मुंबईच्या वाकोला परिसरातून एका अतिशय खळबळजनक बातमी समोर आली आहे. एका प्रसिद्ध सीएने विष प्रश्न करून टोकाचं पाऊल उचलल्याचे समोर आले आहे. समलैंगिक संबंधाची अश्लील चित्रफीत प्रसारित करण्याची धमकी देत दोघांनी तब्बल ३ कोटी रुपयांची खंडणी उकळली. याच सततच्या त्रासाला कंटाळून एका चार्टर्ड अकाउंटंटने आत्महत्या केली. आत्महत्या करणाऱ्या सीएचे नाव राज मोरे (वय ३२) आहे. या प्ररकरणी वाकोला पोलिसांनी दोघांवर गुन्हा दाखल केला असून दोघांना अटक केली आहे.
आरोपीची पोलिस कोठडीत आत्महत्या; टॉवेलने गळफास घेऊन संपवलं जीवन
नेमकं काय प्रकरण आहे?
पुढे आलेल्या माहितीनुसार, वाकोला परिसरात नामांकित चार्टर्ड अकाउंटंट राज मोरे याला शारीरिक संबंधाचे व्हिडिओ व्हायरल करून ब्लॅकमेलिंग करण्याची धमकी देत करोडोंची खंडणी उकळणाऱ्या आरोपींना पोलिसांनी अटक केली आहे. या प्रकरणात पीडित तरुणाला आत्महत्येस प्रवृत्त केल्याचा गंभीर आरोपही या आरोपींवर करण्यात आला आहे. अटक करण्यात आलेल्या आरोपींचे नाव राहुल शेरू पारवाणी (वय 26) आणि सभा इकबाल अहमद कुरेशी (22) अशी अटक करण्यात आलेल्या आरोपींची नावे आहे. त्यांच्याविरुद्ध वाकोला पोलीस ठाण्यात 108, 308(2), 308(3), 3(5) BNS अंतर्गत गुन्हा दाखल करण्यात आला आहे.
राज मोरे हा आपल्या आईसोबत सांताक्रूझ येथे रहात होता. राज शीव येथील एका कंपनीत कामालाही होता. राज याची इन्स्टाग्रामच्या समाजमाध्यमावर राहुल पारवानी याच्यासोबत सप्टेंबर 2024 मध्ये ओळख झाली. त्यानंतर त्यांच्यात मैत्री झाली. दोघे नियमित भेटत होते. अश्यातच दोघांचे शारीरिक संबंध होते. मात्र राहुलची सहकारी सबा कुरेशी याने या संबंधाची अश्लील चित्रफित तयार केली. आणि यानंतर या व्हिडीओच्या आधारे राहुल आणि सबा या दोघांनी राजला ब्लॅकमेल करण्यास सुरवात केली. त्यातून त्याला करोडोची खंडणी मागण्यात आली. मात्र सततच्या त्रासाला कंटाळून अखेर हनीट्रॅपमध्ये अडकलेल्या चार्टर्ड अकाउंटंटने टोकाच पाऊल उचललं आणि विष प्राशन करून आत्महत्या केली. याप्रकरणी वाकोला पोलिसांनी दोघांविरोधात आत्महत्येस प्रवृत्त केल्याप्रकरणी गुन्हा दाखल केला आहे. पोलिसांनी आरोपीला अटक केले आहे.
सापडली भावनिक चिठ्ठी
राज मोरे याने आत्महत्या करण्यापूर्वी एक चिठ्ठी लिहिली आहे. चिठ्ठीत त्याने आपल्या आईसाठी लिहिली आहे. “माझी प्रिय आई, मला माफ कर, मी एक चांगला मुलगा नाही होऊ शकलो. तुला माझ्याकडून खूप अपेक्षा होत्या, पण मीच तुला एकटं सोडून जात आहे. मी माझ्या कर्माची फळं भोगतो आहे. देव तुला पुढच्या आयुष्यात माझ्यासारखा मुलगा कधीही देऊ नये. मी खूप वाईट वागलो आहे, पूनम मावशी, माझ्या आईची काळजी घ्या. माझी विविध खात्यांमध्ये पॉलिसी आहेत, ते पैसे घ्या आणि माझ्या आईला द्या. मला माफ करा,” असे राजने आपल्या सुसाईड नोटमध्ये लिहिले आहे.
‘लवकरच जेवणासाठी घरी येतो’ म्हणत जे.जे.रुग्णालयातील डॉक्टरची आत्महत्या; अटल सेतूवरून खाडीत उडी
