अकोल्यातून एक धक्कदायक घटना समोर आली आहे. गणेश विसर्जनाच्या दिवशी एका अल्पवयीन मुलीचे कुटुंबीय विसर्जनासाठी गेले असता तिच्या घरात घुसून बलात्कार केल्याची घटना समोर आली आहे. चाकूचा धाक दाखवत ही घटना घडली आहे. पोलिसांनी एका संशियित व्यक्तीवर गुन्हा दाखल केला आहे. या घटनेने मोठी खळबळ उडाली आहे.
नेमकं काय घडलं?
पीडित मुलगी ही १६ वर्षीय अल्पवयीन मुलगी आहे. मुलीचे नातेवाईक गणेश विसर्जनासाठी गेले होते. याच वेळी कोणी नसल्याची संधी साधत आरोपी पीडित अल्पवयीन तरुणीच्या घरी आला. तेव्हा पीडितेचा मानलेला भाऊ हा त्या ठिकाणाहून जात होता. आरोपीचा आणि पिडीतेचा आवाज त्याला आला. तेव्हा त्यांने आरोपीला हटकले. तर आरोपीने जवळील चाकू काढून त्याला धाक दाखवला. तेवढ्यातच आजूबाजूचे लोक काय झालं हे पाहाण्यासाठी धावले, तेव्हा त्यांनाही आरोपीने चाकूचा धाक दाखवला. लोक जास्त जमले म्हणून आरोपीच्या तावडीतून तेव्हा पीडित मुलगी सुटली.
त्यानंतर घाबरलेल्या स्थितीत ती जवळच असलेल्या एका घरात लपली. तेव्हा देखील आरोपी हा तिच्या पाठी गेला. त्याने तिला पुन्हा चाकूचा धाक दाखवून जबरी शारीरिक शोषण केलं. यावेळी मुलीने आरडाओरडा करण्याचा प्रयत्न केला. मात्र आरोपीने चाकूचा धाक दाखवून तिला जीवे मारण्याची धमकी दिली. तसेच याबाबतची माहिती नातेवाईकांना दिली तर तुझ्या आई वडील भाऊ यांनाही मारून टाकू अशी धमकी दिली. त्यानंतर आरोपी शोषण करून तिथून निघून गेला. यानंतर पीडित मुलीची आई घरी आल्यानंतर पीडीतीने घडलेलं सगळंच आईला सांगितलं.
पोलीस ठाण्यात गुन्हा दाखल
यानंतर मुलीच्या आईने डाबकी रोड पोलीस स्टेशन गाठून या प्रकरणी तक्रार दाखल केली. पीडित मुलीच्या तक्रारीवरून डाबकी रोड पोलिसांनी आरोपी तौहिद समीर बैद याच्या विरोधात पोस्को’सह विविध कलमानुसार अंतर्गत गुन्हे दाखल केले आहे. आरोपीने यापूर्वीही रामदास पेठ पोलीस स्टेशन आणि इतर अनेक ठिकाणी गुन्हे केले असल्याची माहिती समोर आली आहे. घटनेनंतर आरोपी फरार असून त्याचा शोध घेण्यासाठी सध्या पोलीस कसून शोध घेण्यात येत आहे.
बजरंग दलाचे कार्यकर्ते आक्रमक
या घडलेल्या प्रकारणांनंतर बजरं दलाचे कार्यकर्ते चांगलेच आक्रमक झाले. त्यांनी पोलीस ठाण्यात जमा होऊन आरोपीवर कडक कारवाई करण्याची मागणी केली. पोलीस या घटनेचा तपास करत आहे. ही घटना काल शनिवारी 6 सप्टेंबर रोजी दुपारी 4:30 वाजता घडली.
