शनिवार, 17 ऑक्टोबर 2026
मीरा-भाईंदर महापालिकेत भाजप नगरसेवकांकडून नागरिक अन् पत्रकारांना मारहाण: नेमकं घडलं काय?
Meera-Bhaindar News: मीरा-भाईंदर महानगरपालिकेच्या (MBMC) महासभेत मोठा राडा झाल्याची माहिती समोर आली आहे. सर्वसामान्य नागरिक आणि पत्रकारांना १६ भाजप नगरसेवकांनी मारहाण केल्याच्या आरोपात भाईंदर पोलीस ठाण्यात गुन्हा दाखल करण्यात आला आहे. महासभेच्या कामकाजादरम्यान सर्वसामान्य नागरिक आणि या संपूर्ण प्रकाराचे व्हिडिओ शूटिंग करणाऱ्या पत्रकारांना भाजप नगरसेवकांनी मारहाण केल्याचा आरोप करण्यात आला आहे.
मिळालेल्या माहितीनुसार, महासभेचे कामकाज सुरू होते. त्यावेळी अचानक प्रेक्षक गॅलरीत बसलेल्या सर्वसामान्य नागरिक आणि नगरसेवकांमध्ये काही कारणावरून बाचाबाची झाली. काही क्षणातच हा वाद चांगलाच विकोपाला गेला त्यामुळे नगरसेवकांनी थेट सर्वसामान्य नागरिकांना मारहाण करण्याचा प्रयत्न केला.
या घटनेचे व्हिडिओ काढत असलेल्या उपस्थित पत्रकारांवरही धावून जात त्यांना मारहाण करण्याचा आणि त्यांचे फोन हिसकावण्याचा प्रयत्न झाल्याचा आरोप पत्रकारांकडून करण्यात आला आहे.
भाईंदर पोलिसांनी या घटनेची गंभीर दखल घेत भाजपच्या १६ नगरसेवकांविरोधात अधिकृत गुन्हा दाखल केला आहे. या प्रकरणातील सर्व सीसीटीव्ही (CCTV) फुटेज आणि मोबाईल व्हिडिओंची तपासणी पोलिसांकडून सुरू करण्यात आली आहे. नागरिकांना आणि पत्रकारांना मारहाण करण्याऱ्या सर्व दोषींवर दोषींवर कठोर कारवाई करणार असल्याचे आश्वासन पोलिसांनी दिले आहे.
महानगरपालिकेच्या महासभेचे कामकाज सुरु होते. पण त्याचवेळी अचानक प्रेक्षक गॅलरीत बसलेल्या काही नागरिकांचा आणि भाजपच्या नगरसेवकांचा वाद झाला. अवघ्या काही क्षणातच हा वाद चांगचाल पेटल्याने सभागृहात तणावाचे वातावरण बनले होते. याचवेळी नगरसेवकांनी काही नागरिकांना मारहाण करण्याचा प्रयत्न केला. असा आरोप करण्यात आला. या संपूर्ण मारहाणीचा पत्रकारांनी व्हिडिओ काढण्यास सुरुवात केली. पण त्यावेळी नगरसेवकांना पत्रकारांनाही मारहाण करण्याचा प्रयत्न केला.
दरम्यान, परिस्थिती अधिक चिघळू नये यासाठी उपस्थित पोलीस आणि सुरक्षा रक्षकांनी मध्यस्थी करत हा वाद मिटवला. पण नागरिक आणि पत्रकारांनी मात्र या घटनेच्या निषेधार्थ महानगरपालिकेच्या तळमजल्याजवळच ठिय्या आंदोलन सुरू केले. गेल्या काही महिन्यांमध्ये नगरसेवक आणि सर्वसामान्य नागरिकांना मारहाण होत असल्याच्या काही घटना सासत्याने समोर येत आहेत. या घटनेमुळे सुरक्षिततेचा प्रश्न पुन्हा ऐरणीवर आला आहे.
