Nashik Crime: नाशिकमध्ये धक्कादायक प्रकार! साडेतीन वर्षे छळ, पतीने ‘तिहेरी तलाक’चा मजकूर कुरिअरने पाठवला

नाशिकमध्ये तरुणीने पती आणि सासू-सासऱ्यांविरुद्ध कुरिअरने ‘ट्रिपल तलाक’ पाठवल्याची तक्रार दाखल केली. साडेतीन वर्षे पैशांसाठी छळ, मारहाण व सोन्याचे दागिने बळजबरीने घेतल्याचा आरोप. पोलिसांनी गुन्हा दाखल केला आहे.

• नाशिक तरुणीचा पती बिहार व कॅनडामध्ये रहिवासी
• पैशांची मागणी न पाळल्याने साडेतीन वर्षे छळ
• पतीने कुरिअरद्वारे ‘ट्रिपल तलाक’ लिहून पाठवला

नाशिक: नाशिकमधून एक धक्कादायक घटना समोर आली आहे. नाशिकमधील एका मुस्लिम तरुणीचा बिहार आणि कॅनडात राहणाऱ्या पतीशी लग्न झालं होत. लग्नानंतर पतीसह तिच्या सासू-सासऱ्यांनी तिला माहेरून पैसे आण्यासाठी भाग पाडले. यासाठी मागील साडेतीन वर्ष तिचा छळ करण्यात आला. एवढेच नाही तर तिला पतीने कागदावर तिहेरी तलाक चा मजकून लिहून कुरिअरद्वारे पाठवल्याचे समोर आले आहे. महिलेने तातडीने मुंबईनाका पोलीस ठाण्यात तक्रार दाखल केली.

Lawrence Bishnoi : एकमेकांचे पक्के दोस्त, पण आता कट्टर दुश्मन, अनमोलला धमकी देणारा शहजाद भट्टी कसा बनला लॉरेन्स बिश्नोईचा शत्रू?

फिर्यादीत काय?

महिलेने दिलेल्या फिर्यादीनुसार, जानेवारी २०२२ मध्ये निकाहनानंतर सुरुवातीला संसार सुरळीत होता. नंतर तिच्या कडून व्यवसायासाठी पैश्यांची मागणी करण्यात आली,परंतु ही मागणी पूर्ण न केल्याने पतीसह सासू-सासऱ्यांनी पीडितेस मारहाण करून शारीरिक व मानसिक छळ केला. एवढेच नाही तर विवाहितेची आठ तोळे सोन्याचे दागिने बळजबरीने ताब्यात घेतले गेले. यावरच छळ थांबला नाही तर तिच्या पतीने हस्ताक्षरासह लिहिलेली एक पत्रिका पाठवली. ज्यात तिहेरी तलाक लिहून एक मुजकूर लिहून पाठवले.

पत्रात नेमकं काय ?

“मैं अपने पूरे होशो हवास के साथ तहरीब लिख रहा हूँ कि मैं तुम्हे हस्न (सुन्नत) तरीके पर तलाक देता हूँ। लिहाजा मेरी ये तहरीब पहुंचने के बाद जब तुम हैज से पाक हो तो तुम्हें तलाक, फिर जब हैज मे पाक हो तो तलाक, फिर जब पाक हो तो तलाक. मैने जबान से भी तलाक दिया है। और लिखीत भी दे रहा हूँ, ताकी सनद रहे,” असे पात्रात लिहले आहे.

गुन्हा दाखल

पीडित महिलेने याप्रकरणी तक्रार नोंदवली असून पोलिसांनी गुन्हा दाखल केला आहे. तिच्या तक्रारीच्या आधारावर मुस्लीम महिला विवाह अधिकार संरक्षण कायदा, 2019 तसेच संबंधित कलमान्वये पती व सासू-सासऱ्यांविरुद्ध गुन्हा दाखल करण्यात आला आहे. पुढील तपास पोलीस करत आहे.

तिहेरी तलाक बेकायदेशीर

तिहेरी तलाक ही प्रथा कायद्याने बेकायदेशीर आहे. तरीही अनेक मुस्लिम महिलांना या प्रथेचा सामना करावा लागत आहे. सप्टेंबर 2018 मध्ये सर्वोच्च न्यायालयाने ‘ट्रिपल तलाक’ असंवैधानिक घोषित केला आणि त्यानंतर मुस्लीम महिला (विवाह हक्कांचे संरक्षण) कायदा 2019 लागू करण्यात आला. या कायद्यानुसार तिहेरी तलाक देणे हे गुन्हेगारी कृत्य मानले जाते.कायद्याची अंमलबजावणी कठोर असूनही, अनेक ठिकाणी अशी प्रकरणे समोर येत आहेत.

या कायद्यात

• तिहेरी तलाक देणाऱ्या पतीस तीन वर्षांपर्यंत तुरुंगवासाची शिक्षा होऊ शकते
• पीडित महिलेला भरणपोषणाचा हक्क मिळतो
• मुलांची कस्टडी आईकडे देण्याचा प्राधान्यक्रम ठेवला आहे

Raigad Accident: भीषण अपघात! रायगड सहलीसाठी निघालेल्या विद्यार्थिनींची मिनीबस पलटली; एकाची प्रकृती गंभीर