले यांच्यावर गुन्हे दाखल करण्यात आले आहेत.
12 Sep 2025 11:36 AM (IST)
सातारा जिल्ह्यातून एक खळबळजनक बातमी समोर आली आहे. माण तालुक्यातील राणंद गावच्या हद्दीतील हेळकर पठारावर सोमवारी (दि. ८) रात्री एका वृद्ध महिलेचा निर्घृण खून झाल्याची धक्कादायक घटना उघडकीस आली आहे. हिराबाई दाजी मोटे (वय अंदाजे ७५) यांचा डोक्यात दगड घालून खून करण्यात आला आहे. सोमवारी रात्री उशिरा घरी आल्यानंतर हिराबाई घरात न आढळल्याने संगिता खाशाबा कोळेकर यांनी त्यांच्या भावाला दत्तात्रय दाजी मोटे यांना साडेदहा वाजता ही माहिती दिली. त्यानंतर दुसऱ्या दिवशी सकाळी साडेदहा वाजता संगिता आणि त्यांचा मुलगा संतोष रानात गेले असता, त्यांना हिराबाई यांचा मृतदेह पडलेला दिसला. या घटनेनंतर राणंद गावात खळबळ उडाली. जमिनीच्या वादातून हा खून घडल्याचा संशय ग्रामस्थांनी व्यक्त केला आहे.
12 Sep 2025 11:16 AM (IST)
हक्क सोड पत्राची दस्तावर नोंदणी करण्यासाठी एक हजार रुपयाची लाच घेणाऱ्या बोरगाव (तालुका कोरेगाव) येथील तलाठी रणजीत अर्जुन घाटेराव (वय ३२, सध्या राहणार श्री अपार्टमेंट, अहिरे कॉलनी, लक्ष्मीनगर, सातारा) याला सातारा लाचलुचपत प्रतिबंधक विभागाच्या पथकाने रंगेहात पकडले. या कारवाईमुळे महसूल विभागात एकच खळबळ उडाली आहे.
.png "Videos"){kind=small}
