आयटी इंजिनिअरला तब्बल 62 लाखांचा गंडा
नागपूर : युरोपमध्ये बड्या पगाराची नोकरी मिळवून देण्याचे आमिष दाखवून नागपूरच्या 28 वर्षीय विवाहितेला पोर्तुगालमध्ये पाठवून मानवी तस्करीचा प्रयत्न झाल्याचा प्रकार उघडकीस आला आहे. प्रसंगावधान राखत तिने स्वतःची सुटका करून भारत गाठल्यानंतर या प्रकरणाचा पर्दाफाश झाला. तिच्या तक्रारीवरून पुण्यातील विमानतळ पोलिस ठाण्यात कंपनीसह आठ जणांविरुद्ध फसवणूक, मानवी शोषण, गुन्हेगारी कट आणि धमकीसह विविध न कलमांन्वये गुन्हा दाखल केला आहे.
डिसेंबर २०२५ मध्ये बी. कॉम. शिक्षित विवाहितेला इन्स्टाग्रामवर ‘वुई मायग्रेट’ कंपनीची जाहिरात दिसली. पोर्तुगाल, स्पेन आणि नेदरलँड्मध्ये सुपरमार्केट व चॉकलेट कंपनीत नोकरी, दरमहा दीड लाख रुपये वेतन आणि आकर्षक सुविधांचे आश्वासन दिले होते. त्यानंतर कार्यालयात पुण्यातील बोलावून व्हिसा, वर्क परमिट, विमान तिकीट, विमा आदी नावाखाली टप्प्याटप्प्याने प्रक्रियेच्या तिच्याकडून सुमारे आठ लाख रुपये उकळले.
बिअर दुकानात काम करण्यास भाग पाडले
मे २०२६ मध्ये महिला स्पेनमार्गे पोर्तुगालला पोहोचली. तेथे तिचा पासपोर्ट काढून घेत दोन दिवस खोलीत डांबून ठेवले. पासपोर्ट परत देण्यासाठी ४० हजारांची मागणी केली. भीतीपोटी तिने ४०० युरो देऊन पासपोर्ट मिळवला. त्यानंतर तिला एका गावातील बिअर विक्रीच्या दुकानात साफसफाईचे काम करण्यास भाग पाडले गेले. तेथील दोन भारतीय महिलांनी शारीरिक शोषणासाठी दबाव आणला जाऊ शकतो, अशी माहिती दिल्यानंतर आपण मोठ्या फसवणुकीचे बळी ठरल्याचे तिच्या लक्षात आले.
सुटका करून नागपूर गाठले
29 जूनला पहाटे संधी साधून महिलेने तेथून पलायन केले. बसने दुसरे शहर गाठून हॉटेलमध्ये आश्रय घेतला. तिने दोहा मार्गे दिल्ली गाठली. तेथून पतीच्या मदतीने नागपुरात परतली.
भारतात आल्यानंतरही तीन लाखांची मागणी
भारतात परतल्यानंतरही संबंधित कंपनीकडून तीन लाखांची मागणी करण्यात आली. पैसे न दिल्यास पतीला खोट्या गुन्ह्यात अडकवण्याची आणि ठार मारण्याची धमकी दिल्याचे म्हटले आहे. या प्रकरणात प्रतिमा भाटी, अमितकुमार झा, अझहर शेख, कपिल मिश्रा आरोपींविरुद्ध गुन्हा दाखल झाला आहे.
.png "Videos"){kind=small}
